ᖃᑉᑎᕆᔨᐅᑉᓗᓐᓂ ᓱᓇᑕᖃᖏᑐᒻᒥ ᐅᑭᐅᖅᑕᖅᑐᒥᓗ ᐊᔪᕐᓇᖅᑑᕗᖅ. ᖃᑉᑎᕈᑎᖃᑦᑎᐊᖏᓪᓗᓐ ᐃᓕᓐᓂᐊᖅᓯᒪᑎᐊᖏᓗᓂᓗ ᐊᔪᕐᓇᒻᒪᕆᖕᒪᑦ ᑲᖏᖠᓂᐅᑉ ᖃᑉᑎᕆᔨᖏᓐᓄᑦ.

ᑖᒻᓇ ᐱᔪᑎᒋᑉᓗᒍ ᐋᒡᓃᑯᒃᑯᑦ ᓄᓇᕗᒻᒥ ᑐᓂᓯᓚᐅᕐᒪᑕ $250,000 ᑕᓯᕐᔪᐊᕐᒥ ᐅᔭᕋᒃᑕᕆᐊᑦ ᒪᑐᐃᕐᒪᑕ 2019, ᐊᑐᕐᓂᐊᕐᓗᓐᓂ ᖃᖏᖠᓂᐅᑉ ᖃᑉᑎᕆᔨᖓᑕ ᓄᑖᖑᑉᓗᓂ ᖃᑉᑎᕆᓂᕐᒥᒃ ᐃᓕᓐᓂᐊᕐᕕᐅᓂᐊᕐᓗᓂ. ᒪᑐᐃᖅᓯᒪᓕᕐᒪᑦ ᑖᒻᓇ ᐃᓕᓐᓂᐊᕐᕕᒃ ᖃᑉᑎᕆᔨᑦ ᐃᓕᓂᐊᕈᖕᓇᓕᕐᓗᑎᒃ ᐃᑯᐊᓚᒃᑐᖃᕌᖓᑦ ᐊᒻᒪ ᐱᓕᕆᔪᑎᖏᓐᓂᒃ ᐊᔪᖏᓂᖅᓴᐅᓕᕐᓗᑎᒃ ᑐᐊᕕᕐᓇᖅᑐᓐᓂ.

ᐃᓱᒪᑕᖓᑦ ᒪᐊᒃ ᕙᐃᔭᑦ ᐅᑭᐅᓐᓂᒃ 5−ᓂᒃ ᑭᓇᐅᔭᓂᒃ ᐱᕈᖅᑎᑦᓯᓂᓗᓚᐅᕐᒪᑦ ᐃᓕᓂᐊᕐᕕᒃᓴᒻᒧᑦ ᓄᓇᓕᖕᒥ ᖃᑉᑎᕆᔨᑦ ᐃᓕᓂᐊᖅᑎᑕᐅᔪᖕᓇᕐᓗᑎᒃ ᒪᓕᒐᕐᓂᒡᓗ ᓯᓚᕐᔪᐊᕐᒥ ᑐᑭᓯᐊᔪᖕᓇᓕᕐᓗᑎᒃ ᖃᑉᑎᕆᓂᕐᒧᑦ.

“ᑖᒻᓇ ᐱᓕᕆᐊᖅ ᐱᓕᕆᖃᑎᒋᑉᓗᒋᑦ ᐋᒡᓃᒍ ᐄᒍᒃᑯᑦ ᐋᕿᐅᒪᓕᕐᒪᑦ ᐃᓕᖁᓯᖓᑦ ᐃᓕᓂᐊᖅᑎᑕᐅᓂᖓᓪᓗ ᑲᖏᖠᓂᕐᒥ ᖃᑉᑎᕆᔨᑦ ᐊᒻᒪ ᓄᓇᕘᓗᒃᑖᖕᒥ, ᐃᑭᑦᑐᖃᓪᓗᐊᕕᒃᑎᓪᓗᒍ ᐊᑕᐅᓯᐅᖏᑦᑐᒥᒃ ᐱᓕᕆᐊᖃᕈᖕᓇᕐᓂᕐᒥᒃ. ᐊᔪᖏᑎᑦᓯᓂᐊᓕᕐᒪᑦ ᐅᕙᑉᑎᖕᓂᒃ ᐱᓕᕆᐊᖃᕐᓗᑕ ᐃᓕᓐᓂᐊᖅᑎᑦᓯᓗᑕᓗ ᐋᒡᓃᑯᒃᑯᑦ ᑐᐊᕕᕐᓇᖅᑐᓐᓂᒃ ᐱᓕᕆᐊᖃᖅᐸᒃᑐᑦ ᓯᕗᓂᕐᒥ. ᖃᐅᔨᒪᒻᒪᕆᒃᐳᒍᑦ ᖃᑉᑎᕆᓂᕐᒥᒃ ᐃᑯᐊᓛᓪᓗᐊᕕᒃᑐᓐᓂᒃ ᐱᓕᕆᖃᑎᖃᕈᖕᓇᕐᓗᑕᓗ ᐊᒡᓃᑯ ᐱᓕᕆᔨᖏᓐᓂᒃ ᖃᑉᑎᕆᓂᕐᒥᒃ ᐃᑯᐊᓛᖅᑐᓐᓂᒃ. ᐊᒡᓃᑯᒃᑯᑦ ᖃᐅᔨᒪᑎᐊᕐᒪᑕ ᐃᓂᑭᑦᑐᓂ ᐱᓕᕆᔪᖕᓇᕐᓂᕐᒥᒃ ᒪᑭᑕᑎᐊᖏᑐᓂᒡᓗ ᐃᓂᒋᔭᐅᔪᓂᒃ ᐊᔪᕈᖕᓇᐃᕈᒪᔭᖅᐳᑦ. ᐃᓕᓐᓂᐊᕐᓂᕐᒥ, ᐱᕕᒃᓴᖅᑕᖃᕐᒪᑦ ᐱᓕᕆᖃᑎᒌᖕᓂᕐᒥᒃ ᐊᓯᑉᑎᖕᓂᒃ ᐱᐅᓂᖅᓴᐅᓕᕈᒪᑉᓗᑕ.”

ᑭᕙᓪᓕᕐᒥ ᖃᑉᑎᕆᔩᑦ ᐃᓕᓐᓂᐊᕐᕕᖓᑦ ᑲᖏᖠᓂᕐᒦᒻᒪᑦ, ᐃᓂᒋᔭᖓ ᓂᐱᓴ ᑕᓯᖓᐅᑉ ᓴᓂᖅᐸᓯᐊᓂ. ᐱᖓᓱᓐᓂᒃ ᓇᑎᖃᖅᑐᖅ ᓴᓇᔭᐅᓯᒪᑉᓗᓂ ᓴᕕᖕᓂᒃ ᓯᕐᓗᐊᕐᓂᒃ. ᐱᔫᓪᓗᐊᖅᑎᑦᓯᓂᐊᕐᒪᑦ ᖃᑉᑎᕆᔨᓐᓂᒃ ᐃᑯᐊᓛᖅᑐᓐᓂᒃ ᖃᒥᑦᓯᔪᖕᓇᕐᓂᕐᒥᒃ ᐊᒥᓲᓂᖃᖅᑐᓐᓂᒃ 18 ᖃᑉᑎᕆᔩᑦ ᐃᓚᐅᑉᓗᑎᒃ:

  • ᐃᑯᐊᓛᓪᓗᐊᕕᒃᑐᓂᒃ ᖃᒥᑦᓯᓂᓗᖕᓂᖅ
  • ᐊᖕᒪᖅᑎᕆᓂᖅ ᐃᑭᓗᐊᒃᑕᐃᓕᔪᑎᒃᓴᖏᓐᓂᒃ
  • ᓯᕿᖅᑕᕈᑎ ᖃᑉᑎᕆᔪᔾᑎᑦ ᐊᒻᒪ ᓄᖃᕆᐊᖃᕐᓂᖓᑦ ᐃᒪᐅᑉ ᑯᕕᓂᖓᑕ
  • ᕿᓂᖅᑎᑦ ᐸᖅᓴᐃᔨᑦ, ᑐᐊᕕᖅᑐᒥᒃ ᐱᓕᕆᐊᖃᖅᐸᒃᑐᑦ ᐃᓕᓂᐊᖅᑎᑕᐅᓂᖓᑦ (RIT), ᐊᑕᐅᓯᐅᖏᑦᑐᒥᒃ ᖃᒥᑦᓯᓂᓗᖕᓂᕐᒥᒃ
  • ᐃᓂᑭᑦᑐᒥᒃ ᐃᓂᖃᕐᓗᓐᓂ ᐃᓕᓐᓂᐊᖅᑎᑕᐅᓗᓐᓂ, ᐊᑕᐅᓯᐅᖏᑐᒻᒥᒃ ᓇᑎᖃᖅᑐᑦ ᐃᒡᓗᕐᔪᐃᑦ, ᓴᓂᒧᑦ ᐅᕕᖓᔪᑦ, ᑐᐊᕕᕐᓗᓂ ᐃᑎᕆᐊᖃᕐᓂᖅ, ᐃᒡᓗᕐᔪᐊᑉ ᖄᖓᓂ ᐱᓕᕆᓗᓂ ᐃᓕᓐᓂᐊᖅᑎᑕᐅᓂᖅ, ᐊᓯᖏᓪᓗ ᐊᒥᓱᑦ.

ᐃᓱᒪᑕᖅ ᐅᖃᓚᐅᕐᒪᑦ, “ᐋᒡᓂᑯᒃᑯᑦ ᐃᑲᔪᕈᒪᓕᕐᒪᑕ ᑐᓂᓯᓗᑎᒃ, ᐃᓱᒪᓕᐅᓕᓚᐅᖅᐳᒍᑦ ᐃᒡᓗᕐᔪᐊᑉ ᖃᓄᐃᓂᒃᓴᖓᓂᒃ ᑕᒡᕙᓂᓗ ᐅᑭᐅᕐᒥ ᓴᓇᔭᐅᑉᓗᓂ. ᐋᒡᓂᑯᒃᑯᑦ ᓯᓐᓇᒃᑑᒪᒋᓚᐅᖅᑕᑉᑎᓐᓂ ᐱᓪᓗᐊᕕᖑᖅᑎᑦᓯᓚᐅᕐᒪᑕ ᐊᖏᔪᒥᒡᓗ ᖁᔭᒋᒻᒪᕆᒃᐸᕗᑦ.”

ᑐᒡᓕᐊ ᒫᓐᓇ ᐃᓱᒪᓕᐅᖅᑕᐅᓕᕐᒪ, ᐃᓕᓐᓂᐊᕐᕕᒃᓴᐅᓂᐊᕐᓗᓂ ᑕᓪᓕᒪᐅᔪᑦ ᐅᑯᐊᖑᕗᑦ ᓄᓇᒃᑰᕈᑎ ᐃᑯᐊᓪᓚᒐᔭᖅᐸᑦ, ᐃᑯᐊᓪᓚᒍᓐᓇᖅᑐᑦ ᖃᐅᓯᖅᑐᑦ, ᐊᒃᑕᑯᓂ ᐃᑭᑦᑐᑦ ᐊᒻᒪᓗ ᐊᖏᔪᑦ ᐳᑉᓚᓖᑦ ᐅᖅᓱᐊᓘᓯᕝᕖᑦ ᐃᑯᐊᓚᔪᑦ.