ᓄᓇᓕᖕᒥᑦ ᖁᕕᐊᓲᑎᖃᕐᓂᕐᒥᑦ ᓇᓗᓇᐃᖅᓯᔪᖅ ᐅᒃᑯᐃᖅᑕᐅᓂᖓ ᓄᑖᖅ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᖓᑦ ᐊᒡᓃᑯᒃᑯᑦ, ᐊᒡᓃᑯᒃᑯᑦ ᑐᓴᖅᑎᑦᑎᓚᐅᖅᑐᑦ ᑲᒻᐸᓂ ᐊᑐᕐᓂᐊᖅᑐᖅ $1 ᒥᓕᔭᓐᓂᒃ ᐱᖓᓱᓂᑦ ᓄᓇᓕᖕᒥᑦ ᐱᓕᕆᐊᓄᑦ ᓴᖅᑭᑦᑎᓂᐊᖅᖢᑎᒃ ᐊᑯᓂᐅᔪᒥᑦ ᐱᓐᓂᑯᒥᑦ ᓄᓇᕗᒻᒥᐅᓄᑦ.

ᔨᒻ ᓈᓱ, ᐃᒃᓯᕙᐅᑕᖅ ᐊᒡᓃᑯᒃᑯᑦ ᑲᑎᒪᔨᖏᓐᓄᑦ, ᑐᓴᖅᑎᑦᑎᓚᐅᖅᑐᖅ ᔫᓂ 19-ᒥᑦ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᕐᒥᑦ ᐅᒃᑯᐃᖅᓯᓂᖓᓐᓂᑦ ᑲᖏᖅᖠᓂᐅᑉ ᕿᑎᒡᕕᖓᓂᑦ, ᓄᓇᕗᒻᒥᑦ.

“ᑕᒪᐅᖓ ᑎᑭᐅᑎᓇᔭᓚᐅᖏᑦᑐᒍᑦ ᐃᑲᔪᓚᐅᖏᒃᑯᑉᓯ.  ᖃᐅᔨᒪᓂᕆᔭᑉᓯᒍᑦ ᐊᒻᒪᓗ ᐃᓚᐅᑎᑦᑎᓗᒃᑖᕐᓂᑉᓯᖕᓄᑦ ᐊᖏᔪᒥᒃ ᐱᐊᓂᒃᓯᒪᔪᒍᑦ.  ᐊᑕᐅᑦᑎᒃᑯᑦ, ᐱᕈᖅᐸᓪᓕᐊᔪᒍᑦ ᐊᒻᒪᓗ ᐊᑐᖅᖢᑎᒍᑦ ᑮᓇᐅᔭᐃᑦ ᓄᓇᓕᑉᓯ ᐱᓯᒪᔭᖏᑦ ᐊᖏᔫᑉᓗᒍ ᐊᒻᒪᓗ ᐱᕕᖃᖅᑎᑦᑎᔪᒍᑦ ᑭᖑᕚᖑᔪᓄᑦ ᐃᓄᖕᓂᒃ ᖃᐅᔨᓂᐊᕐᓗᑎᒃ ᓇᖕᒥᓂᖅ ᓯᕗᓂᒃᓴᖏᓐᓂᑦ.

ᖁᕕᐊᓲᑎᖃᖅᑎᓪᓗᒋᑦ, ᒥᔅᑕ ᓈᓱ ᑐᓴᖅᑎᑦᑎᓚᐅᖅᑐᖅ ᐊᒡᓃᑯᒃᑯᑦ ᑮᓇᐅᔭᖃᖅᑎᑦᑎᓂᐊᕐᓂᖏᓐᓄᑦ ᐱᖓᓱᓂᒃ ᓄᓇᓕᖕᒥᑦ ᐱᓕᕆᐊᒃᓴᓄᑦ:

ᐃᑯᐊᓪᓚᒃᑐᓕᕆᔨᒃᑯᑦ ᐊᔪᕈᖕᓃᖅᓴᐃᕝᕕᖕᒥᑦ ᐃᑯᐊᓪᓚᒃᑐᓕᕆᔩᑦ ᐊᔪᕈᖕᓃᖅᓴᖅᑕᐅᔪᖕᓇᕐᓂᐊᖅᑐᑦ ᐱᓪᓗᐊᕕᒃᑐᓄᑦ ᑐᐊᕕᓇᖅᑐᓕᕆᓂᕐᒧᑦ ᐅᓗᕆᐊᓇᙱᑦᑐᒃᑯᑦ, ᐱᓪᓗᐊᕕᒃᑐᒥᑦ.  ᑲᖏᖅᖠᓂᕐᒥᑦ ᐃᑯᐊᓪᓚᒃᑐᓕᕆᔩᑦ, ᑭᕙᓪᓕᕐᒥᑦ ᓄᓇᓕᖕᓂᑦ ᐊᒻᒪᓗ ᓄᓇᕗᒻᒥᑦ, ᐊᒻᒪᓗ ᐊᒡᓃᑯᒃᑯᑦ ᓇᖕᒥᓂᖅ ᑕᓯᕐᔪᐊᕐᒥᑦ ᑐᐊᕕᓇᖅᑐᓄᑦ ᐅᐸᓗᐊᔨᖏᑦ, ᐊᔪᕈᖕᓃᖅᓴᕈᖕᓇᖃᑦᑕᕐᓂᐊᖅᑐᑦ ᐱᓪᓗᐊᕕᒃᑐᓄᑦ ᐃᑯᐊᓪᓚᒃᑐᓄᑦ ᐊᒻᒪᓗ ᐊᓐᓇᒃᑐᐃᓂᕐᓄᑦ.

ᑖᒻᓇ ᐱᓐᓂᑯᓄᑦ ᐱᓕᕆᐊᖅ ᐃᑲᔪᕐᓂᐊᖅᑐᖅ ᓄᓇᓕᓗᒃᑖᓂᒃ ᐅᓗᕆᐊᓇᖅᑐᖃᙱᓐᓂᖅᓴᐅᓗᑎᒃ ᐊᒻᒪᓗ ᐸᕐᓇᖅᓯᒪᓂᖅᓴᐅᓗᑎᒃ ᐱᓕᕆᐊᖃᕐᓂᐊᕐᓗᑎᒃ ᑐᐊᕕᓇᖅᑐᓄᑦ.

  • ᑐᓂᕐᕈᑎ $250,000 ᐃᓕᑕᖅᓯᓂᖅ-ᑯᓐᓄᑦ – ᓄᓇᕗᒻᒥ ᐅᖃᓕᒫᓕᕆᔨᒃᑯᑦ ᓂᐅᕕᕐᓂᐊᖅᑐᑦ ᐃᒡᓗᕐᔪᐊᕐᒥᑦ ᑲᖏᖅᖠᓂᕐᒥᑦ ᐱᒌᓐᓇᕐᓂᐊᕐᓗᓂᔾᔪᒃ ᑎᑎᕋᕐᕕᖃᕐᕕᒋᓗᒍ ᑲᖏᖅᖠᓂᕐᒥᑦ. ᐊᖏᕐᕋᕆᔭᐅᓗᓂ ᐅᖃᓕᒫᓕᕆᔨᓄᑦ ᑐᓂᓯᖃᑦᑕᕈᖕᓇᕐᓂᐊᖅᑐᑦ ᐅᖃᓕᒫᕆᐅᖅᓴᓂᕐᒧᑦ ᑐᕌᖓᔪᓂᑦ ᓄᓇᕗᒻᒥᑦ ᐃᓐᓇᕐᓄᑦ, ᒪᒃᑯᒃᑐᓄᑦ ᐊᒻᒪᓗ ᓄᓇᓕᖕᒥᐅᓄᑦ.
  • ᑐᓂᕐᕈᑎ $500,000 ᑕᓪᓕᒪᓄᑦ ᐅᑭᐅᓄᑦ ᐃᑲᔪᕐᓂᐊᕐᓗᒋᑦ ᐃᓕᑕᖅᓯᓂᖅ-ᑯᑦ – ᓄᓇᕗᒻᒥ ᐅᖃᓕᒫᓕᕆᔨᒃᑯᑦ ᐃᑲᔪᕐᓗᑎᒃ ᐊᒻᒪᓗ ᓯᕗᒻᒧᒃᑎᓪᓗᒋᑦ ᐃᓐᓇᐃᑦ ᐊᒻᒪᓗ ᒪᒃᑯᒃᑐᑦ ᐅᖃᓕᒫᕈᖕᓇᕐᓂᖏᑦ ᓄᓇᕗᒻᒥᓗᒃᑖᖅ. ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᑦ ᐃᓅᓯᕐᒥᒃ-ᐊᓯᐊᙳᖅᑎᑦᑎᓂᖃᕋᔪᒃᑐᑦ ᐊᒻᒪᓗ ᐱᕈᖅᐸᓪᓕᐊᓂᖃᖅᑎᑦᑎᔪᖅ ᓄᓇᕗᒻᒥ ᐅᖃᓕᒫᕈᖕᓇᖅᓯᓂᕐᒧᑦ ᓈᓴᐅᑎᒃᓂ.

1,000 ᐃᓄᐃᑦ ᐅᖓᑖᓄᑦ ᐅᕐᓂᒍᑎᓯᒪᓚᐅᖅᑐᑦ ᓄᓇᓕᖕᒥᑦ ᖁᕕᐊᓲᑎᖃᖅᑎᓪᓗᒋᑦ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᖅ ᐅᒃᑯᐃᕐᓂᖓᓄᑦ, ᐃᓚᐅᑉᓗᑎᒃ ᖃᐃᖁᔭᐅᓯᒪᔪᑦ: ᐅᐱᓐᓇᖅᑐᖅ ᔫ ᓴᕕᑲᑖᖅ, ᓯᕗᓕᐅᖅᑎ ᓄᓇᕗᒻᒧᑦ, ᑕᐃᕕᑎ ᓂᖏᐅᖓᓐ, ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᓄᑦ ᐊᖓᔪᖅᑳᖅ; ᐊᓗᑭ ᑰᑦᑎᖅ, ᐊᖏᔪᖅᑳᖓᑦ ᓄᓇᕗᑦ ᑐᙵᕕᒃ ᑎᒥᖓᑕ;

ᒪᐃᔭᐅᑉ ᑐᖏᓕᖓ ᑲᖏᖅᖠᓂᕐᒥᑦ ᕼᐃᐅᕆ ᑕᐅᑐᙱ; ᐊᒻᒪᓗ ᐊᒥᓱᑦ ᐃᓐᓇᕆᔭᐅᔪᑦ.  ᐊᒡᓃᑯᒃᑯᑦ ᑲᑎᒪᔨᖏᑦ, ᐃᓱᒪᑕᕐᔪᐊᖅ ᓵᓐ ᐳᐃᑦ, ᐊᖓᔪᖅᑳᖅ ᐊᒻᒪᕐ ᐃᐅᓪᔭᐅᓐᑎ, ᐊᒻᒪᓗ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᕐᒧᑦ ᓱᓇᑐᐃᓐᓇᓄᑦ ᐊᐅᓚᑦᑎᔨ ᒫᑎᓐ ᐱᓛᓐᑎ.

ᑐᓴᖅᑎᑦᑎᑎᓪᓗᒋᑦ ᐊᒡᓃᑯᒃᑯᑦ ᐃᓅᓯᕐᒧᑦ ᐊᓐᓇᒃᑐᐃᓂᖃᖅᑐᓄᑦ ᐊᒻᒪᓗ ᐊᓯᐊᙳᖅᓯᓂᖃᖅᑐᓄᑦ ᐱᓕᕆᐊᓄᑦ, ᒥᔅᑕ ᓈᓱ ᐅᖃᓚᐅᖅᑐᖅ, “ᐊᒡᓃᑯᒃᑯᑦ ᐊᖏᔪᒥᒃ ᐃᒃᐱᒍᓱᓕᕐᓂᖃᖅᑐᑦ ᐊᒻᒪᓗ ᐅᒃᐱᕈᓱᓕᖅᖢᑎᒃ ᐃᓕᑉᓯᖕᓂᑦ – ᐃᓄᐃᑦ ᓄᓇᕗᒻᒥᑦ – ᑕᐃᒪᙵᓂᑦ ᑕᒪᐅᙵᕋᑉᑕ 2007-ᒥᑦ.  ᐊᒃᓱᕈᕐᓗᑕ ᐱᓕᕆᖃᑎᒋᓂᐊᖅᑕᑉᑎᒋᑦ ᐅᒃᐱᕆᔭᐅᓕᕐᓗᑕ.  ᐱᓕᕆᖃᑎᒋᓂᐊᖅᑕᑉᑎᒋ ᐱᕈᐃᑎᑦᑎᓗᑕ ᐅᓗᕆᐊᓇᖅᑐᖃᙱᑦᑐᒥᑦ, ᓴᙱᔪᒥᒃ ᐊᒻᒪᓗ ᐋᓐᓂᐊᖃᖅᑕᐃᓕᒪᓂᖃᙱᑦᑐᓂᒃ ᓄᓇᓕᖕᓂᑦ.  ᐃᑲᔪᕐᓂᐊᖅᑐᒍᑦ ᒥᐊᓂᕆᔭᐅᓂᖅᓴᐅᒃᑲᓐᓂᖅᑎᓪᓗᒋᑦ ᓯᕗᓂᒃᓴᖓᑦ ᓄᓇᕗᒻᒥᐅᓗᒃᑖᑦ.”