ᖃᓄᖅ ᐊᕐᓇᐃᑦ ᐅᖁᒪᐃᑦᑐᓂᒃ ᐅᓯᖃᑦᑕᕐᓂᖏᑦ ᐊᒻᒪᓗ ᑲᔪᓯᓂᖃᖅᖢᑎᒃ ᐱᐊᓂᑦᑎᐊᕐᓂᕐᒧᑦ ᐅᔭᕋᒃᑕᕆᐊᕐᒥᑦ

ᐅᔭᕋᒃᑕᕆᐊᕐᒦᒃᑯᕕᑦ ᐊᐳᖅᑎᓐᓈᖅᑐᒥᑦ ᓄᓇᕗᒻᒥᑦ ᕿᓂᕈᖕᓂᓗ ᓇᑖᓴ ᓇᒡᔪᒐᓕᒃ ᓇᓂᓇᔭᖅᑕᒃᓴᕆᔭᐃᑦ ᖃᐅᔨᓴᐃᑎᓪᓗᒍ ᐅᔭᕋᒃᑕᕆᐊᕐᒥᑦ ᖃᓄᐃᓕᐅᕐᓂᕆᔭᐅᔪᓂᒃ ᐅᖃᓗᒡᕕᒦᓪᓗᓂ ᐅᕝᕙᓘᓐᓃᑦ ᐃᒃᓯᕙᑎᓪᓗᒍ ᐊᐅᓚᑦᑎᔾᔪᑎᖏᓐᓂᒃ ᐃᓚᒋᔭᐅᔪᒥᑦ ᐅᔭᕋᒃᑕᕆᐊᕐᓂᑦ ᐊᖏᓛᑦ ᐱᖁᑎᒋᔭᐅᔪᓂᒃ; ᑳᑐᐱᓚ 6030 ᐅᔭᕋᒃᑕᕈᑕᐅᔪᖅ ᐳᐊᕆᑎᓕᒃ, ᑭᕕᒃᓯᔪᖕᓇᖅᖢᓂ ᐊᑯᓐᓂᖏᓐᓂᑦ 20-ᓗ 25-ᓗ ᑕᓐ-ᓂᒃ ᐅᖁᒪᐃᑎᒋᔪᓂᒃ ᐱᐅᔪᒻᒪᕆᖕᓂᒃ ᐅᔭᕋᒃᑕᖅᑕᐅᔪᓂᒃ ᐊᒻᒪᓗ ᐅᔭᖅᑲᓂᒃ ᐊᑕᐅᓰᕐᓗᓂ ᖃᓗᓯᓗᓂ!

ᐅᖁᒪᐃᑦᑐᐃᑦ ᐅᓯᔭᐅᔪᑦ ᐊᒻᒪᓗ ᐱᓕᕆᓐᓇᒻᒪᕆᒃᖢᓂ, ᑭᓯᐊᓂ ᓇᑖᓴᐅᑉ ᖁᕕᐊᒋᔭᖓ.  “ᐃᓱᒫᓗᖕᓇᖅᖢᓂ ᖁᒃᓴᓇᑦᑎᐊᖃᑦᑕᓚᐅᖅᑐᖅ ᐊᐅᓚᑦᑎᓂᐊᕐᓗᓂ ᐊᖏᔪᒻᒪᕆᐊᓗᖕᒥᒃ ᐱᖁᑎᒥᒃ ᑭᓯᐊᓂ ᐅᕙᒻᓂᒃ ᐆᒃᑐᕈᒪᓕᓚᐅᖅᑐᖓ.  ᐊᔪᕆᓐᓇᑉᑯ, ᖁᕕᐊᒋᑦᑎᐊᖅᖢᒍ ᐊᓕᐊᓇᐃᒋᑦᑎᐊᓕᓚᐅᖅᑕᕋ.”

ᓇᑖᓴ ᐱᓕᕆᓕᖅᑐᖅ ᐊᐳᖅᑎᓐᓈᖅᑐᒥᑦ 8-ᓄᑦ ᐅᑭᐅᓄᑦ ᐊᒻᒪᓗ ᐱᒋᐊᓛᐅᖅᑐᖅ ᐆᒃᑐᖅᑐᓄᑦ-ᓇᓃᓐᓂᕐᒥᑦ ᐃᓂᐅᔪᒥᑦ ᐃᒐᒥᑦ ᓂᕐᕆᑎᓂᒃ ᐃᕐᒥᒃᑎᐅᑉᓗᓂ.  ᐊᓈᓇᐅᑉᓗᓂ ᐊᖓᔪᖅᑳᑐᐊᖅ ᓄᑲᑉᐱᐊᑯᓗᖕᒧᑦ ᐊᒻᒪᓗ ᓯᕗᓂᒃᓴᒧᑦ ᑕᐅᑐᒃᖢᓂ ᐃᖕᒥᓂᒃ ᖃᐅᔨᓚᐅᖅᑐᖅ ᐱᓕᕆᐊᒃᓴᓂᒃ ᕿᒥᕐᕈᑉᓗᓂ ᓱᓇᐃᑦ ᐊᓯᖏᑦ ᐱᕕᖃᕐᓂᐅᖕᒪᖔᑕ ᒪᓂᒪᔪᑦ ᐃᓱᒪᒃᓴᖅᓯᐅᓕᓚᐅᖅᑐᕐᓗ ᐊᔪᕈᖕᓃᖅᓴᔪᒪᑉᓗᓂ ᐊᖁᒃᑎᐅᓗᓂ ᐅᓯᒃᑲᑦᑕᒃᑐᓂᒃ ᓄᓇᒃᑰᕈᑎᓂᒃ.

ᐊᒡᓃᑯᒃᑯᑦ ᐱᓕᕆᐊᓄᑦ ᐊᑉᖁᑎᖓᑦ ᑐᕌᖓᔪᖏᑦᑎᒍᑦ, ᓄᓇᒃᑰᕈᑎᕐᔪᐊᓄᑦ ᐊᔪᕈᖕᓃᖅᓴᓕᓚᐅᖅᑐᖅ, ᐊᔪᙱᓐᓂᖏᑦ ᐊᖏᒡᓕᕙᓪᓕᐊᑎᑉᐸᓪᓕᐊᕋᐅᔭᖅᖢᒋᑦ.   ᐅᑉᓗᒥ, ᓇᑖᓴ ᐃᓚᒋᔭᐅᔪᓂᒃ ᐱᖁᑎᓄᑦ ᐊᒻᒪᓗ ᐱᓕᐅᕆᕙᓪᓕᐊᓂᕐᒧᑦ ᐃᓇᖐᔪᓂᒃ ᐊᖁᒃᑎᐅᖃᑦᑕᖅᑐᖅ ᐊᔪᙱᓐᓂᖃᖅᖢᓂ ᐊᒥᓱᓂᒃ ᐊᖏᔪᓂᒃ ᐱᖁᑎᓂᒃ ᐊᖁᒃᑎᐅᓂᕐᒧᑦ, ᐃᓚᐅᑉᓗᓂ ᐊᖏᕐᔪᕐᔪᐊᖅ ᑳᑐᐱᓚ 6030.

ᑕᒡᕗᖓ ᐊᖏᔪᐊᓗᖕᒧᑦ ᑎᑭᐅᑎᓯᒪᓂᖃᖅᖢᓂ ᓇᑖᓴᐅᑉ ᑐᕌᒐᕆᓂᐊᖅᑕᖓ ᐊᔪᙱᓐᓂᖏᑦ ᐱᐅᓯᒋᐊᒃᑲᓐᓂᕐᓗᒋᑦ ᐊᖁᒃᑎᐅᓂᕐᒧᑦ ᐊᖏᔪᕐᔪᐊᓂᒃ ᐃᑯᒪᓅᖅᑐᓂᒃ ᐊᒻᒪᓗ ᐃᓱᒪᔪᖅ ᖁᑦᑎᖕᓂᖅᓴᒧᐊᕈᒪᑉᓗᓂ ᐃᓱᒪᑕᕆᔭᐅᓕᕐᓗᓂ-ᐃᓇᖐᓂᕐᒧᑦ ᐱᓕᕆᐊᕐᒧᑦ.

ᑕᐅᑐᒍᒪᒍᖕᓂ ᓇᑖᓴ ᐱᓕᕆᑎᓪᓗᒍ, ᐅᓇ ᓇᕿᓪᓗᒍ.