Quviahuktugut quviahuutikharnik havaqatigiyaptingnik, David Kritterdlik, Tikirarjuarmin, Nunavut, aituqtauvakhimayuq talvuuna 2025 Skookum Jim Aituutikharnik. Tuniyauyuq hapkunanga Uyarakhiuqtit & PIvalliajit Katimayiit Kanatami (PDAC), una aituutikhaq ilitagihimayuq Nunaqaqqaqhimayunik hivuliqtikharnik taima anginirmik aituivakhimayut talvuuna uyaraqhiuqtunik havagvigyuangit.

David tikuaqtauhimayuq hivuliqhurnikkut ilaubluni Inuit Qaujimajatuqangit (IQ) hivunikhaliurutait uyarakhiuqtinun. Agnico Eagle’s IQ Uumayuliqiyitkut Uqaudjiyiup, ikayuqpaktuq ikaariami pitquhikkut Inuit qauyimayainnik uataanilu nalunaqtunik, hivumuuriami uyararhiurnikkut atuqpagainnik nalaumayut Inuit ukpiriyainnik, avatiliqidjutikkut munariyakhainnik nunallaamilu inuuhirittiarnirmun.

Tamna naunaituq iniqtirutikharnik aulatitivakhimayuq talvani Kivallirmi Inirnikhat Uqaudjiyut Katimayiit (KEAC), katitigivakhimayuq 20+ inirnikhanik hapkunanga saivanit nunalaanin. Ataniqtuqtuipluni, KEAC tunivaktuq nakuujunik hivulliurutikhanik huradjani aulapkaidjutainni, imakkut munarinirnik, hilaup aallanguqtirningani, nunallaanilu pivallialiurnikkut uumunga Meliadine-mun uumungalu Meadowbank ujaraghiurviit. Akhurnaqtunik naunaiyaiyaangat taima KEAC uqaqtaingit aulatitihimayut Inuktitut, akhurhaidjutikharnik nunalaani ilaulukaarnikkut munagiyaangatlu Inuit pitquhingit.

Suzanne Leclair, Nunallaani Havaqatigiiktunut Atan’nguyaq, uqaqtuq, “David ukpiriyauyuq qarripkaiffaaqhuni Inirnikhat ilauyut atulihaaliqtillugu Nunavut Angirutinga aivaqatigiigutit ikayuriami naunaiyariami nunallaani kukiktauyunut tautuktuuyaqtamiknik uyarakhiuqtinit. Ublumi, KEAC akhuuqhimmaaqpaktut avatiliqinikkut munaqhidjutikhanik ikayuqtillutik tuklianik kinguliriingnik pivalliadjutikhanik ihuaqtunik ayuiqtakhanik. Agnico Eagle quviahuktuq havaqatigiyaangat KEAC talvuuna iliqatigiiktukharnik hivunikhangit.”

David’s hivuliqtiuniq hivutuniqaqtuq nunalaani hanaqidjutikharnik, ilauqaqturlu havaktakhangit aulatitiyaangat $5 milian tallamik Inunnguiniq Havaaqhangit, ikayuutikharnik tupautaqtuutikharnik ilihairutikharnik taiguarnikkut titirarnikkullu pidjutikharnik nutaqqanun. Uqaqtiuvakhimayuq havakhimayuq Agnico Eagle malikhautikharnik upautikharnik, aulatitiyaangat hivulliuyumik ilauyukharnik IQ upiriyainik munagidjutikharnik hanaqidjutikharnik pivalliadjutikharnik.

Pidjutigiyaa tikiutiyuq avataani Nunavut, aghuurutauyut uqaudjinikkut havauhiit uvani British Columbia uvalu kangiqhipkaqhugit kanatami uqautiginirit haffumunga UNDRIP (United Nations Uqariiyautait hapkununga Pilaagutainun Nunaqaqaaqtut Inuit) maligainun. Akhuurutigiblugit pitquhikkut tamaqtailiniq, atuguminaqtumik, uvalu Nunaqaqaaqtut hivuliqhurnikkut pidjutiqaqtut quviahuutit haffumunga Skookum Jim Aituutinik.

Piyaangat uminga nangadjutikharnik David naunairutiqaqtuq, “Una aituutikhaq naunairutiqaqtuq ilihimayainik Inirnikhat akhurhaidjutikharnik nunalaaptingni. Inuit Qaujimajatuqangit hivuliqhuqtatigut, quviahuktungalu ikayurlunga ilaupkaqhugu una ilihimaniq uyararhiuqtinun. Pittiaraangapta pitquhivut havaqatigiiklutalu, piliuqtugut hakugitqiamik hivunikhaptiknik kinguvaptiknut.”

Quviahuutigijaujutin, David! Havaktatit ihuaqhiyuumirutiyut hivunikhainun ihuaqtumik uyagakhiuqtut uvalu hakugikhiyuumirlugit Nunaqaqaaqtut nipiit avatiini havagvigyuat.