ᐃᓚᒋᔭᐅᑉᓗᓂ ᐊᕙᑎᓕᕆᔨᒃᑯᑦ ᐱᕙᓪᓕᐊᓂᖓᓐᓄᑦ, ᐊᒡᓃᑯᒃᑯᑦ ᕿᒥᕐᕈᔭᕆᐊᖃᕐᓂᐊᖅᑐᑦ ᐊᒃᑐᖅᓯᓂᐅᔪᖕᓇᖅᑐᓗᒃᑖᓂᒃ ᐊᒻᒪᓗ ᐊᑐᖁᔨᓗᑎᒃ ᒥᒃᖠᒋᐊᖅᓯᓂᐅᔪᖕᓇᖅᑐᓂᒃ ᐊᒃᑐᖅᓯᓂᕐᓂᑦ. ᑕᒪᓐᓇ ᕿᒥᕐᕈᔭᐅᓂᐊᖅᑐᖅ ᐊᔾᔨᒌᙱᑦᑐᓄᑦ ᒪᓕᒃᑕᐅᔭᕆᐊᖃᖅᑐᓕᕆᔨᓄᑦ ᐊᒻᒪᓗ ᐃᓚᐅᓕᖃᑕᐅᔪᓄᑦ ᐊᒻᒪᓗ ᒪᓕᒃᑕᐅᔪᒃᓴᐃᑦ ᖃᐅᔨᓴᐃᓂᕐᒧᑦ ᑐᓂᔭᐅᓗᑎᒃ ᐱᓕᕆᐊᖅ ᓈᒻᒪᒋᔭᐅᒃᐸᑦ.

ᒫᓐᓇᐅᔪᖅ ᑕᓯᕐᔪᐊᕐᒥᑦ, 15 ᐃᓐᓯᓂᒃ ᐃᒪᕐᒧᑦ ᓱᑉᓗᓕᒃᑕᖃᖅᑐᖅ ᐅᔭᕋᒃᑕᕆᐊᕐᒥᑦ.  ᖃᐅᔨᓯᒪᔪᒍᑦ ᐃᓛᓐᓂᒃᑯᑦ ᑐᒃᑐᐃᑦ ᐃᑳᕆᐊᕐᓇᓵᖃᑦᑕᖅᑐᑦ, ᑭᓯᐊᓂ ᑕᒪᕐᒥᒃᓗᑖᖅ ᐃᑳᕋᑕᖃᑦᑕᖅᑐᑦ ᐊᒻᒪᓗ ᐊᐅᓚᓐᓂᖏᑦ ᐊᔪᓕᕐᓂᖃᖃᑦᑕᙱᑦᑐᖅ.

ᐃᓚᒋᔭᐅᑉᓗᓂ ᐱᓕᕆᐊᕐᒧᑦ, ᐊᒡᓃᑯᒃᑯᑦ ᐋᖅᑭᒃᓯᔪᒪᔪᑦ ᑐᒃᑐᓄᑦ ᐊᒻᒪᓗ ᕼᐋᓐᑕᐃᑦ/ᓯᑭᑑᑦ ᐃᑳᕐᕕᐅᔪᖕᓇᕐᓂᐊᖅᑐᓂᒃ ᐃᒪᕐᒧᑦ ᓱᑉᓗᓕᒃᑯᑦ ᒥᒃᖠᒋᐊᕐᓂᐊᕐᓗᒋᑦ ᐊᒃᑐᖅᓯᓂᐅᔪᑦ ᑐᒃᑐᐃᑦ ᐊᐅᓚᓐᓂᖏᓐᓄᑦ.

ᐊᐱᖅᑯᑕᐅᔪᖅ ᖃᐅᔨᓴᖅᑕᐅᒃᑲᓐᓂᕐᓂᐊᖅᑐᖅ ᐊᐅᔭᕐᒥᑦ ᑐᒃᑐᐃᑦ ᐱᖅᑯᓯᖏᓐᓂᒃ ᖃᐅᔨᓴᐃᓂᖃᖅᑎᓪᓗᑕ ᐊᒻᒪᓗ ᓄᓇᓕᖕᒥᐅᓂᒃ ᐃᓚᐅᖁᔨᔪᒍᑦ ᖃᐅᔨᓴᐃᓂᕐᒥᑦ.  ᐃᓚᐅᖃᑕᐅᔪᒪᒍᕕᑦ ᖃᐅᔨᓴᐃᓂᕐᒥᑦ, ᖃᐅᔨᒋᐊᕐᕕᒋᓗᒍ ᓄᓇᓕᖕᒥᑦ ᑲᒪᔨᕗᑦ ᐅᖃᓗᒡᕕᒋᓗᒍ ᐅᕗᖓ (867) 645-2920 ᓇᕿᒃᑲᓐᓂᕐᓗᒍ x4603199 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ rankininlet@agnicoeagle.com.