ᕿᓂᖅᓴᐃᔨᕗᑦ ᐃᑰᑕᖅᑕᐅᔪᓂᒃ ᐆᒃᑐᕋᐅᑎᓂᒃ ᐱᔭᕆᐊᖃᖅᑎᓪᓗᒋᑦ ᓄᓇᒥᑦ ᐊᒪᕈᖅ ᑕᓯᐅᑉ ᐊᑖᓂᑦ, ᐆᒃᑐᕋᐃᔪᖕᓇᖅᑐᒥᒃ ᓯᑯᒥᑦ ᑐᙵᕕᓕᐅᕐᓗᑎᒃ (1000 x 1000 ᐃᑎᒐᐃᑦ ᐊᖏᑎᒋᔪᒥᑦ) ᐱᐅᓛᖑᓚᐅᖅᑐᖅ ᑐᙵᕕᓕᐅᕐᓂᐊᕐᓗᓂ!.

ᓴᓇᔭᐅᔪᖅ ᐱᓕᕆᖃᑎᒌᑦᑎᐊᕐᓂᖃᕆᐊᖃᓚᐅᖅᑐᖅ ᐅᑯᓄᙵ ᓄᓇᓕᖕᒥᑦ ᖃᒪᓂᑦᑐᐊᕐᒥᑦ, ᐲᑕ ᑖᐸᑕᐃ ᐲᑕᐅᑉ ᐊᒡᔭᖅᑐᐃᔨᒃᑯᖏᓐᓂᑦ, ᐊᒻᒪᓗ ᕿᓂᖅᓴᐃᔨᒃᑯᑦ ᐊᒻᒪᓗ ᐅᔭᖅᑲᓕᕆᔨᒃᑯᑦ ᐊᐳᖅᑎᓐᓈᖅᑐᒥᑦ ᐅᔭᕋᒃᑕᕆᐊᑉᑎᖕᓂᑦ.  ᐱᓕᕆᐊᖅ ᐊᐅᓪᓛᓚᐅᖅᑐᖅ ᓄᕕᐱᕆ ᕿᑎᐊᓂᑦ ᐃᓱᐊᓄᑦ ᑎᓯᐱᕆ ᑐᕌᒐᖃᖅᖢᑎᒃ ᓯᑰᑉ ᖄᖓᓂᑦ ᑐᙵᕕᓕᐅᕈᒪᑉᓗᑎᒃ ᐊᔪᙱᓐᓂᐊᕐᓗᑎᒃ ᐅᖁᒪᐃᑦᑐᑦ ᐃᑯᒪᓅᖅᑐᑦ ᖄᖓᓃᑦᑐᖕᓇᖅᑐᓂᒃ.

ᓯᑯᒥᑦ ᑐᙵᕕᓕᐅᕐᓂᐊᖅᖢᑎᒃ, ᐱᓕᕆᖃᑎᒌᒃᑐᑦ ᖃᓕᕇᓕᖅᑐᐃᓚᐅᖅᑐᑦ ᓯᑯᒥᑦ ᐃᑰᑕᐃᑉᓗᑎᒃ ᐊᔾᔨᒌᙱᑦᑐᓂᒃ ᐊᖕᒪᔪᓂᒃ ᐊᒻᒪᓗ ᐊᑐᖅᖢᑎᒃ ᑯᕕᑎᑦᑎᔾᔪᑎᒥᒃ ᐃᒪᕐᒥᒃ ᖄᖓᓄᐊᖅᓯᓂᐊᖅᑐᒥᒃ ᑐᙵᕕᐅᑉ.  ᐃᒃᑮᕐᓇᖅᑎᓪᓗᒍ ᓄᑖᖅ ᐃᒪᖅ ᖁᐊᕌᖓᑦ ᐃᒻᒥᖅᑕᐅᒃᑲᓐᓂᖅᐸᒃᖢᓂ ᐃᓚᓯᓕᖅᖢᓂ ᓄᑖᒥᒃ ᓯᑯᒥᒃ.

ᓄᑖᓪᓗᐊᕕᐅᔪᖅ ᐱᓕᕆᐊᖑᓚᐅᖅᑐᖅ, ᐊᔾᔨᐅᖏᑦᑐᖅ ᓯᑯᒥᑦ ᑐᙵᕕᒃ ᐱᙳᖅᑎᑕᐅᔪᖕᓇᓚᐅᖏᑦᑐᖅ ᐃᑲᔪᖅᑕᐅᓚᐅᖏᒃᑯᑉᑕ ᓯᓚᑎᑉᑎᖕᓄᑦ ᖃᒪᓂᑦᑐᐊᕐᒥᐅᓂᑦ ᑐᓂᓯᓚᐅᖅᑐᑦ ᐊᔪᙱᓐᓂᖏᓐᓂᒃ ᐊᒻᒪᓗ ᖃᐅᔨᒪᓂᕆᔭᖏᓐᓂᒃ ᐃᑲᔪᐃᓂᖃᑦᑎᐊᖅᑐᒥᒃ ᐸᕐᓇᐃᓂᕐᒧᑦ, ᐱᐊᓂᒃᑕᐅᓯᒪᓕᖅᑐᒥᒃ ᐊᑐᖅᑕᐅᑦᑎᐊᓕᖅᖢᓂᓗ ᐊᖏᔪᕐᔪᐊᖑᑉᓗᓂ ᓯᑯ ᑐᙵᕕᒃ.

ᒪ’ᓈᖅᑐᒍᑦ ᐊᒻᒪᓗ ᖁᕕᐊᒋᑉᓗᒋᑦ ᐃᓚᐅᖃᑕᐅᓚᐅᖅᑐᓗᒃᑖᑦ ᐱᓕᕆᐊᕐᒥᑦ!