ᐊᒡᓃᑯᒃᑯᑦ ᐱᒋᐊᖅᑎᑦᑎᔪᑦ ᓄᑖᒥᒃ ᐃᓄᙳᐃᓂᖅ ᐱᓕᕆᐊᕐᒥᑦ ᐊᒻᒪᓗ ᑐᓴᖅᑎᑦᑎᔪᑦ ᐱᓕᕆᖃᑎᖃᕐᓂᖏᓐᓂᒃ ᑲᓇᑕᒥᑦ ᐅᑉᓛᕈᒥᑕᖅᑎᑦᑎᖃᑦᑕᖅᑐᓂᒃ ᑭᕙᓪᓕᕐᒥᑦ ᐊᒻᒪᓗ ᕿᑎᕐᒥᐅᓂᑦ ᐃᓕᓐᓂᐊᖅᑎᓗᒃᑖᑦ ᐅᑉᓛᕈᒥᑕᖅᑎᖃᑦᑕᕐᓗᒋᑦ ᐱᖓᓱᓄᑦ ᐅᑭᐅᓄᑦ.

ᕿᑎᐊᓂᑦ ᐊᒥᕋᐃᔭᕐᕕᒃ 27, 2023-ᒥᑦ, ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑯᑦ ᐅᒃᑯᐊᖅᐸᓪᓕᐊᓂᕐᒧᑦ ᓂᕆᑎᑦᑎᑎᓪᓗᒋᑦ, ᐊᒡᓃᑯᒃᑯᓐᓄᑦ ᓄᓇᕗᒻᒧᑦ ᐊᖓᔪᖅᖄᒧᑦ ᑐᖏᓕᕆᔭᐅᔪᖅ ᒫᑎᓐ ᐱᓛᓐᑎ ᖃᐅᔨᑎᑦᑎᓚᐅᖅᑐᖅ ᑲᒻᐸᓂᒃᑯᑦ ᓄᑖᖅ ᐃᓄᙳᐃᓂᕐᒧᑦ ᐱᓕᕆᐊᕐᒥᑦ, ᓴᖅᕿᑦᑎᓂᐊᖅᑐᖅ ᐱᓕᕆᖃᑎᒌᖕᓂᖏᓐᓂᒃ ᐱᖓᓱᐃᑦ ᓄᓇᓕᖕᒥᑦ ᐊᐅᓚᑦᑎᔨᐅᔪᑦ ᐊᒻᒪᓗ ᐱᓕᕆᖃᑎᒋᔭᐅᔪᑦ ᑲᑎᖦᖢᒋᑦ $5 ᒥᓕᔭᓐᓂᒃ.

Sandi Vincent, Member of the Ilitaqsiniq Board, Ulrike Komaksiutiksak, Executive Director of The Arctic Rose Foundation, Judith Barry, Co-Founder Breakfast Club of Quebec, and Martin Plante, Vice-President of Nunavut Operations at Agnico Eagle.

ᐃᓄᙳᐃᓂᖅ ᐱᓕᕆᐊᖑᔪᑎᒍᑦ, ᐸᓛᓐᑎ ᑐᓴᖅᑎᑦᑎᔪᖅ ᐱᓕᕆᖃᑎᖃᕐᓂᐊᕐᓂᖓᓄᑦ ᑲᓇᑕᒥᑦ ᐅᑉᓛᕈᒥᑕᖅᑎᑦᑎᖃᑦᑕᖅᑐᓂᒃ ᐃᓕᓐᓂᐊᖅᑎᓗᒃᑖᓂᒃ ᑭᕙᓪᓕᕐᒥᑦ ᐊᒻᒪᓗ ᕿᑎᕐᒥᐅᓂᑦ ᓄᓇᕗᒻᒥ ᐅᑉᓛᕈᒥᑕᖅᑎᑦᑎᖃᑦᑕᕐᓗᑎᒃ ᒥᑭᓛᒃᑯᑦ ᐱᖓᓱᓄᑦ ᐅᑭᐅᓄᑦ.

“ᐃᓄᙳᐃᓂᖅ ᐃᓗᐊᓃᑦᑐᖅ ᒪᒃᑯᒃᑐᑉᑎᖕᓂᑦ,” ᐅᖃᖅᑐᖅ ᒫᑎᓐ ᐸᓛᓐᑎ ᑭᕙᓪᓕᕐᒥᑦ ᑕᐅᖅᓰᖃᑎᒌᒃᑐᑦ ᐅᒃᑯᐊᖅᐸᓪᓕᐊᓂᕐᒥᑦ ᓂᕆᑎᓪᓗᒋᑦ. “10,000 ᒪᒃᑯᒃᑐᐃᑦ ᐃᓐᓇᕈᕐᓂᐊᖅᑐᖅ ᖁᓕᑦ ᐅᑭᐅᓂᑦ ᖃᐃᔪᓂᑦ. ᐅᒃᐱᕈᓱᑦᑎᐊᖅᑐᒍᑦ ᕿᒪᐃᓂᐊᕋᑉᑕ ᖃᐅᔨᒪᔭᐅᓂᐊᖅᑐᒥᒃ ᐊᑯᓂᐅᔪᒧᑦ ᑐᑭᖃᖅᑐᒃᑯᑦ ᓄᓇᕗᒻᒥᑦ, ᐊᒻᒪᓗ ᐃᑲᔪᕆᐊᖃᖅᑕᕗᑦ ᐊᒻᒪᓗ ᑮᓇᐅᔭᒥᒃ ᐊᑐᕈᑎᒋᓗᒋᑦ ᑭᖑᕚᕆᓂᐊᖅᑕᕗᑦ.

ᑕᐃᒪᙵᓂᑦ ᐊᒡᓃᑯᒃᑯᑦ ᐊᖓᔪᖅᖄᓄᑦ ᐃᒃᓯᕙᐅᑕᕆᔭᐅᔪᖅ ᑲᑎᒪᔨᓄᑦ, ᓵᓐ ᐳᐃᑦ, ᑐᓴᖅᑎᑦᑎᓚᐅᖅᑎᓪᓗᒍ $5 ᒥᓕᔭᓐᓂᒃ ᐊᑐᖅᑕᐅᓂᐊᖅᑐᒥᒃ ᐅᔭᕋᒃᑕᕆᐊᕐᒥᑦ ᐊᔪᕈᖕᓃᖅᓴᐃᓂᕐᒧᑦ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᑐᕌᖓᔪᓄᑦ ᓄᓇᕗᒻᒥ ᐊᕗᓐᓂᕕᒃ 2020-ᒥᑦ, ᑲᒻᐸᓂᒃᑯᑦ ᐅᖃᖃᑎᖃᓚᐅᖅᑐᑦ ᓄᓇᓕᖕᓂᑦ ᐊᒻᒪᓗ ᓄᓇᓕᖕᒥᑦ ᐱᓕᕆᖃᑎᒋᔭᐅᔪᓂᒃ ᖃᐅᔨᒃᑲᓐᓂᕈᒪᑉᓗᑎᒃ ᖃᓄᖅ ᓯᕗᒻᒧᖕᓂᐊᕐᓂᖏᓐᓂᒃ ᑐᓂᕐᕈᑕᐅᔪᖅ ᑐᑭᖃᓛᒃᑰᖓᓂᐊᕐᓗᓂ.

ᐅᖃᖃᑎᒋᔭᐅᑉᓗᑎᒃ, ᐃᓚᐅᑉᓗᑎᒃ ᐅᖃᓪᓚᖃᑎᒋᔭᐅᔪᑦ ᑭᕙᓪᓕᕐᒥᑦ ᐃᓐᓇᕆᔭᐅᔪᑦ ᐅᖃᐅᔾᔨᓂᕐᒧᑦ ᑲᑎᒪᔨᐊᓛᒃᑯᑦ ᐊᑐᖅᑖᖅᑎᑦᑎᓚᐅᖅᑐᖅ – ᐃᓄᙳᐃᓂᖅ, ᑐᑭᖃᖅᑐᖅ “ᓴᖅᕿᑦᑎᓂᖅ ᐃᓗᐃᑦᑑᖓᔪᒥᒃ ᐃᓄᖕᒥᒃ – ᖃᐅᔨᔭᐅᓚᐅᖅᑐᖅ ᑐᓂᔭᐅᔪᖅ ᐃᓕᔭᐅᓂᐊᖅᑐᒥᒃ ᐱᖓᓱᓄᑦ ᐱᔾᔪᑕᐅᔪᓄᑦ ᐃᓂᐅᔪᓄᑦ:

  • ᐃᑲᔪᖅᑐᐃᓗᓂ ᖃᓄᐃᓕᐅᕐᓂᖃᕐᓂᒃᑯᑦ ᐃᓅᓯᖃᕐᓂᕐᒥᒃ ᐃᑲᔪᖅᑕᐅᓗᑎᒃ ᐱᖅᖁᓯᕆᔭᐅᔪᒃᑯᑦ ᖃᓄᐃᓕᐅᖅᑎᑕᐅᓂᒃᑯᑦ, ᐃᓚᐅᓗᓂ ᓄᓇᓕᐊᖅᑕᕐᓂᖅ;
  • ᓂᕿᖃᑦᑎᐊᕐᓂᖅ;
  • ᐊᒻᒪᓗ ᐃᑲᔪᕐᓗᓂ ᐃᓄᖕᓄᑦ ᐱᓕᕆᐊᖑᔪᒥᒃ ᐱᕈᐃᑎᑦᑎᓂᖃᙱᑦᑐᓂᒃ ᐱᒻᒪᕆᐅᔪᒥᒃ ᐊᒻᒪᓗ ᐊᑯᓂᐅᔪᒧᑦ ᐱᑦᑕᐅᔪᒥᒃ ᐊᒃᑐᖅᓯᓂᖃᖅᑐᒥᒃ ᓄᓇᓕᖕᓂᑦ.

ᑐᓴᖅᑎᑦᑎᔾᔪᑕᐅᓚᐅᕐᓂᖓᑐᑦ ᐅᓐᓄᒍᒥᑕᖅᑐᓂᑦ, ᐊᒡᓃᑯᒃᑯᑦ ᐋᖅᕿᒃᓯᓚᐅᖅᑐᑦ ᐱᖓᓱᓂᒃ ᐱᓕᕆᖃᑎᒋᓂᐊᖅᑕᖏᓐᓂᒃ ᐃᓄᙳᐃᓂᖅ-ᑯᑦ ᓴᖅᕿᑦᑎᓗᑎᒃ ᐊᑯᓂᐅᔪᒧᑦ ᐱᑕᐅᔪᒃᑯᒃ ᐊᒃᑐᖅᓯᓂᖃᖅᑐᒥᒃ ᓄᓇᕗᒻᒥᑦ:

  • $250,000 ᑮᓇᐅᔭᖃᖅᑎᑦᑎᓂᖅ ᐅᑭᐅᖅᑕᖅᑐᒥᑦ ᕉᔅ ᑐᙵᕕᒃᑯᑦ;
  • $2.25 ᒥᓕᔭᓐᓂᒃ ᑮᓇᐅᔭᖃᖅᑎᑦᑎᓗᓂ ᐃᓕᑕᖅᓯᓂᒃᑯᓐᓄᑦ;
  • $2.5 ᒥᓕᔭᓐᓂᒃ ᑮᓇᐅᔭᖃᖅᑎᑦᑎᓗᓂ ᑲᓇᑕᒥᑦ ᐅᑉᓛᕈᒥᑕᖅᑎᑦᑎᖃᑦᑕᖅᑐᓄᑦ.

“ᖁᔭᓐᓇᒦᕈᒪᔭᑉᓯ ᓄᓇᓕᖕᒦᑦᑐᓗᒃᑖᑦ, ᐃᓄᐃᑦ, ᐊᐅᓚᑦᑎᔩᑦ, ᐊᒻᒪᓗ ᐱᓕᕆᖃᑎᒋᔭᐅᔪᑦ ᑐᓂᓯᔪᖕᓇᓚᐅᖅᑐᑦ ᐱᕕᖃᕐᓂᖏᓐᓂᒃ ᐊᒻᒪᓗ ᖃᐅᔨᒪᓂᕆᔭᖏᓐᓂᒃ ᐃᑲᔪᕐᓂᐊᕐᓗᑕ ᖃᐅᔨᒪᓕᒃᑲᓐᓂᕐᓂᐊᕐᓗᒋᑦ ᐱᔭᐅᔭᕆᐊᓖᑦ ᐊᒻᒪᓗ ᐊᒃᓱᕈᕐᓇᐅᑎᐅᔪᑦ ᐃᓄᙳᐃᓂᖅ-ᒥᑦ ᐱᑎᑦᑎᑉᓗᓂ,” ᐅᖃᖅᑐᖅ ᐱᓛᓐᑎ.

“ᐃᑲᔪᕐᓂᕆᔭᓯ ᐱᕙᓪᓕᐊᑎᑦᑎᓚᐅᖅᑐᖅ ᐱᓕᕆᐊᕐᒥᑦ ᐃᒪᓐᓇᐃᖦᖢᓂ, ᑕᐃᒪᑐᖅ, ᐊᒃᑐᖅᓯᓂᖃᕐᓂᐊᖅᐳᖅ ᐱᑦᑕᐅᔪᒃᑯᑦ ᓄᓇᕗᒻᒧᑦ ᐊᑯᓂᐅᔪᒧᑦ.”

Representatives from Agnico Eagle, the Arctic Rose Foundation, Ilitaqsiniq and Breakfast Club of Canada.

ᐱᔾᔪᑎᖃᖅᑐᖅ ᐊᑎᖓᓂᒃ “ᐃᓄᙳᐃᓂᖅ”

ᐊᑎᖅ ᐃᓄᙳᐃᓂᖅ, ᑐᑭᖃᖅᑐᖅ “ᓴᖅᕿᑦᑎᓂᖅ ᐃᓗᐃᑦᑑᖓᔪᒥᒃ ᐃᓄᖕᒥᒃ”, ᐋᖅᕿᒃᑕᐅᓚᐅᖅᑐᖅ ᐱᓕᕆᖃᑎᒋᑉᓗᒋᑦ ᑭᕙᓪᓕᕐᒥᑦ ᐃᓐᓇᕆᔭᐅᔪᑦ ᐅᖃᐅᔾᔨᓂᕐᒧᑦ ᑲᑎᒪᔨᐊᓛᒃᑯᑦ ᐊᑐᖅᑕᐅᓂᐊᕐᓗᓂ ᓄᓇᕗᒻᒥ ᓄᓇᓕᖕᓂᑦ.

ᐊᑎᖓ ᐊᒻᒪᓗ ᐱᓕᕆᖃᑎᒌᖕᓂᕐᒧᑦ ᐊᑐᖅᑕᐅᔪᖅ ᐊᕙᓗᓯᒪᔪᖅ ᐊᒡᓃᑯᒃᑯᑦ ᑕᐅᑐᒐᖓᓐᓂᒃ ᑭᑐᓗᒃᑖᓄᑦ ᐱᕙᓪᓕᐊᓂᖃᕐᓗᑎᒃ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ. ᑐᕌᖓᔪᖅ ᐋᖅᕿᓚᐅᖅᑐᖅ ᐊᒻᒪᓗ ᖃᓄᐃᑦᑑᓂᐊᕐᓂᖓ ᓄᓇᓕᖕᒦᖓᔪᒃᑯᑦ ᐊᑐᖅᖢᑎᒃ ᐱᒋᐊᖅᑎᑦᑎᑉᓗᓂ ᐊᑐᖅᑕᐅᓚᐅᖅᓯᒪᙱᑦᑐᒥᒃ ᓄᑖᒥᒃ ᐱᓕᕆᖃᑎᒌᖕᓂᕐᒥᒃ ᓴᖅᕿᑦᑎᓂᐊᕐᓗᑎᒃ ᐊᒻᒪᓗ ᐱᑕᖃᖅᑎᓪᓗᒍ ᐊᒃᑐᖅᓯᓂᖃᕐᓂᒃᑯᑦ, ᐊᑯᓂᐅᔪᒥᒃ ᑐᕌᖓᔪᑦ ᒪᓕᒃᖢᒋᑦ ᓄᓇᓕᖕᓄᑦ ᓱᓕᔪᑦ ᐊᒻᒪᓗ ᐱᒻᒪᕆᐅᔪᑦ ᐱᔭᕆᐊᖃᖅᑕᖏᑦ.

ᐅᖃᓕᒫᒃᑲᓐᓂᕈᖕᓇᖅᑐᑎᑦ ᐱᔾᔪᑎᖃᖅᑐᓂᒃ ᐱᖓᓱᑦ ᐊᐅᓚᑦᑎᔨᓂᑦ ᐊᒻᒪᓗ ᐱᓕᕆᖃᑎᒌᖕᓂᐅᔪᓂᑦ: 

ᐅᑭᐅᖅᑕᖅᑐᒥᑦ ᕉᔅ ᑐᙵᕕᒃ

ᓯᕗᓪᓕᖅᐹᖅ ᐱᓕᕆᑎᒌᖕᓂᖅ ᓴᖅᕿᑕᐅᓚᐅᖅᑐᖅ ᐃᓄᙳᐃᓂᖅ-ᑯᑦ $250,000-ᓂᒃ ᑮᓇᐅᔭᖃᖅᑎᑕᐅᓂᖓ ᐅᑭᐅᖅᑕᖅᑐᒥᑦ ᕉᔅ ᑐᙵᕕᒃ ᐃᑲᔪᕐᓂᐊᖅᑐᖅ ᐊᒃᓱᕈᕐᓇᖅᑐᓂᒃ ᑎᑭᐅᑎᔭᐅᖃᑦᑕᕐᓂᖏᑦ ᓄᓇᕗᒻᒥ ᒪᒃᑯᒃᑐᐃᑦ.

ᓴᖅᕿᑕᖓ ᐃᒻᖏᖅᑎᐅᑉ-ᐃᒻᖏᐅᓯᐅᖅᑎᐅᑉ ᓲᓴᓐ ᐊᒡᓘᒃᑲᐅᑉ, ᐱᔾᔪᑎᒋᔭᖓ ᐅᑭᐅᖅᑕᖅᑐᒥᑦ ᕉᔅ ᑐᙵᕕᐅᑉ ᐃᑲᔪᕐᓂᐊᕐᓗᒋᑦ ᐅᑭᐅᖅᑕᖅᑐᒦᑦᑐᑦ ᒪᒃᑯᒃᑐᐃᑦ ᐃᓄᐃᑦ, ᐃᖅᕿᓖᑦ ᓄᓇᖅᖃᑎᒌᓂᑦ ᐊᒻᒪᓗ ᒦᑏ ᒪᒃᑯᒃᑐᐃᑦ, ᐃᑲᔪᖅᑐᐃᔪᖅ ᖁᕕᐊᓱᙱᓐᓂᕐᒥᒃ ᐊᑐᖅᑐᓄᑦ ᐊᒻᒪᓗ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᖏᓐᓄᑦ ᐊᒻᒪᓗ ᑲᑎᑎᑦᑎᔪᖅ ᐱᖅᖁᓯᕆᔭᖏᓐᓄᑦ ᐱᒋᐊᖅᑎᓐᓂᒃᑯᑦ ᐊᒻᒪᓗ ᐊᑐᓕᖅᑕᐅᔪᖕᓇᖅᑐᒃᑯᑦ ᓱᓇᓕᐅᕆᓂᕐᒥᒃ ᑐᕌᖓᔪᓕᕆᓂᒃᑯᑦ.

ᐊᒡᓃᑯᒃᑯᑦ ᐃᑲᔪᖅᑕᖓ ᐅᑭᐅᖅᑕᖅᑐᒥᑦ ᕉᔅ ᑐᙵᕕᒃ ᐱᒋᐊᖅᓯᒪᔪᖅ ᑐᑭᓯᐊᓂᖃᑦᑎᐊᕐᓂᕐᒥᒃ ᐊᒃᓱᕈᕐᓇᖅᑐᒥᒃ ᐊᑐᖃᑦᑕᕐᓂᖏᑦ ᐅᑭᐅᖅᑕᖅᑐᒥᑦ ᓄᓇᖃᖅᖄᖅᑐᑦ ᒪᒃᑯᒃᑐᐃᑦ ᐊᒻᒪᓗ ᐱᖃᑎᒋᔭᐅᑉᓗᑎᒃ ᐊᑐᕈᒪᓂᖏᑦ ᐅᑎᕈᖕᓇᕐᓂᕐᒥᒃ, ᓴᙱᒃᑎᑎᕆᓂᕐᒥᒃ, ᐊᒻᒪᓗ ᐱᖅᖁᓯᖏᓐᓄᑦ ᑲᑎᓐᓂᖃᕐᓂᖏᓐᓄᑦ ᓄᑖᓂᒃ ᑐᕌᖓᔪᑎᒍᑦ ᐊᒻᒪᓗ ᐅᖃᓪᓚᒡᕕᐅᖃᑦᑕᕐᓂᒃᑯᑦ.

ᐃᓕᑕᖅᓯᓂᖅ

ᑐᒡᓕᖓ ᐱᓕᕆᖃᑎᒌᖕᓂᖅ ᐃᓕᓯᔪᖅ $2.25 ᒥᓕᔭᓐᓂᒃ ᐊᒡᓃᑯᒃᑯᑦ ᐊᑯᓂᐅᔪᒧᑦ ᐱᓕᕆᖃᑎᒋᔭᖏᓐᓄᑦ, ᐃᓕᑕᖅᓯᓂᖅ-ᑯᑦ.

ᓄᓇᕗᒻᒦᑦᑐᖅ, ᐃᓕᑕᖅᓯᓂᖅ ᑐᕌᒐᖃᖅᑐᖅ ᑲᑎᑎᒃᑲᓐᓂᕐᓂᐊᕐᓗᒋᑦ ᐃᓄᐃᑦ ᐱᖅᖁᓯᑐᖃᖏᓐᓄᑦ ᐊᒻᒪᓗ ᖃᐅᔨᒪᓂᖃᕐᓂᕐᒥᒃ ᐱᖅᖁᓯᑉᑎᖕᓂᑦ ᐊᑕᐅᑦᑎᒃᑯᑦ ᓯᕗᒻᒧᑦ ᑕᐅᑐᒐᖃᕐᓗᑎᒃ. ᐃᓕᑕᖅᓯᕐᓂᖅ-ᑯᑦ ᑐᕌᖓᔪᖏᑦ ᑲᑎᓯᒪᔪᑦ ᐱᖅᖁᓯᒃᑰᖓᔪᒃᑯᑦ ᐃᓕᑦᑎᓂᖅ ᐅᖃᐅᓯᕐᒥᑦ, ᐅᖃᓕᒫᕈᖕᓇᕐᓂᕐᒥᒃ ᐊᒻᒪᓗ ᐱᒻᒪᕆᐅᔪᓂᒃ ᐊᔪᙱᓐᓂᕐᓂᒃ.

ᐅᑭᐅᑦ ᐊᒥᓱᑲᓪᓚᖕᓄᑦ, ᑐᕌᒐᖃᖅᓯᒪᔪᑦ ᐱᑦᑕᐅᔪᒥᒃ ᐊᓯᐊᙳᖅᓯᓂᕐᒧᑦ ᐃᓄᖕᓂᑦ, ᐃᑲᔪᕐᓂᖃᖅᑐᑦ ᐊᒥᓱᑲᓪᓚᖕᓄᑦ ᐃᓄᖕᓂᒃ ᐋᖅᕿᒃᓱᖅᑕᐅᓯᒪᔪᒃᑯᑦ ᑐᕌᖓᔪᑎᒍᑦ ᐊᒻᒪᓗ ᐃᑲᔪᖅᑐᐃᓂᒃᑯᑦ ᓄᓇᓕᐊᕈᔾᔨᖅᑕᕐᓂᐅᔪᓂᒃ ᐊᒻᒪᓗ ᐃᓅᓯᕆᔭᐅᔪᒥᒃ.

ᑐᓂᕐᕈᑕᐅᔪᖅ ᑐᕌᒐᖃᖅᑐᖅ ᐃᓕᑕᖅᓯᓂᐊᕐᓗᑎᒃ ᐃᑲᔪᑦᑎᐊᖅᓯᒪᓂᖏᑦ ᓄᓇᕗᑦ ᐱᕙᓪᓕᐊᓂᖓᓄᑦ ᐊᒥᓱᐃᑦ ᐊᔾᔨᒌᙱᑦᑐᑦ ᑐᕌᖓᔪᖏᑦᑎᒍᑦ ᐊᒻᒪᓗ ᐃᑲᔪᕐᓂᐊᖅᑐᖅ ᐱᓕᕆᐊᖏᓐᓂᒃ ᐱᕈᐃᑎᑦᑎᓂᕐᒧᑦ ᐅᓗᕆᐊᓇᖅᑐᖃᙱᑦᑐᒥᒃ ᐃᓂᖃᖅᑎᑕᐅᓗᑎᒃ ᐃᑲᔪᕐᓂᐊᖅᑐᓂᒃ ᓄᓇᓕᖕᒥᐅᓂᒃ ᐊᒻᒪᓗ ᓇᒧᙵᐅᕙᓪᓕᐊᓂᖏᓐᓂᑦ.

ᐃᓕᑕᖅᓯᓂᖅ ᐱᓯᒪᔪᖅ ᖃᐅᔨᒪᓂᕐᒥᒃ, ᐊᑐᖅᓯᒪᓂᕐᒥᒃ, ᐊᒻᒪᓗ ᐱᔪᒪᓂᖃᕐᓂᖓᑦ ᐱᐅᓯᒋᐊᕐᓗᒍ ᓄᓇᓕᐅᑉ ᖃᓄᐃᖏᑦᑎᐊᕐᓂᖓᓂᒃ.

ᑲᓇᑕᒥᑦ ᐅᑉᓛᕈᒥᑕᖅᑎᑦᑎᖃᑦᑕᖅᑐ

ᐱᖓᓱᒋᔭᖓᑦ ᐃᓄᙳᐃᓂᖅ-ᒧᑦ ᐱᓕᕆᖃᑎᒌᖕᓂᖅ $2.5 ᒥᓕᔭᓐᓂᒃ ᑮᓇᐅᔭᖃᖅᑎᑦᑎᓗᓂ ᑲᓇᑕᒥᑦ ᐅᑉᓛᕈᒥᑕᖅᑎᑦᑎᖃᑦᑕᖅᑐᓂᒃ ᐊᑐᕐᓂᐊᕐᓗᓂ ᐅᑉᓛᕈᒥᑕᖅᑎᑕᐅᓂᖏᓐᓄᑦ ᑐᕌᖓᔪᓄᑦ ᑭᕙᓪᓕᕐᒥᑦ ᐊᒻᒪᓗ ᕿᑎᕐᒥᐅᓂᑦ ᓄᓇᓕᖕᓂᑦ ᓄᓇᕗᒻᒥᑦ.

ᑮᓇᐅᔭᖃᖅᑎᑦᑎᓂᖅ ᐃᑲᔪᕐᓂᐊᖅᑐᖅ ᓂᕆᔭᒃᓴᖃᖅᑎᑦᑎᓗᓂ ᐃᓕᓐᓂᐊᖅᑎᓗᒃᑖᓂᒃ ᑭᕙᓪᓕᕐᒥᑦ ᐊᒻᒪᓗ ᕿᑎᕐᒥᐅᓂᑦ ᓄᓇᓕᖏᓐᓂᑦ ᖃᐅᑕᒫᑦ ᐃᓕᓐᓂᐊᕐᕕᖕᒥᑦ ᐅᑉᓛᕈᒥᑕᖅᑎᑕᐅᖃᑦᑕᕐᓗᑎᒃ, ᒥᑭᓛᒃᑯᑦ ᐱᖓᓱᓄᑦ ᐅᑭᐅᓄᑦ.

10,000-ᖑᔪᑦ ᒪᒃᑯᒃᑐᐃᑦ ᐃᓐᓇᕈᕈᒫᖅᑎᓪᓗᒋᑦ ᖁᓕᑦ ᐅᑭᐅᑦ ᖃᐃᔪᓂᑦ, ᐊᒡᓃᑯᒃᑯᑦ ᐃᓕᑕᖅᓯᔪᑦ ᐱᒻᒪᕆᐅᓂᖓᑕ ᐃᑲᔪᕐᓂᐊᕐᓗᒋᑦ ᑭᖑᕚᕆᔭᐅᓂᐊᖅᑐᑦ ᓄᓇᕗᒻᒥᑦ. ᑲᒻᐸᓂᒃᑯᑦ ᐅᒃᐱᕈᓱᒃᑐᑦ ᒪᒃᑯᒃᑐᐃᑦ ᐊᔪᙱᓐᓂᕐᒥᒃ ᐱᓯᒪᖕᒪᑕ ᐋᖅᕿᒃᓯᓂᐊᕐᓗᑎᒃ ᓄᓇᕗᒻᒥᑦ ᐊᒻᒪᓗ ᑲᓇᑕᐅᑉ ᓯᕗᓂᒃᓴᖓᓂᒃ ᐊᒻᒪᓗ ᐃᑲᔪᖅᑕᐅᓂᐊᖅᑐᑦ ᐱᔪᒪᔭᖏᓐᓄᑦ ᐊᒻᒪᓗ ᓱᓇᙳᕈᒪᓂᕆᔭᖏᓐᓄᑦ.

ᑐᓂᕐᕈᑕᐅᔪᖅ ᐱᓕᕆᐊᖃᖅᑐᒃᓴᐅᑕᐅᔪᖅ ᐱᒻᒪᕆᐅᔪᒥᒃ ᐊᒃᓱᕈᕐᓇᐅᑎᒥᒃ – ᓂᕿᖃᖅᑎᑦᑎᓂᖅ ᓄᓇᕗᒻᒥ ᒪᒃᑯᒃᑐᖏᓐᓂᑦ. ᐅᑉᓛᕈᒥᑕᒃᓴᖃᖅᑎᓪᓗᒋᑦ ᐃᑲᔪᕐᓂᐊᖅᑐᖅ ᑕᐅᑐᒐᖃᕈᖕᓇᕐᓂᕐᒥᒃ ᓇᖕᒥᓂᖅ ᐱᕈᖅᐸᓪᓕᐊᓂᖏᓐᓂᒃ ᐊᒻᒪᓗ ᐃᓕᓐᓂᐊᕐᓂᖏᓐᓂᒃ.

ᖃᐅᔨᒋᐊᕐᓗᒋᑦ ᑲᓇᑕᒥᑦ ᐅᑉᓛᕈᒥᑕᖅᑎᑦᑎᖃᑦᑕᖅᑐᑦ ᑐᓴᒐᒃᓴᖓᑦ ᓇᓗᓇᐃᔭᖅᓯᒪᒃᑲᓐᓂᖅᑐᓂᒃ ᐱᓂᐊᕐᓗᑎᑦ : https://bit.ly/3ZzR0Fe.