ᐊᑯᓪᓕᕈᕐᕕᒃ 23-ᒥᑦ, ᐊᔾᔨᐅᖏᑦᑐᒃᑯᑦ ᐊᒻᒪᓗ ᑐᑭᖃᖅᑐᒃᑯᑦ ᑲᑎᓚᐅᖅᑐᑦ ᐊᐅᐸᓗᒃᑑᑉ ᓄᓈᓂᑦ ᖁᕐᓗᖅᑐᒥᑦ, ᐃᓐᓇᕆᔭᐅᔪᑦ ᑎᑭᕋᕐᔪᐊᕐᒥᑦ ᐊᒻᒪᓗ ᑲᖏᖅᖠᓂᕐᒥᑦ ᐃᓚᐅᓚᐅᖅᖢᑎᒃ ᐊᒡᓃᑯᒃᑯᑦ ᐱᓕᕆᔨᖏᓪᓗ ᓄᓇᓕᐊᖅᓯᒪᑉᓗᑎᒃ. ᑕᐅᑐᒐᕆᔭᐅᓚᐅᖅᑐᖅ ᑕᑯᔭᖅᑐᐃᓂᕐᒥᑦ ᕿᒥᕐᕈᓂᐊᕐᓗᒋᑦ ᐊᑦᑕᕐᓇᖅᑐᖃᙱᓐᓂᒃᑯᑦ ᐃᑳᖃᑦᑕᕐᓂᖏᑦ ᐃᖃᓗᒃᐲᑦ, ᐊᓯᖏᑦ ᐃᖃᓗᐃᑦ ᐱᒻᒪᕆᐅᒋᔭᐅᔪᑦ ᐃᓂᐅᔪᒥᑦ ᐱᕈᖅᐸᓪᓕᐊᖃᑎᒌᖕᓂᖏᓐᓄᑦ ᐊᒻᒪᓗ ᐱᖅᖁᓯᕆᔭᐅᔪᒥᑦ.

ᐃᖃᓗᒃᐲᑦ ᖃᐅᔨᒪᔭᐅᔪᑦ ᐅᑎᖅᑕᖃᑦᑕᕐᓂᖏᓂᑦ ᑕᕆᐅᕐᒥᑦ ᐃᒪᑦᑎᐊᕙᖕᒧᑦ, ᖁᕐᓗᖅᑐᖅ ᐃᓚᒋᔭᐅᑉᓗᓂ ᐃᖏᕐᕋᓂᖏᓐᓂᒃ ᑕᒃᐸᐅᖓ ᑰᒐᓛᒃᑯᑦ ᒪᓐᓂᓕᐅᕆᐊᖅᑐᖅᖢᑎᒃ. ᐃᓐᓇᕆᔭᐅᔪᑦ, ᓂᕈᐊᖅᑕᐅᓚᐅᖅᑐᑦ ᖃᐅᔨᒪᓂᖃᑦᑎᐊᕐᓂᖏᓐᓄᑦ ᐃᓂᐅᔪᒥᑦ, ᑐᓂᓯᓚᐅᖅᑐᑦ ᐱᒻᒪᕆᐅᔪᒥᒃ ᖃᐅᔨᒪᔭᖏᓐᓂᑦ ᐃᑳᕐᕕᐅᔪᖕᓇᖅᑐᓂᒃ.

ᐃᓚᐅᖃᑕᐅᓚᐅᖅᑐᖅ ᐹᓂ ᑐᑐ ᐊᒻᒪᓗ ᓗᐃ ᕗᐃᓯ, ᑕᒪᕐᒥᒃ ᖃᑕᙳᑎᖏᑦ ᓴᙱᔪᒥᒃ ᐊᒃᑐᐊᓂᖃᖅᖢᑎᒃ ᐊᐅᐸᓗᒃᑑᑉ ᓄᓈᓂᑦ, ᐊᓯᖏᓪᓗ ᐃᓚᐅᓚᐅᖅᑐᑦ ᐃᒃᐱᒍᓱᒡᕕᐅᓂᖃᖅᑐᑦ ᓄᓇᓕᖕᒥᐅᑕᐃᑦ, ᓵᒻ ᐋᕈᐊᓛᖅ, ᕈᐊᐳᑦ ᐃᓄᐊᐱᒃ ᑎᑭᕋᕐᔪᐊᕐᒥᑦ ᐆᒪᔪᓕᕆᔨᐊᓛᒃᑯᓐᓂᑦ, ᐊᒻᒪᓗ ᑕᐃᕕᑦ ᕿᑎᖅᖠᖅ, ᐊᓃᑯᒃᑯᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ/ᓂᕐᔪᑎᓄᑦ ᐅᖃᐅᔾᔨᔨ. ᐊᑕᐅᑦᑎᒃᑯᑦ ᐊᑐᖅᓯᒪᓂᑯᖏᑦ ᑐᓂᓯᓚᐅᖅᑐᑦ ᐱᒻᒪᕆᐅᔪᒥᒃ ᑕᐅᑐᒐᖏᓐᓂᑦ ᓄᓇᒧᑦ, ᐃᒪᕐᒧᑦ, ᐊᒻᒪᓗ ᐃᖃᓗᒃᐲᑦ ᐃᒡᓗᒌᒃᑎᑦᑎᓂᖃᕐᓂᖏᓐᓂᑦ ᖃᓂᑖᓂᑦ ᐱᕈᖅᐸᓪᓕᐊᓂᖃᖃᑎᒌᒃᑐᓂᑦ.

ᐹᓂᒧᑦ ᐊᒻᒪᓗ ᓗᐃᒧᑦ, ᑕᑯᔭᖅᑐᐃᓂᖅ ᐱᒻᒪᕆᐅᓗᐊᓚᐅᖅᑐᖅ, ᑲᑎᒃᑲᓂᖅᖢᑎᒃ ᓄᓇᒧᑦ ᐊᒃᑐᐊᓂᖃᑦᑎᐊᖅᑐᖅ ᑕᐃᑉᓱᒪᓂ ᐃᓅᓯᕆᓚᐅᖅᑕᖓᓐᓂᑦ. ᐹᓂ, ᑕᑯᓯᒪᔪᖅ ᐃᖃᓗᒃᓯᐅᖅᑐᓂᑦ ᑰᖕᒥᑦ, ᐊᖏᒡᓕᒋᐊᖅᓯᔪᑦ ᐱᓕᕆᖃᑎᒌᑦᑎᐊᖅᓯᒪᓂᖏᑦ ᐱᖅᖁᓯᒃᑯᑦ ᖃᐅᔨᒪᓂᕆᔭᐅᔪᑦ ᐊᒻᒪᓗ ᓄᓇᒧᑦ.

ᐃᓐᓇᕆᔭᐅᔪᑦ ᖁᔭᓕᑦᑎᐊᓚᐅᖅᑐᑦ ᐅᑎᕈᖕᓇᓚᐅᕐᒪᑕ ᐊᐅᐸᓗᒃᑑᑉ ᓄᓈᓄᑦ ᐊᒻᒪᓗ ᑐᓂᓯᓗᑎᒃ ᖃᐅᔨᒪᓂᕆᔭᖏᓐᓂᑦ. ᐃᓱᒪᒋᔭᖏᑦ ᐱᒻᒪᕆᐅᔪᒥᒃ ᐃᑲᔪᕐᓂᖃᖅᑐᑦ ᐋᖅᕿᒃᓯᓂᕐᒧᑦ ᓯᕗᓂᒃᓴᒥᑦ ᐱᓕᕆᐊᖑᓂᐊᖅᑐᓂᒃ ᐊᓯᐅᔨᑦᑕᐃᓕᓂᕐᒧᑦ ᓄᓇᐅᔪᒥᑦ ᐊᒻᒪᓗ ᐃᖃᓗᒃᐲᑦ ᐊᔪᙱᓐᓂᐊᕐᓗᑎᒃ ᐊᒥᓱᓄᑦ ᐅᑭᐅᓄᑦ ᖃᐃᔪᓂᑦ.