ᓄᓇᕗᒻᒥᐅᑕᐃᑦ ᕿᑎᒃᑏᑦ ᓵᓚᒃᓴᖅᑐᖅ ᐅᐱᓐᓇᖅᑐᒻᒪᕆᖕᒥᑦ ᐊᔪᙱᓐᓂᖃᕐᓂᕐᒧᑦ ᐃᓕᑕᕆᔭᐅᔾᔪᑎ ᓴᙱᔪᒥᒃ ᐃᓅᔪᓂᒃ ᐱᓕᕆᔨᑖᕋᓱᖕᓂᖏᓐᓄᑦ.  ᐅᖃᓕᒫᒃᑲᓐᓂᕐᓗᑎᑦ ᓄᓇᓕᖕᓂᑦ ᖃᕆᑕᐅᔭᒃᑰᕈᑎᒃᑯᑦ.

ᐊᒡᓃᑯᒃᑯᑦ ᓄᓇᕗᒻᒥ ᐱᓕᕆᔨᖏᑦ ᓵᓚᒃᓴᖅᑐᑦ ᐅᐱᓐᓇᖅᑐᒻᒪᕆᖕᒥᑦ ᐊᔪᙱᓐᓂᖃᕐᓂᕐᒧᑦ ᐃᓕᑕᕆᔭᐅᔾᔪᑎ ᓴᙱᔪᒥᒃ ᐃᓅᔪᓂᒃ ᐱᓕᕆᔨᑖᕋᓱᖕᓂᖏᓐᓄᑦ.

ᐊᒡᓃᑯᒃᑯᑦ ᓄᓇᓕᖕᒥᑦ ᑲᒪᔨᖏᑦ, ᐃᓕᓐᓂᐊᖅᑎᑦᑎᔨᖏᑦ ᐊᒻᒪᓗ ᐃᓄᖕᓄᑦ ᐱᕙᓪᓕᐊᔨᖏᑦ ᓄᓇᕗᒻᒥ ᐃᓕᑕᕆᔭᐅᔪᑦ ᑲᓇᑕᒥᑦ ᕿᓂᖅᓴᐃᔩᑦ ᐊᒻᒪᓗ ᐱᕙᓪᓕᐊᔪᓕᕆᔨᒃᑯᑦ (PDAC) ᐅᐱᓐᓇᖅᑐᒻᒪᕆᖕᒥᑦ 2020 ᐊᔪᙱᓐᓂᖃᕐᓂᕐᒧᑦ PDAC-ᑯᑦ ᐊᕐᕌᒍᑕᒫᖅ ᑲᑎᒪᓂᖏᓐᓂᑦ, ᓇᑦᑎᐊᑦ 3, 2020-ᒥᑦ.

ᑐᓴᖅᑎᑦᑎᓂᕐᒥᑦ ᐊᔪᙱᓐᓂᖃᕐᓂᕐᒧᑦ ᐃᓕᑕᕆᔭᐅᔪᓂᑦ, PDAC-ᑯᑦ ᐅᖃᓚᐅᖅᑐᑦ “ᐊᒡᓃᑯᒃᑯᑦ ᐅᔭᕋᒃᑕᕆᐊᖏᑦ ᐆᒃᑑᑎᓕᐅᖅᑐᑦ ᑲᓇᑕᒥᑦ ᐅᔭᕋᒃᑕᕆᐊᓕᕆᔨᓄᑦ ᐊᐅᓛᖅᑎᑦᑎᓂᖓᓐᓂᒃ ᓄᓇᕗᒻᒥᑦ.  ᑲᒻᐸᓂᒃᑯᑦ ᓄᓇᓕᖕᒥᑦ ᑲᒪᔨᖏᑦ, ᐃᓕᓐᓂᐊᖅᑎᑦᑎᔨᖏᑦ ᐊᒻᒪᓗ ᐃᓄᖕᓄᑦ ᐱᕙᓪᓕᐊᔨᖏᑦ ᐊᑐᓚᐅᖅᑐᑦ ᐊᖏᔪᒥᒃ ᐱᓕᕆᑉᓗᑎᒃ ᐊᒻᒪᓗ ᐱᕝᕕᐅᔪᓂᒃ ᐋᖅᑭᒃᓯᓂᐊᖅᖢᑎᒃ ᐃᓅᔪᓂᒃ ᐱᓕᕆᔨᖃᕐᓂᕐᒧᑦ ᐊᒻᒪᓗ ᐃᑲᔪᖅᓗᑎᒃ ᓄᓇᓕᖕᓂᑦ.”

PDAC-ᑯᑦ ᐃᓕᑕᖅᓯᓚᐅᖅᑐᑦ ᐱᓕᕆᔩᑦ ᐱᓇᓱᖕᓂᕆᔭᖏᓐᓂᑦ ᐃᑲᔪᕐᓗᑎᒃ ᑭᕙᓪᓕᕐᒥᑦ ᓄᓇᕗᒻᒥᑦ ᐊᔪᕈᖕᓃᖅᓴᐃᓂᒃᑯᑦ, ᐃᓕᓐᓂᐊᖅᑎᑦᑎᓂᒃᑯᑦ ᐊᒻᒪᓗ ᓄᓇᓕᖕᒥᑦ ᐱᓕᕆᐊᓄᑦ ᐃᑲᔪᐃᔪᓂᒃ ᑭᑐᓗᒃᑖᓂᒃ, ᐅᖃᖅᖢᑎᒃ:

  • ᑕᐃᒪᙵᓂᑦ 2010-ᒥᑦ, 60,000 ᐃᑲᕐᕋᓂᑦ ᐊᔪᕈᖕᓃᖅᓴᐃᓂᖃᖅᑐᑦ ᓄᓇᕗᒻᒥᑦ ᐃᓅᔪᓄᑦ ᐱᓕᕆᔨᓄᑦ, ᐃᓚᐅᑉᓗᑎᒃ ᐱᓕᕆᓂᕐᒧᑦ ᒪᓂᒪᓂᕐᒧᑦ ᑐᕌᖓᔪᑦ, ᐊᐅᔭᒃᑯᑦ ᐱᓕᕆᑎᑕᐅᓂᖏᑦ ᐃᓕᓐᓂᐊᖅᑏᑦ, ᐊᒻᒪᓗ ᐊᑕᐅᓯᕐᒧᑦ ᐱᓕᕆᐊᖃᕐᓂᕐᒧᑦ ᐱᕙᓪᓕᐊᓂᕐᒥᒃ.
  • ᐱᓕᕆᔨᐅᔪᑦ ᐅᖃᓕᒫᑦᑎᐊᕐᓂᖅ ᐊᔪᖅᑐᑦ, ᓈᓴᐅᓯᕆᓂᕐᒥᒃ ᐅᕝᕙᓘᓐᓃᑦ ᐃᖕᒥᖕᓂᒃ ᓇᓗᑉᖁᑎᔪᑦ ᐃᓱᒪᑕᐅᓃᑦ ᐃᓂᖏᓐᓄᑦ ᐃᑲᔪᖅᑕᐅᖃᑦᑕᖅᑐᑦ ᐱᑕᖃᙱᓐᓂᐅᔪᓂᒃ ᐱᖃᓕᕐᓂᐊᕐᓗᑎᒃ ᐃᓐᓇᕐᓄᑦ ᐃᓕᓐᓂᐊᖅᑎᑦᑎᓂᒃᑯᑦ ᐅᔭᕋᒃᑕᕆᐊᕐᒥᑦ.
  • ᐊᒡᓃᑯᒃᑯᑦ ᐱᔭᒃᓴᐅᑎᓂᒃ ᓴᖅᑭᑦᑎᓚᐅᖅᑐᑦ ᐃᓕᓐᓂᐊᕐᕕᖕᓂᑦ ᐋᖅᑭᐅᒪᔪᑦ ᐃᓕᓐᓂᐊᖅᑎᓂᒃ ᐃᓕᓐᓂᐊᒃᑲᓐᓂᕈᒪᓕᖅᑎᑦᑎᓂᖃᕐᓂᐊᕐᓗᑎᒃ, ᐃᓚᐅᑉᓗᑎᒃ ᐱᓕᕆᐊᕐᒧᑦ ᐅᔾᔨᖅᑐᕐᓂᖅ ᐱᓇᓱᐊᕈᓯᖅ, ᐅᔭᕋᒃᑕᕆᐊᕐᒥᑦ ᑕᑯᔭᖅᑐᐃᓃᑦ, ᐊᒻᒪᓗ ᐱᓕᕆᐊᑦ ᒥᒃᓵᓄᑦ ᑐᑭᓯᐅᒪᔾᔪᑎᓕᕆᓃᑦ.
  • ᓄᓇᓕᖕᒥᑦ ᑲᒪᔨᑕᖃᐅᖅᑐᖅ ᒪᓂᒪᑉᓗᑎᒃ 7 ᑭᕙᓪᓕᕐᒥᑦ ᓄᓇᓕᖏᓐᓂᑦ ᑐᓂᓯᓗᑎᒃ ᐱᓕᕆᐊᒃᓴᐃᑦ ᒥᒃᓵᓄᑦ ᑐᑭᓯᐅᒪᔾᔪᑎᓂᒃ, ᖃᐅᔨᓗᑎᒡᓗ ᖃᓄᖅ ᐃᑲᔪᕈᖕᓇᕐᒪᖔᑕ ᖃᑕᙳᑎᒌᓂᒃ ᐊᒻᒪᓗ ᐃᓚᐅᖃᑕᐅᓗᑎᒃ ᓄᓇᓕᖕᒥᑦ ᖃᓄᐃᓕᐅᕐᓂᐅᔪᓂᑦ.
  • ᐊᑐᒐᒃᓴᐅᓂᕐᒧᑦ ᐱᓕᕆᔨᒥᒃ ᑐᕌᖓᔪᖅ ᐃᓕᑕᖅᓯᖃᑦᑕᖅᑐᖅ ᐊᔪᙱᑦᑎᐊᖅᑐᓂᒃ ᐃᓅᔪᓂᒃ ᐱᓕᕆᔨᓂᒃ ᐱᔪᒪᓕᖅᑎᑦᑎᓂᖃᕈᖕᓇᖅᖢᑎᒃ ᑎᑭᐅᑎᓂᕐᒧᑦ ᓇᖕᒥᓂᖅ ᐊᒻᒪᓗ ᐱᓕᕆᐊᕐᒥᑦ ᐱᐊᓂᑦᑎᐊᕈᖕᓇᕐᓂᕐᒧᑦ.
  • ᑲᑎᒪᔪᑦ ᑐᓂᕐᕈᑕᐅᔪᑦ ᑮᓇᐅᔭᐃᑦ ᐊᕐᕌᒍᑕᒫᒃᑯᑦ ᐃᑲᔪᐃᖃᑦᑕᖅᑐᖅ ᓄᓇᓕᖕᒥᑦ ᐱᓕᕆᐊᕐᓄᑦ ᓲᕐᓗ ᐊᐅᔭᒃᑯᑦ ᖃᓄᐃᓕᐅᖅᑎᑕᐅᓂᖏᑦ ᓄᑕᖅᑲᐃᑦ, ᐲᖅᓯᓂᖅ ᐊᒻᒪᓗ ᐊᒡᔭᖅᑐᐃᓂᖅ ᐅᓗᕆᐊᓇᖅᑐᓕᖕᓂᒃ ᐃᓗᑦᑐᖅᓯᒪᔪᓂᙶᑑᓂᑦ, ᐊᒻᒪᓗ ᐋᖅᑭᒃᓱᖅᑕᐅᓂᖏᑦ ᐊᓇᐅᓕᒑᕐᕖᑦ.
  • ᐊᒡᓃᑯᒃᑯᑦ ᑮᓇᐅᔭᖃᖅᑎᑦᑎᖃᑦᑕᖅᑐᑦ ᓄᓇᕗᒻᒦᑦᑐᓂᒃ ᑲᑐᔾᔨᖃᑎᒌᑦ ᐅᖃᓕᒫᕆᐅᖅᓴᑎᑦᑎᔪᑦ ᐊᒻᒪᓗ ᐊᔪᙱᓐᓂᖅᑖᕐᓂᕐᒧᑦ ᐊᔪᕈᖕᓃᖅᓴᐃᖃᑦᑕᖅᑐᓂᒃ.   ᐆᒃᑑᑎᒋᓗᒍ, ᐅᔭᕋᒃᑕᕆᐊᕐᒧᑦ ᐊᔪᕈᖕᓃᖅᓴᐃᔨᒃᑯᑦ ᑭᕙᓪᓕᓗᒃᑖᕐᒧᑦ ᐃᑲᔪᖃᑦᑕᖅᑐᑦ ᐊᔪᙱᓐᓂᖃᙱᓐᓂᐅᔪᓂᒃ ᓄᓇᕗᒻᒥᑦ ᑐᓂᓯᑉᓗᑎᒃ ᐃᓅᔪᓂᒃ ᖃᐅᔨᒪᓂᖃᕐᓂᕐᒥᒃ ᐃᑲᔪᐃᓂᖃᑦᑎᐊᕐᓂᐊᖅᑐᓂᒃ ᓲᕐᓗ ᐃᓕᓐᓂᐊᕐᓗᑎᒃ ᐱᓕᕆᐊᖅᑖᕐᓂᐊᕐᓗᑎᒃ ᐊᒻᒪᓗ ᐃᒐᓂᕐᒧᑦ ᓇᓗᓇᐃᒃᑯᑕᖅᑖᕐᓗᑎᒃ ᐊᒻᒪᓗ ᐊᖁᒃᑎᐅᓂᕐᒧᑦ ᓚᐃᓴᓐᓯᓂᒃ.

ᔭᐃᓴᓐ ᐊᓕᐅ, ᐊᖓᔪᖅᑳᖅ ᓄᓇᕗᒻᒥᑦ ᑐᓂᐅᑎᖃᑦᑕᓂᕐᒧᑦ ᐱᔨᑦᑎᕋᐃᔨᒃᑯᓐᓄᑦ ᐅᖃᓪᓚᓚᐅᖅᑐᖅ ᐃᓕᑕᕆᑉᓗᒋᑦ ᖃᓄᐃᓕᓂᖏᑦ ᓄᓇᓕᖕᒥᐅᑕᐃᑦ ᐊᒻᒪᓗ ᐱᓕᕆᔨᐅᔫᑉ ᐱᔪᒪᓂᖓ ᐊᒥᓱᓄᑦ ᐅᑭᐅᓄᑦ.

“ᖁᔭᓐᓇᒦᕈᒪᔭᒃᑲ ᑭᕙᓪᓕᕐᒥᑦ ᓄᓇᓖᑦ ᑕᑎᖃᕈᖕᓇᕐᓂᖏᓐᓄᑦ, ᐱᓕᕆᔩᑦ ᐅᓐᓅᔪᖅ ᑕᒫᓃᑦᑐᓄᑦ, ᐊᒻᒪᓗ ᐱᓕᕆᔨᐅᔪᑦ, ᖃᐅᑕᐅᒫᒃᑯᑦ, ᐃᑲᔪᐃᓂᖃᐃᓐᓇᖅᑐᑦ ᐃᖕᒥᓂᒃ ᐊᔾᔨᐅᖏᓐᓂᖓᑦᑎᒍᑦ ᐊᒡᓃᑯᒃᑯᑦ ᖃᐅᔨᒪᔭᐅᓂᕆᔭᖏᓐᓄᑦ.  ᐱᔾᔪᑎᖃᖅᑐᖅ ᐃᓄᖕᓂᒃ, ᐊᒻᒪᓗ ᐊᔪᕋᔭᓚᐅᖅᑐᒍᑦ ᑖᑉᑯᐊᖑᓚᐅᖏᑉᐸᑕ.”

ᖁᕕᐊᒋᕙᕗᑦ ᑭᑐᓗᒃᑖᑦ ᓄᓇᓕᖕᒥᑦ ᑲᒪᔨᐅᔪᑦ, ᐃᓕᓐᓂᐊᖅᑎᑦᑎᔩᑦ ᐊᒻᒪᓗ ᐃᓄᖕᓄᑦ ᐱᕙᓪᓕᐊᔨᒃᑯᑦ ᓄᓇᕗᒻᒥᑦ ᑕᒪᐅᖓ ᑎᑭᐅᑎᓂᕐᒥᒃ ᐊᔪᙱᑎᑦᑎᔪᑦ!

PDAC-ᑯᑦ ᐊᔪᙱᓐᓂᖃᕐᓂᕐᒧᑦ ᐃᓕᑕᖅᓯᓂᖓᑦ ᐊᕐᕌᒍᑕᒫᖅ ᐅᐱᒍᓱᖃᑦᑕᖅᑐᖅ ᐊᑕᐅᓯᕐᒥᒃ ᐅᕝᕙᓘᓐᓃᑦ ᑲᑐᔾᔨᖃᑎᒌᓂᑦ ᑕᑯᒃᓴᐅᑎᑦᑎᔪᓂᒃ ᐱᑦᑕᐅᔪᒥᒃ ᐱᓕᕆᐊᒃᓴᒥᒃ, ᓯᕗᓕᐅᖅᑎᐅᓂᕐᒥᒃ, ᐊᒻᒪᓗ ᐱᐊᓂᒃᑕᐅᓂᐅᔪᓂᒃ ᒥᐊᓂᖅᓯᓂᕐᒧᑦ ᐊᒻᒪᓗ ᐊᓯᐅᔨᑦᑕᐃᓕᕐᓂᒧᑦ ᓄᓇᒥᑦ ᕿᓂᖅᓴᐃᓂᖃᖅᑎᓪᓗᒋᑦ, ᐱᕙᓪᓕᐊᓂᖃᖅᑎᓪᓗᒋᑦ ᐅᕝᕙᓘᓐᓃᑦ ᐊᐅᓛᖅᑎᑦᑎᓂᖃᖅᑎᓪᓗᒋᑦ ᐅᔭᕋᒃᑕᕆᐊᕐᒥᑦ.  ᐃᓕᑕᖅᓯᖕᒥᔪᑦ ᐱᓇᓱᖕᓂᐅᔪᓂᒃ ᐊᒻᒪᓗ ᐱᓕᕆᐊᕆᓗᒋᑦ ᐱᐅᔪᒥᒃ ᐱᓕᕆᖃᑎᒌᖕᓂᖏᑦ ᓄᓇᓕᖕᒥᐅᑕᐃᑦ.  ᓇᓗᓇᐃᔭᖅᓯᒪᒃᑲᓐᓂᖅᑐᓂᒃ ᐱᔪᒪᒍᕕᑦ, ᑕᑯᒋᐊᕐᓗᒍ PDAC-ᑯᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᕐᕕᖓᑦ ᐅᕙᓂ.