Talvani Agnico Eagle’s Hope Bay Havaakhaq Nunavunmi, ihumaluttiaqhimayuq aadjikiiktumik talvuuna hanaqidjutikharnik pivalliadjutikharnik avatiliqinikkut munagidjutikhanik hivunikhaliurutit. Atauhiuyuq naunaituq uuktuutikhaq uminga havaktakharnik iqaluit najuqpaktangit ihuaqhaidjutikharnik hanaqidjutikharnik talvani Robert’s Tahia Avatquttuq, taima iqaluit najuqpaktangit ihuaqhaidjutikharnik naunaiyaiyaangat ihuaqtumik auladjutikharnik Ukiuktaqtumi iqalukpiit ukuallu ihuut taima munagihimaaqtilunik avatingni najuqpaktangit.

Kiudjutinga Najuqpaktangit Ayuqhautingit

Uvani 2012, angiyut avatauyumik ayuqhautauyut naunaiqtauyut uvani Robert’s Tahiani, talvani nunami uyaqqat piniqhaqhimayut pidjutauvaktut ayuqhautinik iqalungnut ingilravianun qunmuuriangini kuukkami imaiqtihimagangat aulatilugit. Avatinga havaqatigiiktut unalu hilataanit ayuittiaqtut uqaudjijukhat piliuqtut pingahunik nutaanik apqutikhainik ukunuuna “pipkaiyuq kiklinga,” akhuraaluk ihuaqhiyuq iqaluit apqutaagut. Hapkua apqutikhait, ilauyut imaqarniit tahiqqat haniraini uyaqqat, tunihiyutlu akhut utivikhanik nayugait mikiyut Iqalukpiit uvalu aalat iqaluit.

Una havaakhaq ilauhimayuq anginirmik “Piqangitumik Ilaihimayut Tamaihimayut” atugakhaq talvuuna Kanatam Iqalukhiurnikkut Maligat. Una atugakhaq pitquyangit qayangnaqtunik aadlangurniq, ulapiqutingit, ahiruqtirnirluuniit iqaluit najuqpaktangit piyakhait ihuarhigiami ahini. Hamani Hope Bay, una ihumagilluaqtaat ihuaqhaiffaarnikkut iqaluit najuqpaktangit hulaqutiyut pivallianikkut Tail Lake iqqakkurvikhat nayugaani (TIA).

Aallanut pidjutikhanut, Mikiumik Hulaqutinun Atugakhat

Nayugaanutt ihuaqhaidjutikhat havaktakat aulatitivakhimayut ikiniqaqtunik ayuqhautiqaqtunik avatingnun avatiqaqatigiinngniq. Iliuraqtaaqtuq Micro-Blaster System atuqtauvaktuq aviklugu ungavarlugit angiyut uyaraqqat qayangnaittumik, atuqtailinahuaqrlugit angiyunik akhaluutiryuanik. Alganun hanalrutit qayagilugillu upalungaiyautikhat naunaiqhiyut nunami nunanganik nayugaanik atuqtauhimmaaqpagait ihuaqhiyuumiqtitlugit qanurinniit iqaluit auladjutikhainut.

Munarihimmaarniq Akuniraalungmut Nakuuyumik Piyuq

Naunaiyariami aturninnga iqaluit najuqpaktangit kinguagut ihuaqhaqtauyut, iqaluit munariyuq pinahuarut piyait pingahuni ukiuni aullaqtiqtuq 2013. Tamna hivulliqpaaq iqaluit avalukhat atuqtauvakhimayut iqalungnik kihittidjutit imaalu piksaliuqhugit ilitagidjutikhanik qanurittunik iqalungnik talvuunaqtunik avalukhat.  Aullaqtirluni 2021,Hope Bay Avatiliqijikkut havaktiit aullaqtiqtuq hiqinirmi-pauwaliuqtauhimajunik ataani imakkut piksaliurutinik piksaliuriangini iqaluit auladjutainnik talvuuna iqaluit avaluata, katitiqhugit nakuujun ilitturipkaidjutit huradjanun, aktikkulaanginni, nuutirnikkullu qanuriliurutinik. Hanauyarniq atuqhimayuq ihuaqhariagani qungialiuqhimajut piksasuuliuqhimajut ilitaqhidjutikhanik aalatqiit iqaluit atuqpagat apqutaujyuq.  Talvuuna ihivriudjutikharnik ukiungit, nayugangit ihuaqhaqtauvaktut tautuktitivakhimayut iniqtirutikharnik iqalungnik auladjutikharnik talvuuna ingilraviagut ihuaqhaidjutikharnik, talvuuna naunaiyaiyaangat ihuarutikharnik uminga hanaqidjutikharnik.

Uvani 2022, atuqhugit aadjikiiktut piqutinik aipaagani ukiumi, havaakhaq ihumagiyaqaqtulu titirariagani qanuriniginik tahirmi ihuut, aulaniginik kiguvariarutit aalanganiginik Ukiuqtaqtumi iqalukpiit. Tahirmi ihuut aturaluaqtilugit ihuaqhivaaliqtut qungiakhat nuuhimaitumik, ilauniginik naunairutauyuq nunagiyainik ihuarniganik amihut aallatqiiktut iqaluit.

IIliqatigiikhimayunik Havaktakharnik Nunamun

Tamna iniqtirutikhangit uminga havaaqharnik naunairutiqaqtuq Agnico Eagle havakhimaaqtangit munagidjutikharnik avatiliqinikkut munagidjutikharnik pittiarutikharniklu hanaqidjutikharnik Inuit nunalaangitlu haniani Hope Bay. Munariblugit iqaluit najuqpaktangit uvalu ikiliyuumirlugit havaaghat nunatigut atugakhait, Hope Bay havaqatigiit tautuktitiyut tapkua munaqhiyut ikayuutikkut pivallianiq uvalu avatiliqinikkut munaqhidjutikhait atautimiungniaqtut.