ᐊᒡᓃᑯᒃᑯᓐᓂᑦ, ᐱᓂᐊᕐᓂᕆᔭᐅᔪᖅ ᓄᓇᓕᖕᒥᑦ ᐱᕙᓪᓕᐊᑎᑦᑎᓂᖅ ᐊᖏᒡᓕᒋᐊᖅᑕᐅᔪᖅ ᓇᖕᒥᓂᖃᖅᑐᓂᒃ ᐃᑲᔫᑏᑦ-ᑎᒍᑦ ᓇᖕᒥᓂᖅ ᐱᓕᕆᐊᓕᖕᓂᑦ ᐅᖃᓪᓚᐅᔾᔨᓂᕐᒧᑦ ᑐᕌᖓᔪᒥᑦ ᓄᓇᕗᒻᒥᑦ. ᓴᖅᕿᑕᐅᓚᐅᖅᑐᖅ 2023-ᒥᑦ, ᑐᕌᖓᔪᖅ ᐋᖅᕿᒃᓯᒪᔪᖅ ᑲᒪᒋᓂᐊᕐᓗᒋᑦ ᐊᒻᒪᓗ ᐃᑲᔪᕐᓗᒋᑦ ᓇᖕᒥᓂᖅ ᐱᓕᕆᐊᖃᖅᑐᑦ, ᐃᑲᔪᕐᓗᒋᑦ ᐱᓕᕆᐊᖃᕈᒪᓂᖓᑦ ᓱᓕᔪᙳᖅᑎᓪᓗᒍ.

ᑕᐅᑐᒐᖃᕐᓂᖅ ᐱᕈᖅᐸᓪᓕᐊᓂᕐᒧᑦ

ᓇᖕᒥᓂᖃᖅᑐᓂᒃ ᐃᑲᔫᑏᑦ ᑐᕌᖓᔪᖅ ᓴᖅᕿᑕᐅᓚᐅᖅᑐᖅ ᑕᐅᑐᒐᖃᖅᖢᑎᒃ: ᐅᖃᓪᓚᐅᔾᔨᓂᕐᒧᑦ ᐊᒻᒪᓗ ᐃᑲᔪᕐᓗᒋᑦ ᑕᒪᐃᓐᓂᑦ ᐱᖄᓂᒃᑐᓂᑦ ᐃᓄᐃᑦ ᓇᖕᒥᓂᖅ ᐱᓕᕆᐊᓕᖕᓂᑦ ᐊᒻᒪᓗ ᐱᒋᐊᖅᐸᓪᓕᐊᔪᑦ ᓇᖕᒥᓂᖅ ᐱᓕᕆᐊᖃᕐᓂᕐᒧᑦ. ᑐᕌᒐᕆᔭᕗᑦ ᓴᙱᒃᑎᒋᐊᕐᓗᒋᑦ ᐊᒻᒪᓗ ᐃᑲᔪᕐᓗᒋᑦ ᐱᕙᓪᓕᐊᓂᕐᒧᑦ ᐅᕝᕙᓘᓐᓃᑦ ᐊᖏᒡᓕᒋᐊᕐᓂᐊᕐᓗᒋᑦ ᐱᓕᕆᐊᖏᑦ ᐱᔪᖕᓇᖅᑎᓪᓗᒋᑦ ᐊᑐᖅᓯᒪᓂᑰᔪᓂᒃ ᐅᖃᓪᓚᐅᔾᔨᔨᓂᒃ ᐅᑭᐅᖅᑕᖅᑐᒥᑦ. ᐅᖃᓪᓚᐅᔾᔨᔩᑦ ᐱᓕᕆᖃᑦᑕᖅᑐᑦ ᐱᔭᐅᔭᕆᐊᓕᖕᓄᑦ ᖃᓄᐃᓕᐅᕆᐊᖃᕐᓂᕐᒥᒃ ᓇᖕᒥᓂᖅ ᐱᓕᕆᐊᖃᕐᓂᕐᒧᑦ ᐸᕐᓇᐃᓂᕐᒥᒃ, ᑮᓇᐅᔭᖃᖅᑎᑕᐅᓂᕐᒧᑦ, ᓈᓴᐅᓯᕆᓂᕐᒧᑦ, ᐱᓕᕆᔨᑖᖅᑐᕐᓂᕐᒧᑦ, ᐊᓯᖏᓐᓂᓪᓗ. ᐱᓕᕆᐊᕆᑉᓗᒋᑦ ᐱᒻᒪᕆᐅᔪᑦ ᐃᓚᒋᔭᐅᔪᑦ, ᐊᒡᓃᑯᒃᑯᑦ ᑐᕌᒐᖃᖅᑐᑦ ᓴᙱᒃᑎᒋᐊᖅᑎᓐᓂᐊᕐᓗᒋᑦ ᓄᓇᓕᖕᒥᑦ ᓇᖕᒥᓂᖅ ᐱᓕᕆᐊᖃᖅᑐᑦ ᐊᒻᒪᓗ ᓯᕗᓂᒃᓴᒥᑦ ᓇᖕᒥᓂᖅ ᐱᓕᕆᐊᖃᖅᑖᕈᒪᔪᑦ ᓄᑖᓂᒃ ᐱᕕᖃᕐᓂᐅᔪᓂᒃ ᐱᓂᐊᕐᓗᑎᒃ.

ᐅᑭᐅᕐᒥᑦ ᐱᐊᓂᑦᑎᐊᖅᓯᒪᓂᖅ

2023-ᒥᑦ, ᐊᒡᓃᑯᒃᑯᑦ ᑐᙵᓱᒃᑎᑦᑎᓚᐅᖅᑐᑦ ᓯᕗᓪᓕᖅᐹᒥᑦ ᑲᑎᒪᔪᓂᒃ ᑕᓪᓕᒪᓂᒃ ᐃᑲᔪᖅᑕᐅᓂᐊᖅᑐᓂᒃ, ᐃᓚᐅᑉᓗᑎᒃ ᒪᕐᕉᒃ ᐱᔪᒥᓇᖅᑑᒃ ᐊᕐᓈᒃ. 2024-ᒥᑦ, ᑐᕌᖓᔪᖅ ᐊᖏᒡᓕᒋᐊᓚᐅᖅᑐᖅ ᐃᓚᐅᑎᑦᑎᓂᐊᕐᓗᓂ ᑕᓪᓕᒪᓂᑦ ᓄᑖᑦ ᐅᖃᓪᓚᐅᔾᔨᔨᐅᓗᑎᒃ ᐃᑲᔪᖅᑕᐅᓂᐊᖅᑐᓂᒃ, ᓯᑕᒪᐃᑦ ᐊᕐᓇᐅᑉᓗᑎᒃ. ᐱᕈᖅᑐᒥᑦ ᑕᑯᒃᓴᐅᔪᑦ ᐊᒡᓃᑯᒃᑯᑦ ᐱᓂᐊᕐᓂᕆᔭᖓᓐᓂᒃ ᐊᔾᔨᒌᖏᑦᑐᓂᑦ ᐊᒻᒪᓗ ᐃᓚᐅᑎᑦᑎᓂᕐᒥᒃ. ᓯᕗᓪᓕᖅᐸᐅᔪᓂᑦ ᖁᓕᓂᑦ ᐃᓚᐅᔪᓂᑦ, ᐃᓄᖕᓂᑦ ᖃᒪᓂᑦᑐᐊᕐᒥᙶᖅᑐᓂᒃ, ᑲᖏᖅᖠᓂᕐᒥᑦ, ᐊᕐᕕᐊᓂᑦ ᐊᒻᒪᓗ ᓴᓕᕐᒥᙶᖅᑐᓂᒃ ᐱᖃᖅᑐᒍᑦ. ᒪᕐᕈᑐᐃᓐᓈᒃ ᐅᑭᐅᑦ ᐱᐊᓂᒃᑎᓪᓗᒋᑦ, ᐃᓚᐅᓕᖅᑎᑦᑎᔪᖕᓇᖅᑐᒍᑦ ᐊᒻᒪᓗ ᐃᑲᔪᕐᓗᒋᑦ ᓇᖕᒥᓂᖅ ᐱᓕᕆᐊᖃᖅᑐᑦ ᓯᑕᒪᓂᑦ 7-ᖑᔪᓄᑦ ᑭᕙᓪᓕᕐᒥᑦ ᓄᓇᓕᖕᓂᑦ.

ᐃᓚᒋᔭᐅᔪᑦ ᐊᔪᙱᓐᓂᖃᖅᑐᓂᒃ ᐅᖃᓪᓚᐅᔾᔨᔭᐅᔪᓂᑦ, ᐱᖃᖅᑐᒍᑦ ᐊᕐᓇᓂᒃ ᐱᕙᓪᓕᐊᓂᖃᖅᑐᓂᒃ ᐊᒻᒪᓗ ᓇᖕᒥᓂᖅ ᐱᓕᕆᐊᖃᓂᕐᒧᑦ ᐱᓕᕆᐊᒃᓴᐅᔪᓂᒃ. ᐱᓕᕆᐊᖑᔪᓂᑦ ᐃᓚᐅᔪᑦ ᓴᖅᕿᑦᑎᓗᑎᒃ ᐱᓕᕆᕝᕕᖕᒧᑦ ᐱᒋᔭᐅᔪᓂᒃ, ᖃᐅᔨᓗᑎᒃ ᓇᖕᒥᓂᖅ ᐱᓕᕆᐊᖃᖅᑐᑦ ᐃᑲᔪᖅᑕᐅᓂᐊᕐᓗᑎᒃ ᐃᓱᒪᒃᑯᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐱᔨᑦᑎᕋᐃᔨᓄᑦ, ᑮᓇᐅᔭᖃᖅᑎᑕᐅᓗᑎᒃ, ᐊᖏᒡᓕᒋᐊᕐᓗᒍ ᓇᖕᒥᓂᖅ ᐱᓕᕆᐊᖃᕐᕕᒋᔭᖓ, ᕿᒥᕐᕈᓗᑎᒃ ᓄᑖᓂᒃ ᓇᖕᒥᓂᖅ ᐱᓕᕆᐊᖃᕐᓂᕐᒧᑦ ᐱᕕᖃᕐᓂᐅᔪᓂᒃ ᓄᓇᓕᒋᔭᖏᓐᓂᑦ, ᐊᒻᒪᓗ ᑲᔪᓯᑎᓪᓗᒋᑦ ᖃᑕᙳᑎᖓᓂᑦ ᓇᖕᒥᓂᖅ ᐱᓕᕆᐊᕆᔭᐅᓚᐅᖅᑐᓂᑦ.

ᖃᐅᔨᓴᖃᑦᑕᕐᓂᐊᖅᐳᑎᑦ ᐅᑉᓗᒥᒨᓕᖅᑐᕐᓂᐊᖅᑕᑉᑎᖕᓂᑦ ᐅᑭᐊᒃᓵᒃᑲᓐᓂᐅᓂᐊᖅᑐᒥᑦ, ᐅᖃᓕᒫᒃᑲᓐᓂᕆᑦ ᐃᓄᖕᒨᖓᔪᓂᒃ ᐱᐊᓂᑦᑎᐊᖅᓯᒪᓂᕐᒧᑦ ᐅᓂᑉᑳᓂᒃ ᓇᖕᒥᓂᖃᖅᑐᓂᒃ ᐃᑲᔫᑏᑦ ᐅᖃᓪᓚᐅᔾᔨᓂᕐᒧᑦ ᑐᕌᖓᔪᒃᑯᑦ.

ᐱᓕᕆᐊᓄᑦ ᐱᓕᕆᖃᑎᒋᔭᐅᔪᑦ Catalyste+

ᑐᕌᖓᔪᕗᑦ ᐱᓕᕆᐊᖑᖃᑦᑕᖅᑐᖅ ᐱᓕᕆᖃᑎᒋᑉᓗᒋᑦ Catalyst+, ᐊᐅᓚᑦᑎᔨᐅᔪᑦ ᑲᑐᔾᔨᖃᑎᒌᑦ ᐱᓕᕆᓂᑯᖃᑦᑎᐊᖅᖢᑎᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᑦ. Catalyste+ ᐱᒻᒪᕆᐅᔪᖅ ᐱᐅᓯᒋᐊᖅᓯᖃᑦᑕᖅᑐᖅ ᐱᑖᖅᑐᕐᓂᕐᒧᑦ ᖃᓄᖅᑑᕈᑎᑉᑎᖕᓂᑦ ᐃᑲᔪᖅᖢᒋᑦ ᓄᓇᓕᖕᒥᑦ ᓇᖕᒥᓂᖅ ᐱᓕᕆᐊᖃᖅᑐᑦ, ᐊᒻᒪᓗ ᑐᕌᖅᖢᒋᑦ ᐃᓂᓕᐅᕆᓂᕐᒥᒃ ᐱᕙᓪᓕᐊᓂᖅ. ᐱᓕᕆᖃᑎᒌᖕᓂᖅ ᐅᖃᓪᓚᐅᔾᔨᖃᑦᑕᖅᑕᕗᑦ ᐱᓂᐊᕐᓗᑎᒃ ᐱᑦᑕᐅᓛᖑᒋᐊᖅᑐᓂᒃ ᖃᓄᐃᓕᐅᖅᑎᑕᐅᓂᕐᒥᒃ ᐊᒻᒪᓗ ᐱᕝᕕᐅᖃᑦᑕᖅᑐᓂᒃ ᐊᔪᙱᓐᓂᐊᕐᓗᑎᒃ ᓇᖕᒥᓂᖅ ᐱᓕᕆᐊᖃᕐᓂᖏᓐᓄᑦ.
ᐃᓗᐃᑦᑑᖓᔪᖅ ᐃᑲᔪᖅᑕᐅᓂᖏᑦ ᓇᖕᒥᓂᖅ ᐱᓕᕆᐊᓖᑦ

ᐃᑲᔫᑏᑦ ᑐᕌᖓᔪᖅ ᑐᓂᓯᖃᑦᑕᖅᑐᖅ ᐱᓪᓗᕆᒃᑑᔪᒥᒃ ᐱᓕᕆᐊᕐᒧᑦ ᐋᖅᕿᐅᒪᔪᒥᒃ ᐃᑲᔪᕐᓂᐊᕐᓗᒋᑦ ᐋᖅᕿᒃᓱᖅᓯᒪᔪᖅ ᐊᔾᔨᒌᙱᑦᑑᑏᑦ ᐱᔭᐅᔭᕆᐊᓕᖕᓄᑦ ᓇᖕᒥᓂᖅ ᐱᓕᕆᐊᖃᖅᑐᓄᑦ:

ᐱᒻᒪᕆᐅᔪᒥᒃ ᓇᖕᒥᓂᖅ ᐱᓕᕆᐊᖃᕐᓂᕐᒧᑦ ᐊᔪᙱᓐᓂᐅᔪᓂᑦ ᐱᕙᓪᓕᐊᓂᖅ:

  1. ᑮᓇᐅᔭᓕᕆᓂᖅ: ᐃᓕᑦᑎᓗᑎᑦ ᐊᐅᓚᑦᑎᓂᕐᒥᒃ ᑮᓇᐅᔭᓂᒃ, ᑮᓇᐅᔭᖅᑑᑎᒥᑦ, ᐊᒻᒪᓗ ᑐᑭᓯᐊᓗᒋᑦ ᑮᓇᐅᔭᐃᑦ ᒥᒃᓵᓄᑦ ᑎᑎᖅᖃᐅᑏᑦ.
  2.  ᓇᖕᒥᓂᖅ ᐱᓕᕆᐊᖃᕐᓂᕐᒧᑦ ᐱᒻᒪᕆᐅᔪᑦ: ᐊᔪᙱᓐᓂᖅᑖᕐᓗᑎᑦ ᐱᒋᐊᕐᓂᕐᒧᑦ, ᐊᐅᓛᖅᑎᑦᑎᓂᕐᒧᑦ, ᐊᒻᒪᓗ ᐱᕈᖅᑎᓪᓗᒍ ᓇᖕᒥᓂᖅ ᐱᓕᕆᐊᑦ.
  3.  ᐃᓄᓕᕆᔨᒃᑯᑦ: ᐊᔪᕈᖕᓃᖅᓴᖅᑕᐅᑦᑎᐊᕐᓗᓂ ᐃᓄᓕᕆᔨᒃᑯᓐᓄᑦ ᐊᑐᖅᑕᐅᓲᓂᒃ, ᐱᓕᕆᔨᑖᖅᑐᕐᓂᕐᓂᑦ, ᐊᒻᒪᓗ ᐱᓕᕆᔨᒥᒃ ᐊᐅᓚᑦᑎᓂᕐᒧᑦ.
  4.  ᓴᖅᕿᔮᖅᑎᑦᑎᓂᖅ ᐊᒻᒪᓗ ᖃᐅᔨᒋᐊᕐᓂᖅ: ᐋᖅᕿᒃᓯᓗᑎᑦ ᖃᓄᖅᑑᕈᑎᓂᒃ ᐊᖏᒡᓕᒋᐊᕐᓂᐊᕐᓗᒍ ᐱᓕᕆᐊᑦ ᐊᒻᒪᓗ ᐱᐅᓯᒋᐊᕐᓗᒍ ᐱᓕᕆᐊᕆᔭᐃᑦ.

 

ᐅᔭᕋᒃᑕᕆᐊᓕᕆᔨᓄᐊᕐᓂᖅ:

  1. ᑐᑭᓯᐊᓗᒋᑦ ᐅᔭᕋᒃᑕᕆᐊᕐᒥᑦ ᐊᐅᓛᖅᑎᑦᑎᓃᑦ: ᑐᑭᓯᓗᑎᑦ ᕿᓂᖅᓴᐃᓂᕐᓄᑦ, ᐅᔭᕋᐃᔭᐃᓂᕐᓄᑦ, ᐊᒻᒪᓗ ᐅᑎᖅᑎᑎᕆᓂᕐᓄᑦ.
  2.  ᐱᑖᖅᑐᕐᓂᕐᒧᑦ ᐱᓕᕆᐊᖑᖃᑦᑕᖅᑐᑦ: ᐃᓕᑦᑎᓗᑎᑦ ᓇᒧᙵᐅᔭᕆᐊᖃᕐᓂᕐᒧᑦ ᑐᒃᓯᕋᐅᓯᐅᕆᓂᕐᒥᑦ (RFP) ᐊᒻᒪᓗ ᐱᒡᒎᓪᓗᑎᑦ ᐅᔭᕋᒃᑕᕆᐊᓕᕆᔪᓄᑦ ᑳᓐᑐᕌᒃᑖᐅᖃᑦᑕᖅᑐᓄᑦ.
  3.  ᐱᖅᖁᓯᕆᔭᐅᔪᒃ ᐊᒻᒪᓗ ᓇᖕᒥᓂᖅ ᐱᓕᕆᐊᖃᖅᑐᓕᕆᓂᖅ: ᐱᓕᐅᕆᓂᖃᖅᑐᓂᒃ ᐱᓕᕆᖃᑎᒌᖕᓂᓕᐅᕐᓗᑎᒃ ᐅᔭᕋᒃᑕᕆᐊᓄᑦ ᑲᒻᐸᓂᓂᑦ.

 

ᐅᖃᓪᓚᒡᕕᐅᓂᖅ ᐊᒻᒪᓗ ᐱᓕᕆᖃᑎᒋᔭᐅᔪᓂᒃ ᐊᖏᒡᓕᒋᐊᖅᓯᓂᖅ:

  1. ᐋᖅᕿᒃᓱᖅᓯᒪᔪᖅ ᓇᖕᒥᓂᖅ ᐱᓕᕆᐊᖃᕐᓂᕐᒧᑦ ᐅᖃᓪᓚᐅᔾᔨᓂᖅ: ᐱᓗᑎᑦ ᐃᓕᖕᓅᖓᔪᓂᒃ ᖃᓄᐃᓕᐅᕆᐊᖃᕐᓂᕐᒧᑦ ᓇᖕᒥᓂᖅ ᐱᓕᕆᐊᕐᒧᑦ ᐸᕐᓇᐅᑎᓄᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᓇᓚᐅᑦᑖᕆᓂᕐᓄᑦ.
  2.  ᐃᓂᓕᐅᕆᓂᖅ: ᓇᓗᙱᓐᓂᓕᐅᕐᓗᑎᑦ ᐊᒻᒪᓗ ᐃᖢᐃᓗᑕᓂᒃ ᐋᖅᕿᒃᓯᓂᕐᒧᑦ ᐊᔪᙱᓐᓂᕐᓂᑦ.
  3.  ᐱᓕᕆᖃᑎᒌᖕᓂᕐᒧᑦ ᐱᕕᖃᕐᓃᑦ: ᑲᑎᒃᑭᑦ ᐅᔭᕋᒃᑕᕆᐊᓕᕆᓂᕐᒧᑦ ᐊᔪᙱᓐᓂᖃᖅᑐᑦ ᐊᒻᒪᓗ ᐃᓚᒋᔭᐅᔪᑦ.

 

ᓯᕗᓂᒃᓴᒥᒃ ᑕᐅᑐᒃᖢᓂ
ᐃᑲᔪᖅᑕᐅᓂᖏᑦ ᓄᓇᓕᖕᒥᑦ ᓇᖕᒥᓂᖅ ᐱᓕᕆᐊᓂᒃ ᓇᖕᒥᓂᖃᖅᑐᓂᒃ ᐃᑲᔫᑎᑎᒍᑦ ᐅᖃᓪᓚᐅᔾᔨᓂᕐᒧᑦ ᑐᕌᖓᔪᒃᑯᑦ, ᐊᓕᐊᓇᐃᒍᓱᑦᑎᐊᖅᑐᒍᑦ ᕿᓂᕐᓂᐊᕋᑉᑕ ᑕᓪᓕᒪᒃᑲᓐᓂᕐᓂᒃ (5) ᐃᑲᔪᖅᑕᐅᔪᒪᔪᓂᒃ 2025-ᒥᑦ!

ᓇᖕᒥᓂᖅ ᐱᓕᕆᐊᖃᕐᓗᑎᑦ ᕿᓂᖅᖢᑎᑦ ᐱᕈᖅᐸᓪᓕᐊᔪᒪᓂᕐᒧᑦ ᐊᒻᒪᓗ ᐊᔪᙱᓪᓗᑎᑦ ᐅᑭᐅᖅᑕᖅᑐᒥᑦ, ᐱᕕᖃᖅᑎᑦᑎᓂᕐᒥᑦ ᐃᓚᐅᖃᑕᐅᒋᑦ. ᓄᑖᑦ ᐃᓂᐅᔪᑦ ᒪᓂᒪᓕᖅᑐᑦ—ᖃᐅᔨᒋᐊᕐᕕᒋᓗᑕ ᐅᕙᓂ strategic.procurement@agnicoeagle.com  ᐃᓕᑦᑎᒃᑲᓐᓂᕐᓂᐊᕐᓗᑎᑦ ᐊᒻᒪᓗ ᐃᓗᐊᓂᐊᕐᓗᑎᑦ ᑕᑕᑎᕆᓗᑎᑦ.