ᐅᓗᕆᐊᓇᙱᑦᑐᒃᑯᑦ ᐊᒻᒪᓗ ᐱᓪᓗᕆᒃᑐᒃᑯᑦ ᐅᖃᖃᑎᖃᕐᓃᑦ ᓄᓇᕗᒻᒥᐅᓂᑦ ᓄᓇᓕᖕᓂᑦ ᐱᒻᒪᕆᐅᒋᔭᐅᔪᖅ ᐊᒡᓃᑯᒃᑯᓐᓄᑦ ᓄᓇᕗᒻᒥ ᐱᐊᓂᑦᑎᐊᖅᓯᒪᓂᖏᓐᓄᑦ.  ᐱᖁᔭᐅᓪᓚᕆᒃᑐᖅ ᐊᖏᕐᕋᐅᒪᔭᕆᐊᖃᕐᓂᕐᒧᑦ ᒪᓕᒐᐃᑦ, ᐊᑕᐅᓯᖅ ᐊᐱᖅᑯᑎ ᑭᑐᓗᒃᑖᑦ ᐃᓱᒪᖓᓐᓂᑦ ᑕᐃᒪᐅᔪᖅ ᓱᓕ: ᖃᓄᐃᓕᐅᕈᖕᓇᖅᐱᑕ ᐊᑑᑎᖃᖅᑐᒃᑯᑦ ᑐᓴᐅᒪᖃᑦᑕᐅᑎᓗᑕ ᐊᒻᒪᓗ ᑲᑎᓐᓂᖃᐃᓐᓇᕐᓗᑕ ᐅᖓᓯᖃᑎᒌᒃᑎᓪᓗᑕ?

ᑲᑎᓯᒪᓂᐊᕐᓗᑕ ᐅᑭᐅᖅᑕᖅᑐᒥᑦ ᓯᓚᑎᒋᔭᑉᑎᖕᓄᑦ ᓄᕙᒡᔪᐊᕐᓇᖅ-19-ᒥᑦ, ᐊᒡᓃᑯᒃᑯᑦ ᓴᖅᑭᑦᑎᔪᑦ ᓄᓇᓕᖕᒥᑦ ᑕᐅᑐᒐᖃᖅᑐᒥᑦ ᐱᓕᕆᐊᕐᒥᑦ ᐊᖏᒡᓕᒋᐊᕐᓗᒍ ᐅᖃᖃᑎᒋᔪᖕᓇᕐᓗᒋᑦ ᐊᒻᒪᓗ ᐃᓚᐅᑎᓪᓗᒋᑦ ᓄᓇᓕᖕᒥᐅᑕᐃᑦ ᐱᓕᕆᐊᕆᓗᒋᑦ ᖃᕆᑕᐅᔭᒃᑯᑦ ᐊᒃᓱᕈᕐᓇᐅᑕᐅᔪᑦ.ᓄᓇᓕᖕᒥᑦ ᑐᑭᓯᐅᒪᔾᔪᑏᑦ ᒥᒃᓵᓄᑦ ᐱᓕᕆᐊᖃᕐᓃᑦ ᐊᒻᒪᓗ ᐅᖃᖃᑎᖃᕐᓃᑦ ᐊᔪᙱᑎᑕᐅᔪᑦ ᑕᒡᕙᐅᖃᑎᒋᓗᒋᑦ ᑲᑎᒪᓂᒃᑯᑦ ᐊᒻᒪᓗ ᐅᖃᓘᑎᒃᑯᑦ ᑐᓴᐅᒪᑎᑦᑎᓂᖅ ᐊᑯᓂᐅᔪᖅ ᐊᑐᖅᑕᐅᓯᒪᔪᑦ ᐊᒡᓃᑯᒃᑯᑦ ᓄᓇᕗᒻᒥᑦ ᐱᓕᕆᐊᕐᒥᒃ ᐱᕙᓪᓕᐊᓂᖏᓐᓄᑦ ᐊᒻᒪᓗ ᐊᐅᓛᖅᑎᑦᑎᓂᕐᒧᑦ ᐱᓕᕆᔨᖏᓐᓄᑦ.

ᓄᕙᒡᔪᐊᕐᓇᖅ ᐱᔾᔪᑎᒋᑉᓗᒍ ᑕᒪᒃᑯᐊ ᑐᓴᐅᒪᖃᑦᑕᐅᑎᓂᕐᒧᑦ ᐊᑐᖅᑕᐅᔪᑦ ᐊᒃᓱᕈᕐᓇᖅᓯᓂᖅᓴᐅᔪᑦ, ᐊᒻᒪᓗ ᐃᓚᖏᑦᑎᒍᑦ ᐊᔪᕐᓇᖅᖢᑎᒃ, ᓄᑖᓂᒃ ᐃᓱᒪᒃᓴᖅᓯᐅᕆᓃᑦ ᖃᐅᔨᓕᓚᐅᖅᑐᑦ ᐊᓯᐊᒍᖔᖅ ᐊᑐᖅᑕᐅᔪᖕᓇᖅᑐᒥᒃ ᐊᒻᒪᓗ ᐊᑐᓕᖅᑎᓪᓗᒍ ᐊᑯᓂᐅᔪᒥᑦ, ᖃᕆᑕᐅᔭᒃᑯᑦ ᐋᖅᑭᒃᖢᓂ.

ᑐᑭᓯᐊᑉᓗᒍ ᖃᕆᑕᐅᔭᒃᑰᕈᑎᓄᑦ ᑭᒡᓕᖃᕐᓂᐅᔪᑦ ᓄᓇᕗᒻᒥ ᐊᔪᕐᓇᖅᑎᑦᑎᖃᑦᑕᕐᒪᑦ ᐊᐅᓚᔪᒃᑯᑦ ᑲᑎᒪᑎᑦᑎᓂᕐᓂᒃ, ᖃᕆᑕᐅᔭᒃᑯᑦ ᑲᒪᓂᕐᒧᑦ ᑐᕌᖓᔪᖅ ᑲᑉᐳᔾᔭᓅᖅᑐᓂᒃ ᐃᓄᖕᓄᐊᖅᓯᔪᒪᔪᑦ ᐊᑭᑐᔪᕐᔪᐊᖑᙱᓪᓗᓂ ᖃᕆᑕᐅᔭᒃᑰᕈᑎᖃᕐᓂᕐᒧᑦ ᐅᑭᐅᖅᑕᖅᑐᒥᑦ ᑕᐃᒪᓐᓇᐅᑎᓪᓗᒍ.

ᑐᕌᖓᔪᖅ ᐱᓕᕆᐊᖃᕐᓂᐊᖅᑐᖅ ᐱᓕᕆᔨᑖᖅᑐᕐᓂᕐᒥᒃ ᐊᒻᒪᓗ ᐊᔪᕈᖕᓃᖅᓴᐃᓂᕐᒥᒃ ᓄᓇᓕᖕᒦᖓᔪᒥᑦ ᑲᒪᔨᖃᕐᓗᓂ ᐊᐅᓛᖅᑎᓐᓂᐊᕐᓗᒋᑦ ᐊᒡᓃᑯᒃᑯᓐᓂᑦ ᐱᔭᐅᔪᓂᒃ ᖃᕆᑕᐅᔭᕋᓛᓂᒃ ᓄᓇᓕᖕᒥᐅᑕᐃᑦ ᑲᑉᐳᔾᔭᓅᖅᑐᓂᒃ ᐱᓂᐊᕐᓗᑎᒃ; ᐃᓕᓐᓂᐊᕐᓂᕐᒧᑦ ᐱᕕᖃᕐᓗᑎᒃ; ᐃᑲᔪᕐᓗᑎᒃ ᑲᑉᐳᔾᔭᓅᖅᑐᓂᒃ ᐱᔾᔪᑕᐅᔪᓄᑦ; ᐊᒻᒪᓗ ᐊᐅᓚᔪᒃᑯᑦ ᑲᑎᒪᓂᕐᒧᑦ ᐋᖅᑭᒃᓯᓂᕐᒥᒃ ᐃᓄᖕᓄᑦ ᐃᓚᐅᖃᑕᐅᔪᒪᔪᓄᑦ ᐅᖓᓯᒡᓗᑎᒃ ᑐᑭᓯᐅᒪᔾᔪᑎᓄᑦ ᐅᖃᖃᑎᖃᕐᓂᕐᒧᑦ ᑲᑎᒪᓂᕐᓄᓪᓘᓐᓃᑦ ᐅᓗᕆᐊᓇᖅᑐᖃᙱᑦᑐᒃᑯᑦ ᐊᒻᒪᓗ ᐊᔪᙱᑦᑐᒃᑯᑦ.

ᐃᓚᖏᑦ ᓄᕙᒡᔪᐊᕐᓇᖅ-19-ᒧᑦ ᑭᒡᓕᖃᕈᑕᐅᔪᑦ ᐅᓗᕆᐊᓇᖅᑐᖃᙱᓐᓂᕐᒧᑦ ᒪᓕᒐᓄᑦ ᐊᒻᒪᓗ ᑭᒡᓕᖃᖅᑎᑦᑎᓂᕐᒧᑦ ᑲᑎᒪᓂᕐᒥᒃ ᐲᖅᑕᐅᕙᓪᓕᐊᓕᖅᑎᓪᓗᒋᑦ, ᐊᒡᓃᑯᒃᑯᑦ ᐱᓕᕆᖃᑎᖃᕐᓂᐊᖅᑐᑦ ᓄᓇᓕᖕᒥᑦ ᓄᓇᓕᖕᒥᐅᑕᐃᑦ ᐅᓗᕆᐊᓇᖅᑐᖃᙱᑦᑐᒃᑯᑦ ᑲᑎᒪᔪᓃᖃᑕᐅᑎᓪᓗᒋᑦᒃ ᐊᒥᓲᙱᓪᓗᑎᒃ ᐊᒻᒪᓗ ᐅᖓᓯᒡᓗᑎᒃ ᐊᐅᓚᔪᒃᑯᑦ ᑲᑎᒪᓂᕐᒧᑦ ᒥᑭᔪᓂᑦ ᐃᓂᐅᔪᓂᑦ.ᓄᓇᓕᖕᓄᑦ ᐱᖁᔭᐅᓪᓚᕆᒃᑐᖃᖅᑐᓄᑦ ᓱᓕ, ᐊᒻᒪᓗ ᐃᓄᖕᓄᑦ ᐅᓗᕆᐊᓇ3iᖃᕐᓂᐅᔪᒦᑦᑐᓄᑦ, ᐃᓚᐅᖃᑕᐅᓂᕐᒧᑦ ᐃᓱᒫᓘᑎᖃᖅᑐᑦ, ᐅᕝᕙᓘᓐᓃᑦ ᐃᓚᐅᖃᑕᐅᔪᒪᙱᒥᐊᖅᑐᓄᑦ ᒥᑭᓂᖅᓴᓂᑦ ᐃᓂᐅᔪᓂᑦ, ᐃᑲᔪᖅᑕᐅᔪᖕᓇᖅᓯᓂᐊᓕᖅᑐᑦ ᖃᕆᑕᐅᔭᒃᑯᑦ ᑲᒪᓂᕐᒧᑦ ᑐᕌᖓᔪᒥᑦ.

ᐊᒡᓃᑯᒃᑯᑦ ᓄᓇᓕᖕᒥᑦ ᑲᒪᔨᖏᑦ (CLO) ᓄᓇᓕᖕᒥᑦ ᑎᑎᕋᕐᕕᖏᓪᓘᓐᓃᑦ, ᐋᖅᑭᒃᓯᔪᖕᓇᕐᓂᐊᖅᑐᑦ ᖃᕆᑕᐅᔭᒃᑯᑦ ᑲᒪᓂᕐᒥᒃ ᐱᓕᕆᐊᖑᓂᐊᖅᑐᓂᒃ ᖃᕆᑕᐅᔭᕋᓛᒃᑯᑦ ᐊᖏᕐᕋᖓᓐᓄᑦ ᐋᖅᑭᒃᓯᓗᑎᒡᓗ ᖃᕆᑕᐅᔭᕋᓛᖅ ᑕᐅᑐᒍᖕᓇᕐᓂᐊᕐᒪᑕ ᑲᑎᒪᔪᓂᒃ.

ᒫᓐᓇᐅᔪᖅ ᒪᓂᒪᑎᓪᓗᒍ ᑲᖏᖅᖠᓂᕐᒥᑐᐃᓐᓇᖅ, ᐸᕐᓇᒃᐸᓪᓕᐊᓕᖅᑐᑦ ᐊᖏᒡᓕᒋᐊᕐᓂᐊᕐᓗᒍ ᐱᓕᕆᐊᖅ. ᓯᓚᑎᒋᑉᓗᑎᑦ ᐊᒻᒪᓗ ᐱᓕᕆᖃᑎᒋᑉᓗᑎᑦ ᓄᓇᕗᒻᒥ ᓄᓇᓕᖕᓄᑦ ᖃᓂᑕᖏᓐᓂᑦ ᐊᐅᓛᖅᑎᑦᑎᓂᑉᑕ ᑎᑭᐅᑎᑎᑦᑐᒪᔭᕗᑦ ᑐᑭᓯᐅᒪᔾᔪᑏᑦ ᐊᒻᒪᓗ ᑲᑉᐳᔾᔭᓅᖅᑐᓄᑦ ᐱᑕᖃᙱᑦᑐᑦ – ᐊᔾᔨᒌᓂᒃ ᐅᑉᓗᒥᒨᓕᖅᑐᖅᑕᐅᔪᓂᒃ ᐱᔪᖕᓇᕐᓂᐊᕐᓗᑎᒃ ᖃᓄᐃᓕᐅᕐᓂᕆᔭᑉᑕ ᒥᒃᓵᓄᑦ ᐊᔪᕐᓇᙱᓐᓂᖅᓴᐅᔪᒃᑯᑦ ᑲᑉᐳᔾᔭᓅᖅᑐᓄᑦ.