ᑕᑯᑎᖦᖢᒋᑦ ᖁᑦᑎᖕᓂᖅᓴᒥᑦ ᐃᓕᓐᓂᐊᖅᑏᑦ ᐱᓕᕆᐊᕐᒥᒃ ᓇᓗᓇᐃᒃᑯᑕᓕᖕᓄᑦ ᐊᒥᓲᓂᖅᓴᓂᒃ ᐱᓕᕆᐊᒃᓴᖅᑖᖅᑎᑦᑎᔪᖕᓇᕐᒪᑕ, ᑮᓇᐅᔭᓕᐅᒃᑲᓐᓂᕐᓂᖅᓴᐅᓗᑎᒃ ᐊᒻᒪᓗ ᐃᓱᒪᖅᓱᕐᓂᖃᕐᓗᑎᒃ

ᐊᒡᓃᑯᒃᑯᑦ ᓄᓇᕗᒻᒥᑦ ᐊᐅᓛᖅᑎᑦᑎᓂᖓᑦ ᑐᓂᓯᖃᑦᑕᖅᑐᖅ ᐱᓕᕆᐊᒃᓴᓄᑦ ᐊᔪᙱᓐᓂᖃᖅᑐᓄᑦ ᓇᓗᓇᐃᒃᑯᑕᖃᖅᑐᓂᒃ ᐃᓄᖕᓂᒃ ᐱᓕᕆᐊᖃᕐᓂᐊᕐᓗᑎᒃ ᐊᑐᕆᐊᓕᖕᓂᒃ ᐱᖁᑎᓂᒃ ᐊᒻᒪᓗ ᐱᔨᑦᑎᕋᐅᑎᓂᒃ ᐅᔭᕋᒃᑕᕆᐊᑉᑎᖕᓂᑦ – ᓱᓇᓗᒃᑖᑦ ᐱᓕᕆᐊᒃᓴᐃᑦ ᐃᒐᔨᓂᑦ ᐊᒻᒪᓗ ᕿᔪᐊᕐᔪᓕᕆᔨᓂᑦ ᓱᑉᓗᓕᕆᔨᓄᑦ, ᓴᕕᒐᐅᔭᓕᕆᔨᓄᑦ, ᓯᖃᓪᓕᑎᕆᕝᕕᖕᒥᑦ ᐱᓕᕆᔨᐅᓗᑎᒃ ᐊᒻᒪᓗ ᓂᐱᐅᖅᓯᑐᐃᔨᓄᑦ.

ᑐᓂᓯᖃᑦᑕᕐᒥᔪᒍᑦ ᓄᓇᓕᖕᒥᑦ ᐃᓅᔪᓂᒃ ᐊᔪᕈᖕᓃᖅᓴᕐᓗᑎᒃ ᐱᓕᕆᐊᓄᑦ ᓇᓗᓇᐃᒃᑯᑕᓕᖕᓄᑦ ᓂᕈᐊᖅᑕᖏᓐᓂᒃ.  ᐱᔭᐅᔪᒪᑦᑎᐊᖃᑦᑕᖅᑐᖅ ᓇᓗᓇᐃᒃᑯᑕᓕᖕᒥᑦ ᐱᓕᕆᐊᖅᑖᕐᓂᐊᓵᕐᓗᑎᒃ ᐊᒻᒪᓗ ᐱᓕᕆᐊᖃᕐᓗᑎᒃ ᐃᓕᓐᓂᐊᕐᓗᑎᒃ ᑐᕌᖓᔪᑦ ᐃᓚᐅᔪᑦ ᐱᓕᕆᓗᑎᒃ ᐃᓕᓐᓂᐊᕐᓗᑎᒃ ᐊᒻᒪᓗ ᐃᓕᓐᓂᐊᕐᕕᖕᒥᑦ ᐱᓕᕆᐊᑉ ᒥᒃᓵᓄᑦ ᐊᔪᕈᖕᓃᖅᓴᕐᓗᑎᒃ ᐱᐅᓯᒋᐊᕐᓂᐊᕐᓗᒍ ᐱᓕᕆᑎᑕᐅᓂᐊᕐᓗᓂ ᒪᓂᒪᓂᔭᕆᐊᖃᕐᓂᖅ.  ᐃᓱᓕᑎᓪᓗᒍ ᑐᕌᖓᔪᖅ, ᐊᑐᓂ ᐱᓕᕆᑉᓗᑎᒃ ᐃᓕᓐᓂᐊᖅᑐᑦ ᓇᓗᓇᐃᒃᑯᑕᖓᓐᓂᒃ ᐊᔪᙱᓐᓂᕐᒧᑦ ᐊᐅᐸᓗᒃᑐᒥᒃ ᓇᓗᓇᐃᒃᑯᑕᖅᑖᕐᓂᕐᒧᑦ ᐆᒃᑐᕈᖕᓇᖅᑐᑦ.  ᓇᓗᓇᐃᒃᑯᑕᑖᕐᓂᖅ ᑎᑭᐅᑎᑎᑦᑎᖃᑦᑕᖅᑐᖅ ᖁᑦᑎᓛᒥᒃ ᐃᓂᐅᔪᒧᑦ ᐱᓕᕆᐊᒃᓴᒥᑦ ᒪᓂᒪᔪᒥᑦ ᓂᕈᐊᖅᑕᖓᓐᓂᒃ ᐊᒻᒪᓗ ᓇᓂᑐᐃᓐᓇᖅ ᑲᓇᑕᒥᑦ ᐃᓕᑕᕆᔭᐅᓯᒪᓂᐊᖅᖢᑎᒃ ᓇᓗᓇᐃᒃᑯᑕᓕᖕᒥᑦ ᐱᓕᕆᐊᖓᓐᓄᑦ.

ᑕᐅᑐᒐᖃᖅᑐᒍᑦ ᖃᑯᒍᑭᐊᖅ ᓄᓇᕗᒻᒥᑦ ᐅᔭᕋᒃᑕᕆᐊᕗᑦ ᐊᐅᓚᑕᐅᓗᓂ ᓄᓇᕗᒻᒥᐅᓄᑦ.  ᑕᐃᒪᓐᓇᒧᑦ, ᐅᒃᐱᕈᓱᒃᑐᒍᑦ ᓴᖅᑭᑎᓪᓗᒋᑦ ᖁᑦᑎᖕᓂᖅᓴᒧᑦ ᐃᓕᓐᓂᐊᖅᑏᓄᑦ ᐃᑲᔫᑎᖃᕐᓂᖓ ᐱᓕᕆᐊᖅᑖᕐᓗᓂ ᐊᔪᙱᓐᓂᖃᖅᑐᑦ ᓇᓗᓇᐃᒃᑯᑕᖃᕐᓗᑎᒃ ᐱᓕᕆᐊᓄᑦ ᐱᕕᖃᕐᓂᐅᖕᒥᖕᒪᑦ ᑎᑭᐅᑎᓂᐊᕐᓗᓂ ᐱᓕᕆᔨᑖᖅᑐᕐᓂᕐᒧᑦ ᑐᕌᒐᑉᑎᖕᓄᑦ.

ᐊᒡᓃᑯᒃᑯᑦ ᒫᓐᓇᐅᔪᖅ ᐊᕐᕕᓂᓕᕆᓕᖅᑕᖓᓐᓂᑦ ᑲᒪᔭᖃᖅᑐᑦ ᐅᑭᐅᖑᔪᖅ ᐃᑲᔪᐃᑉᓗᑎᒃ ᓇᓗᓇᐃᒃᑯᑕᓕᖕᓂᒃ ᐱᓕᕆᐊᓄᑦ ᐅᔾᔨᕈᓱᖕᓂᕐᒥᒃ, ᐊᔪᙱᓐᓃᑦ ᐊᒻᒪᓗ ᖃᐅᔨᒪᓂᖅ (TASK) ᐱᓇᓱᐊᕈᓯᖅ ᔫᓇ ᐊᒥᑦᓈᖅ ᐃᓕᓐᓂᐊᕐᕕᖕᒥᑦ ᖃᒪᓂᑦᑐᐊᖅ, ᓄᓇᕗᒻᒥᑦ.  TASK ᐱᓇᓱᐊᕈᓯᖅ, ᒫᑦᓯᒥᐅᓚᐅᖅᑐᖅ, ᐱᓕᕆᖃᑎᒌᖕᓂᐅᔪᖅ ᐊᒡᓃᑯᒃᑯᓐᓂᑦ ᐊᒻᒪᓗ ᐃᓕᓐᓂᐊᕐᕕᖕᒥᑦ.  ᐅᑭᐅᖑᔪᖅ, ᒪᕐᕉᒃ ᐃᓅᔪᑦ ᐃᓕᓐᓂᐊᖅᑎᑦᑎᔩᑦ ᐊᒻᒪᓗ ᐊᑕᐅᓯᖅ ᐃᓅᔪᖅ ᐃᓕᓐᓂᐊᖅᖢᓂ ᐱᓕᕆᔪᖅ ᐊᒡᓃᑯᒃᑯᑦ ᐊᐳᖅᑎᓐᓈᖅᑐᒥᑦ ᐅᔭᕋᒃᑕᕆᐊᖓᓐᓂᑦ ᐃᑲᔪᓚᐅᖅᑐᑦ ᐃᓕᓐᓂᐊᖅᑎᑦᑎᑉᓗᑎᒃ 70-ᓂᒃ ᖁᑦᑎᖕᓂᓖᑦ 10, 11 ᐊᒻᒪᓗ 12 ᐃᓕᓐᓂᐊᖅᑎᓂᒃ ᐱᔾᔪᑎᖃᖅᑐᓂᒃ ᓇᓗᓇᐃᒃᑯᑕᓕᖕᓄᑦ ᐱᓕᕆᐊᓄᑦ – ᓄᓇᒃᑰᕈᑎᓄᑦ ᐃᑯᒪᓕᕆᔩᑦ, ᓴᕕᒐᐅᔭᓕᕆᔩᑦ ᐊᒻᒪᓗ ᓱᑉᓗᓕᕆᔩᑦ.  ᐊᒻᒪᓗ, ᐋᓐᓂᖅᑐᖃᖅᐸᑦ ᐊᓐᓇᒃᑐᐃᓂᕐᒧᑦ ᐃᓕᓐᓂᐊᖅᑎᑦᑎᓂᖅ ᐊᒻᒪᓗ ᓄᔭᓕᕆᓂᕐᒧᑦ ᐃᓕᓐᓂᐊᖅᑎᑦᑎᓂᖃᓚᐅᕐᒥᔪᖅ ᐃᓚᖓᓐᓂᒃ ᑳᓐᑐᕌᒃᖃᖅᑐᓂᒃ ᐊᓯᐊᑦᑕᐅᖅ ᐱᓕᕆᔨ ᐊᔪᕈᖕᓃᖅᓴᐃᑉᓗᓂ ᐃᒐᓂᕐᒧᑦ. ᓄᑖᖅ ᐊᑐᖅᑕᐅᔪᖕᓇᖅᑐᖅ ᐅᑭᐅᖑᔪᖅ ᑕᐅᑐᒐᖃᓚᐅᖅᑐᖅ ᐱᖅᑯᓯᕆᔭᐅᔪᓂᒃ ᓇᓗᓇᐃᒃᑯᑕᖃᕐᓗᓂ ᐱᓕᕆᐊᕐᒥᑦ, ᐃᓕᓐᓂᐊᖅᑎᑦᑎᓗᓂ ᒥᖅᓱᕐᓂᕐᒥᒃ.  ᐃᓕᓐᓂᐊᖅᑏᑦ ᐱᐊᓂᓚᐅᖅᑐᑦ ᐱᓇᓱᐊᕈᓯᓗᒃᑖᒥᑦ ᐃᓕᓐᓂᐊᕐᕕᖕᒥᑦ ᐱᑖᕈᑎᑖᓚᐅᖅᑐᑦ ᐃᓕᑕᕆᔭᐅᓂᕐᒧᑦ ᐃᓕᓐᓂᐊᕌᓂᒃᐸᑕ ᓇᓗᓇᐃᒃᑯᑕᖅᑖᖓᓐᓄᑦ.

ᑐᕌᒐᖓ TASK ᐱᓇᓱᐊᕈᓯᐅᑉ ᐱᔪᒪᓕᖅᑎᑦᑎᓂᖃᕈᒪᑉᓗᑎᒃ ᐃᓕᓐᓂᐊᖅᑎᓂᒃ ᐃᓱᒪᒋᔭᖃᕐᓂᐊᕐᓗᑎᒃ ᓱᓕᕆᔪᒪᖕᒪᖔᑕ ᐃᓕᓐᓂᐊᕌᓂᒃᐸᑕ, ᓇᓗᓇᐃᒃᑯᑕᓕᖕᓂᒃ ᐱᓕᕆᐊᖃᕐᓂᕐᒧᑦ ᐊᔪᙱᓐᓂᐅᔪᓂᒃ ᑐᓂᓯᔪᑦ ᐃᓱᒪᖅᓱᕐᓂᕐᒥᒃ ᐊᒻᒪᓗ ᐱᕕᖃᕐᓂᐅᔪᓂᒃ ᐃᖏᕐᕋᔭᒍᖕᓇᕐᓂᕐᒧᑦ ᐊᒻᒪᓗ ᖁᕕᐊᒋᓗᒋᑦ ᐱᓕᕆᐊᖃᕐᓗᑎᒃ ᐊᒻᒪᓗ ᖃᑕᙳᑎᖏᑦ ᐱᔾᔪᑎᒋᑉᓗᒋᑦ ᐱᐅᓂᖅᓴᒥᒃ ᐃᓅᓯᖃᕐᓗᑎᒃ.

ᐱᐊᓐᔭᒥᓐ ᑯᓱᒐᖅ, ᐊᐅᐸᓗᒃᑐᒥᒃ ᓇᓗᓇᐃᒃᑯᑕᖃᖅᑐᖅ ᓱᑉᓗᓕᕆᔨᐅᔪᖅ ᐊᐳᖅᑎᓐᓈᖅᑐᒥᑦ, ᐊᒻᒪᓗ ᐃᓚᒋᔭᐅᔪᖅ ᐊᒡᓃᑯᒃᑯᑦ TASK ᐱᓇᓱᐊᕈᓯᕐᒧᑦ ᐃᓕᓐᓂᐊᖅᑎᑦᑎᔨᖏᓐᓄᑦ, ᐅᖃᓚᐅᖅᑐᖅ ᐱᓕᕆᐊᕆᓗᒋᑦ ᐊᑐᕐᓂᑯᖃᕐᓂᐅᔪᖅ ᐃᓚᐅᑎᑦᑎᓂᖃᑦᑎᐊᖃᑦᑕᖅᑐᖅ ᐊᒻᒪᓗ ᐱᔪᒪᓕᖅᑎᑦᑎᓂᖃᖅᖢᓂ ᐃᓕᓐᓂᐊᖅᑎᓂᒃ.

“ᓴᓇᕐᕈᑏᑦ ᐊᒡᒐᖏᓐᓃᓕᑐᐊᕐᒪᑕ, ᐃᓕᓐᓂᐊᖅᑏᑦ ᐅᕙᒻᓂᒃ ᑲᒪᑦᑎᐊᓕᓚᐅᖅᑐᑦ 100%-ᒥᒃ.  ᑕᑯᑎᓚᐅᖅᑕᒃᑲᑦ ᖃᓄᖅ ᐆᒃᑐᕋᐃᔭᕆᐊᖃᕐᒪᖔᑕ ᐊᒻᒪᓗ “ᐃᓕᐅᖅᑲᐃᓗᓂ” ᐊᓇᕐᕕᒃ ᐃᕐᒥᒡᕕᖃᖅᖢᓂ, ᐅᕕᓂᖕᓂᐊᕐᕕᖃᖅᖢᓂ ᐊᒻᒪᓗ ᓇᖏᕐᓗᓂ ᐅᕕᓂᖕᓂᐊᕐᕕᖕᒥᑦ.  ᐃᓕᐅᖅᑲᓕᖅᖢᒋᑦ ᐃᒪᕐᒧᑦ ᓱᑉᓗᓕᐅᔪᑦ ᐊᒻᒪᓗ ᑕᒪᓗᒃᑕᖅ ᑯᕕᕝᕖᑦ ᐃᓚᒋᔭᐅᔪᑦ.  ᖁᕕᐊᓇᑦᑎᐊᖅᑐᖅ ᑕᑯᑉᓗᒋᑦ ᓴᓇᔭᑕᑎᑦ.”

ᐱᐊᓐᔭᒥᓐ ᐱᔪᒪᓂᖃᑦᑎᐊᖅᑐᖅ ᐃᑲᔪᕐᓗᒋᑦ ᓄᑕᖅᑲᐃᑦ ᐊᒻᒪᓗ ᐃᑲᔪᖅᑐᖅᖢᒋᑦ ᓇᓗᓇᐃᑯᑕᓕᖕᒥᑦ ᐱᓕᕆᐊᖅᑖᕐᓗᑎᒃ.

“ᖃᐅᔨᒪᙱᑦᑐᖓ ᐃᓕᓐᓂᐊᖅᑏᑦ ᐃᓱᒪᒃᓴᖅᓯᐅᓚᐅᕐᒪᖔᑕ ᓇᓗᓇᐃᒃᑯᑕᓕᖕᓄᑦ ᐱᓕᕆᐊᕐᓄᑦ ᑭᓯᐊᓂ TASK ᐱᓇᓱᐊᕈᓯᖅ ᐱᓕᕐᒪᑦ.  ᐱᔪᒪᓕᖅᑎᑦᑎᓂᖃᖅᑎᒋᐊᓚᐅᖅᑕᒃᑲ ᓇᓗᓇᐃᒃᑯᑕᓕᖕᒥᑦ ᐱᓕᕆᐊᖃᖅᖢᓂ, ᓇᖕᒥᓂᖅ ᑎᑭᑦᓕᐅᕈᖕᓇᕋᕕᑦ.  ᑕᐃᒪᓐᓇᐃᑦᑐᖅ ᑐᕌᖓᔪᖅ ᑐᓂᓯᖃᑦᑕᖅᑐᖅ ᓄᑕᖅᑲᓂᒃ ᐊᔾᔨᐅᖏᑦᑐᒥᒃ ᑕᐅᑐᒐᖃᕐᓂᕐᒥᒃ ᓯᕗᓂᒃᓴᒧᑦ.  ᖁᕕᐊᒋᓚᐅᖅᑕᕋ ᐃᓕᓐᓂᐊᖅᑎᖦᖢᒋᑦ ᖃᐅᔨᒪᔭᕆᐊᖃᖅᑕᖏᓐᓂᒃ ᐱᐊᓂᖕᓂᐊᕐᓗᑎᒃ.”

ᐃᓚᖓᑦ ᐱᐊᓐᔭᒥᓐ ᐃᓕᓐᓂᐊᖅᑎᑕᖓ, ᕈᐃᔭᓐ ᐊᒃᓴᕐᓂᖅ, ᖁᕕᐊᒋᓚᐅᖅᑕᖏᑦ ᐱᐊᓐᔭᒥᑦ ᖃᓄᐃᓕᐅᖅᑎᑦᑎᔾᔪᑎᖏᑦ ᐊᒻᒪᓗ ᐅᖃᐅᓯᕆᔭᖏᑦ.  “ᐱᐊᓐᔭᒥᓐ ᐅᖃᐅᑎᓚᐅᖅᑖᖓ ᑕᒪᓗᒃᑖᖅᑲᔭᖅ ᐱᓕᕆᐊᑦ ᑕᒫᓃᖏᓐᓇᖃᑦᑕᙱᑎᓪᓗᒋᑦ, ᓇᓗᓇᐃᒃᑯᑕᓕᒃ ᐱᓕᕆᐊᖅ ᓇᒧᓗᒃᑖᕈᖕᓇᖅᑐᖅ ᐊᒻᒪᓗ ᖃᓄᑐᐃᓐᓇᖅ ᐊᔪᙱᖦᖢᓂ – ᐊᐅᓚᑦᑐᖕᓇᖅᑕᐃᑦ ᓯᕗᓂᒃᓴᐃᑦ.  ᐃᑲᔪᖅᑐᖅᑕᒃᑲ ᐊᓯᖏᑦ TASK ᐱᓇᓱᐊᕈᓯᕐᒧᑦ ᐱᐅᔫᖕᒪᑦ ᐃᓕᑦᑎᓗᓂ ᓄᑖᒥᒃ ᓱᓇᑐᐃᓐᓇᕐᒥᒃ.  ‘ᓇᓗᓇᐃᒃᑯᑕᓕᖕᒥᑦ ᐱᓕᕆᐊᖅᑖᕐᓂᖅ”-ᒧᑦ ᐃᓕᓐᓂᐊᕆᐊᕈᒪᔪᖓ ᓱᑉᓗᓕᕆᔨᐅᓂᕐᒧᑦ ᐃᓕᓐᓂᐊᕌᓂᒃᓯᒪᓕᕈᒪ.”

ᐃᓚᒋᔭᐅᑉᓗᓂ ᐊᒡᓃᑯᒃᑯᑦ ᓇᓗᓇᐃᒃᑯᑕᓕᖕᒥᑦ ᐱᓕᕆᐊᖅᑖᕐᓂᐊᓵᕐᓗᑎᒃ ᐊᒻᒪᓗ ᐱᓕᕆᐊᖃᕐᓗᑎᒃ ᐃᓕᓐᓂᐊᕐᓗᑎᒃ ᑐᕌᖓᔪᖓᓐᓄᑦ, ᒫᓐᓇᐅᔪᖅ ᓯᑕᒪᓂᒃ ᐱᓕᕆᐊᖅᑖᕐᓂᐊᓵᕐᓗᑎᒃ ᐃᓕᓐᓂᐊᖅᑎᖃᖅᑐᑦ, 11-ᓂᒃ ᐱᓕᕆᑉᓗᑎᒃ ᐃᓕᓐᓂᐊᖅᑎᖃᖅᖢᑎᒃ ᐊᒻᒪᓗ ᐊᕐᕕᓂᓕᖕᓂᑦ ᐃᓕᓐᓂᐊᕌᓂᒃᑐᓂᒃ ᑐᕌᖓᔪᒥᑦ ᐱᓕᕆᔪᑦ ᓄᓇᕗᒻᒥ ᐊᐅᓛᖅᑎᑦᑎᓂᕆᔭᑉᑎᖕᓂᑦ.  “ᐃᑲᔪᐃᓐᓇᕐᓂᐊᖅᑕᕗᑦ TASK ᐱᓇᓱᐊᕈᓯᖅ ᐊᒻᒪᓗ ᕿᓃᓐᓇᕐᓗᑕ ᐊᖏᒡᓕᒋᐊᖅᑎᓐᓂᐊᕐᓗᒍ ᐃᑲᖅᑕᐅᓂᐊᕐᓂᐊᕐᒪᑕ ᐊᓯᖏᑦ ᑭᕙᓪᓕᕐᒥᑦ ᓄᓇᓖᑦ.  ᓴᖅᑭᑎᑦᑐᒪᔭᕗᑦ ᑕᒪᒃᑯᐊ ᒪᒃᑯᒃᑐᓄᑦ ᐱᕕᖃᕐᓂᐅᔪᖕᓇᖅᑐᑦ ᓇᓗᓇᐃᒃᑯᑕᓕᖕᓄᑦ ᐱᓕᕆᐊᓄᑦ ᐊᒻᒪᓗ ᐃᑲᔪᖅᑐᕐᓗᒋᑦ ᐃᓕᓐᓂᐊᖏᓐᓇᕐᓂᕐᒧᑦ.”  ᐹᑐᕆᒃ ᕈᐃ, ᓯᓚᑖᓂᓕᕆᔨ, ᐊᔪᕈᖕᓃᖅᓴᐃᓂᖅ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᕕᒃᑐᖅᓯᒪᔪᒥᑦ ᐊᖓᔪᖅᑳᖅ.