Blumetric Avatiliqinikkut havaktiit qanganuaq havaktaulihaaqtut ihuaqhaidjutikhanik uvalu
avatikkut ihivriurutinik uvani qimaqtauhimayumi Igluqarviat, nayugaa hivuraani kivataani Boston
nayugaani, ikayuqtaublutik Agnico Eagle’s Hope Bay igluqpaini. Una havaqatigiingniq
naunaiqtitaa uqariiyaqtamingnik tamarmik timiqutigiyauyut avatimut munariniq
havaqatigiingnirmullu.

Tamna havaakhaq ilaqaqtuq ingilradjutikharnik amigaitunik auladjutikharnik havaqatigiiktut,
ilauyut hanayiyiuyut, maniqami ikayuktiuyut, uumayunik munagidjutikhanik, talvuuna 70
kilaamitanik halikaptakkut ttingmiyut. Hope Bay tunihiyut ihuaqtunik ihuaqhaidjutinik uvalu
auladjutikkut ikayuutinik, ilauyut hiniktarvikhait, niqit, ingilradjutit, uvalu uqhuryuat. Naunaitut, 20
atuffaaqtaaqtut imaidjakkut Jet-A uqhuqhat qataryuit ihuaqhaffaaqhimayut tangmaarvingmi,
uqatiaqtuq atuqhimanginariangani pigiarut munariyaagani ihuaqutit ahiqpani nunani.
Ilituqhaitilugit, Blumetric nakuuyumik katitiriyut nunamik, immarmik, nunavalungniklu
ihivriuqtakhanik kangiqhiyaagani halumailruqarniinik aktilanganik. Havaqatigiiktut nuutirijyut
kuviyaaqtunik hapkunanga utuqqanit uqhuryuat qattaryungnit hapkununga nutaanik
naunaipkutinut, hanaiayaqhugit hivunirmi aulaqtitauyukhat 2025. Una akhuurut ihuaqhautauyuq
avatikkut ihumaaluutinik kihimi naunaiyaqhimayut piyakhainik ihuaqhaffaariangani atuqtaaqtut
uqhuryuat haffumunga uunaqutinun uvani Hope Bay, ikiliyuumirlugit iqqakut uvalu ingilradjutit
ihagiagiyauyut.

Tamna iniqtirutikhangit uminga havaakhat havakhimayuq talvuuna anginirmik hanaqidjutikharnik
havaqatigiblugit Hope Bay havaqatigiiktut. Akhuurutauyut ikayuutit ilaliutihimayut:
•Morgan ikayurqpaktuq qayangnautikkut uvalu maniqami aulaaqtitinikkut.
•Sheldon munariblugit ugquryuat qattaryuit aulaviit tamayallu.
•John, Brett, unalu Mike agyaqtuiluni uhidjutikhanik, tutquumavikhainik, tamangniklu
nayugakhanik aulapkaidjutikhanik.

Akhuugutait hapkua Hope Bay havaqatigiiktut havaktait ikayuqtut avatimut “aihimavingmingni-
ittumik” mihingnautiqaqtut, ayuqhautiqaqhutik imaatun tingmitit kinguvaktunut uvalu
tadjainnaqtukhiutinik.

Agnico Eagle quviahuktut ikayuqhugit Blumetric uvani akhuurnaqtumik pinahuarutit
ihuaqhautikhanik halumailrut aviktuqhimayumi pihimablugu qayangnaitumik uvalu ihuaqtumik
auladjutinik. Ukua havaqatigiiktut naunairutiqaqtut anginiqaqtumik havaqatigiiktukharnik
piyaangat ilauplutik avatiliqinikkut hivunikhangit.