ᐅᑭᐊᒃᓵᖑᓚᐅᖅᑐᖅ, ᐃᓕᓐᓂᐊᖅᑏᑦ ᔫᓇ ᐊᒥᑦᓈᖅ ᐊᒻᒪᓗ ᕈᐃᑦᓱᓪ ᐊᕐᓇᒪᒃᑎᖅ ᐃᓕᓐᓂᐊᕐᕕᖕᓂᑦ ᖃᒪᓂᑦᑐᐊᖅ, ᓄᓇᕗᒻᒥᑦ ᐃᓚᐅᖃᑕᐅᔪᖕᓇᓚᐅᖅᑐᑦ ᐃᓕᓐᓂᐊᖅᑎᑦᑎᓂᕐᒥᑦ ᐊᑎᓕᒃ “ᖃᓄᐃᓐᓂᖅ ᐱᖃᑎᒋᓗᒍ: ᐃᒪᕐᒥᒃ ᓱᓇᑐᐃᓐᓇᓕᕆᓂᖅ”.  ᐃᓕᓐᓂᐊᖅᑏᑦᑎᔾᔪᑕᐅᓚᐅᖅᑐᑦ ᐃᓚᐅᑎᓐᓂᐊᕐᓗᒋᑦ ᐃᓕᓐᓂᐊᖅᑏᑦ ᖃᐅᔨᓴᐃᓗᓂ ᓱᓇᑐᐃᓐᓇᓕᕆᓂᕐᒥᒃ ᐊᒻᒪᓗ ᐱᓕᕆᐊᖃᕐᓂᕐᒥᒃ ᐊᒻᒪᓗ ᑕᑯᒃᓴᐅᑎᑦᑎᓗᓂ ᖃᓄᖅ ᑖᑉᑯᐊ ᐱᔭᐅᔪᒪᔪᓂᒃ ᐊᒻᒪᓗ ᐱᐅᔪᒥᒃ ᐱᓕᕆᐊᖃᓕᖅᑎᑦᑎᔪᖕᓇᕐᓂᖏᑦ.

ᐃᓕᓐᓂᐊᖅᑎᑦᑎᓂᖅ ᐱᒋᐊᓚᐅᖅᑐᖅ ᐃᓕᓐᓂᐊᖅᑏᑦ ᖁᑦᑎᖕᓂᖃᖅᑐᑦ 8-ᒥᑦ 10-ᒧᑦ ᕿᒥᕐᕈᑉᓗᑎᒃ ᐱᔾᔪᑕᐅᔪᓂᒃ ᓲᕐᓗ ᐃᒪᖃᕐᓂᐅᔪᑦ ᐊᒻᒪᓗ ᓄᓇᒥᑦ ᖃᐅᓯᕐᓂᖃᕐᓂᐅᔪᓂᒃ ᐱᐅᖏᑦᑐᐃᔭᐃᓃᑦ, ᐃᒪᐅᑉ ᖃᓄᐃᓐᓂᖓᓂᒃ ᐊᒻᒪᓗ ᖃᐅᔨᓴᐃᑉᓗᑎᒃ ᐆᒪᔪᕋᓛᓂᒃ ᐊᕙᑎᒥᑦ ᐱᓕᕆᖃᑎᒌᖕᓂᒃᑯᑦ ᐱᓕᕆᐊᖑᓚᐅᖅᑐᑦ ᓱᓇᑐᐃᓐᓇᓕᕆᓂᖓᓐᓂᒃ ᐊᒻᒪᓗ ᓄᓇᓕᕆᓂᕐᒥᒃ ᐃᓕᓐᓂᐊᕐᓂᖏᓐᓂᑦ.

ᖃᓄᐃᓕᐅᕐᓂᖏᓐᓂᑦ ᐃᓚᐅᓚᐅᖅᑐᑦ ᓴᓇᑉᓗᑎᒃ ᐊᑐᖅᑐᒥᒃ ᐃᒪᖃᕐᓂᐅᔪᒧᑦ ᐋᖅᑭᐅᒪᔪᒥᒃ ᐊᑐᖅᖢᑎᒃ ᖃᓄᐃᖓᔪᓕᐅᕆᓂᕐᒧᑦ ᐊᕿᕐᕈᔪᐊᒃᓴᒧᑦ ᖁᑦᑎᒃᑐᒥᑦ ᐱᒋᐊᕐᕕᓕᐅᕐᓂᐊᖅᖢᑎᒃ “ᓄᓇ”-ᒥᑦ ᐊᒻᒪᓗ ᐃᓗᑦᑐᖅᑎᕆᑉᓗᑎᒃ “ᑰᒃ”-ᓂᑦ ᐃᒻᒥᖅᑕᐅᓯᒪᑉᓗᑎᒃ.  ᐃᓕᓐᓂᐊᖅᑏᑦ ᖃᐅᔨᓴᐃᓕᖅᖢᑎᒃ ᖃᓄᖅ ᐊᕙᑏᑦ ᓴᓇᔭᖏᑦ ᐱᐅᖏᑦᑐᒥᒃ ᐱᔭᐅᔪᖕᓇᕐᒪᖔᑕ ᐃᓚᓯᓗᑎᒃ ᐃᒪᕐᒧᑦ ᓂᕿᓄᑦ ᑲᓚᖃᓕᖅᑎᑦᑎᔾᔪᑎᓂᒃ.  ᐊᓯᐊᓂᑦ ᐱᓕᕆᐊᕐᒥᑦ ᐃᓕᓐᓂᐊᖅᑏᑦ ᐲᔭᐃᓗᑎᒃ ᐸᓈᓇᒥᙶᖅᑐᒥᑦ (DNA)-ᖓᓂᒃ ᐊᑐᕐᓗᑎᒃ ᐃᒡᓗᕐᔪᐊᕐᒥᑦ ᐱᔭᐅᖃᑦᑕᖅᑐᓂᒃ – ᐃᒪᖅ, ᑕᕆᐅᖅ, ᓂᕐᕆᑎᓄᑦ ᐃᕐᒥᐅᑎ, ᐊᒻᒪᓗ ᕈᐊᐱᖕ ᐃᐅᓪᑲᕼᐋᓪ! (rubbing alcohol)

ᐃᓚᒋᔭᐅᑉᓗᓂ ᐃᓕᓐᓂᐊᕐᕕᖕᒥᑦ ᖃᓄᐃᓕᐅᕐᓂᐅᔪᓄᑦ ᐃᓕᓐᓂᐊᖅᑎᑦᑎᓂᕐᒥᑦ ᐃᓚᐅᓚᐅᕐᒥᔪᑦ ᓄᓇᓕᖕᒥᑦ ᖃᓄᐃᓕᐅᕐᓂᖅ 60-ᖃᔭᐃᑦ ᓄᑕᖅᑲᐃᑦ ᐅᑭᐅᖃᖅᑐᑦ ᐊᑯᓐᓂᖏᓐᓂᑦ 3 ᐊᒻᒪᓗ 15 ᐃᓚᐅᖃᑕᐅᑉᓗᑎᒃ ᐱᓕᕆᖃᑎᖃᕐᓗᑎᒃ ᐊᖓᔪᖅᑳᖏᓐᓂᑦ ᐊᒻᒪᓗ ᖃᑕᙳᑎᖏᓐᓂᑦ, ᐃᓕᑦᑎᑉᓗᑎᒃ “ᐃᒪᐅᑉ ᐅᑎᖅᑕᕐᓂᕆᔭᖓ”-ᓂᒃ ᐊᒻᒪᓗ ᖃᓄᖅ ᐃᒪᖅ ᐊᐅᓚᖃᑦᑕᕐᒪᖔᑦ ᐊᕙᑎᒥᑦ.

ᐃᓕᓐᓂᐊᖅᑎᑦᑎᓃᑦ, ᓇᓗᓇᐃᖅᓯᔪᑦ ᐊᖏᔪᒥᒃ ᖁᕕᐊᒋᔭᐅᖕᒪᑦ, ᐊᔪᕐᓇᙱᑎᑕᐅᓚᐅᖅᑐᑦ ᓄᓇᖃᖅᑳᖅᑐᓂᒃ ᑭᒡᒐᖅᑐᐃᔨ ᓄᓇᒥᑦ ᓱᓇᑐᐃᓐᓇᓕᕆᓂᕐᒧᑦ ᐊᒻᒪᓗ ᐱᓕᕆᐊᖃᕐᓂᕐᒧᑦ ᐃᓕᑕᖅᓯᔪᑦ ᐱᓕᕆᖃᑎᒋᑉᓗᒋᓪᓗ ᔭᓂᕗ ᕼᐄᐅᐊᑦ, ᐃᖢᐊᖅᓴᐃᔨ ᑭᒡᒐᖅᑐᐃᔪᖅ, ᐋᑐᕆ ᕼᐃᔅᑳᒃ, M.A.Sc. ᑭᒡᒐᖅᑐᐃᔪᖅ ᐊᒻᒪᓗ ᐊᒡᓃᑯᒃᑯᑦ ᐊᕙᑎᒥᒃ ᐊᒻᒪᓗ ᐱᔪᖕᓇᖅᑎᑦᑎᔨᖏᑦ ᓄᓇᕗᒻᒥᑦ.