ᐊᔾᔨᒦᑦᑐᖅ: ᐸᕗᓕ ᑳᔭᒃ (ᓴᐅᒥᒃᖠᖅ) ᐊᒻᒪᓗ ᐋᓪᒪ ᐃᑦᑭᓕᒃ (ᑕᓕᖅᐱᒃᖠᖅ). ᐅᖃᐅᓯᐅᔪᑦᑕᐅᖅ ᑭᓯᐊᓂ ᐊᔾᔨᒦᙱᑦᑐᑦ ᑎᑐᕆᒃ ᒪᒻᖓᖅ, ᐅᐃᓕ ᑲᔾᔪᒃ, ᐄᐊᓐ ᔫᐃ ᐊᒪᕈᖅ, ᓗᕌᓐᑕ ᑲᔾᔪᒃ, ᓴᑉᕇᓇ ᓇᑯᓛᖅ, ᑮᑦ ᑦᓵᑐᕌᓐ, ᐊᓕᒃᓵᓐᑐ ᔨᓕᓇᔅ, ᐊᒻᒪᓗ ᔩᓅ ᐅᐃᓕᐊᑦ. 

ᐊᒡᓃᑯᒃᑯᑦ ᖁᕕᐊᓱᒃᑐᑦ ᑐᓴᖅᑎᑦᑎᔪᖕᓇᕐᒪᑕ ᐱᔪᒥᓇᑦᑎᐊᖅᑐᒥᒃ ᐱᓕᕆᐊᒃᓴᒥᑦ ᐊᐳᖅᑎᓐᓈᖅᑐᒥᑦ ᐅᔭᕋᒃᑕᕆᐊᑉᑎᖕᓂᑦ. Flex ᐊᖁᒃᑎᐅᓂᕐᒧᑦ ᑐᕌᖓᔪᖅ, ᐱᓕᕆᖃᑎᒌᖕᓂᐅᔪᖅ ᓄᓇᒥᑦ ᐅᒃᑯᐃᖓᔪᒥᑦ ᐊᒻᒪᓗ ᓄᓇᐅᑉ ᐃᓗᐊᓂᑦ ᐊᐅᓛᖅᑎᑦᑎᓂᕐᓂᑦ, ᓴᖅᕿᑎᑕᐅᓚᐅᖅᑐᖅ ᐃᓗᐃᑦᑑᖓᔪᒥᑦ ᐊᔪᕈᖕᓃᖅᓴᐃᓂᐊᕐᓗᑎᒃ ᐊᒻᒪᓗ ᐊᒥᓲᓂᖅᓴᐅᓗᒋᑦ ᐃᓄᐃᑦ ᐊᔪᙱᑦᑐᑦ ᓄᓇᐅᑉ ᐃᓗᐊᓂᑦ ᐊᐅᓛᖅᑎᑦᑎᓂᕐᓂᑦ.

Flex ᐊᖁᒃᑎᐅᓂᕐᒧᑦ ᑐᕌᖓᔪᖅ ᐱᐅᑦᑎᐊᖅᑑᓯᒪᔪᖅ, ᐱᒋᐊᖅᑎᑦᑎᑉᓗᓂ ᓄᓇᐅᑉ ᐃᓗᐊᓂᑦ ᐅᔭᕋᒃᑕᕆᐊᒥᑦ ᐊᐅᓛᖅᑎᑦᑎᓂᕐᓂᑦ ᐅᓗᕆᐊᓇᖅᑐᖃᙱᑎᑦᑎᓂᐊᕐᓗᓂ ᐊᒻᒪᓗ ᐱᐊᓚᔪᒃᑯᑦ ᐅᔭᕋᒃᑕᕐᓗᑎᒃ ᕿᑲᕐᓇᐃᑦ ᐅᑉᓗᖏᑦ ᐊᑐᖅᑎᓪᓗᒋᑦ. ᖁᕕᐊᓱᒃᑐᒍᑦ ᑐᓴᖅᑎᑦᑎᔪᖕᓇᕋᑉᑕ ᖁᓕᒃᑲᓐᓂᕐᓂᑦ ᓄᑖᓂᒃ ᐊᖁᒃᑎᓂᒃ Flex ᐊᖁᒃᑎᐅᓂᕐᒧᑦ ᑐᕌᖓᔪᒧᑦ. ᐃᓄᐃᑦ, ᐱᒋᐊᓚᐅᖅᑐᑦ ᓄᓇᒥᑦ ᐅᒃᑯᐃᖓᔪᒥᑦ, 1,000 ᐃᑲᕐᕋᐃᑦ ᐅᖓᑖᓄᑦ ᐊᔪᕈᖕᓃᖅᓴᖅᑕᐅᓯᒪᔪᑦ.

ᒫᓐᓇᓵᖑᓚᐅᖅᑐᖅ, ᐊᖁᒃᑏᑦ ᐊᐅᓛᖅᑎᑦᑎᒋᐊᓕᓚᐅᖅᑐᑦ ᓄᓇᐅᑉ ᐃᓗᐊᓂᑦ ᓄᓇᒃᑰᕈᑎᓂᒃ, ᑭᖑᓂᐊᒍᑦ ᑕᖅᕿᓗᒃᑖᖅ ᐱᖃᑎᒋᔭᐅᑉᓗᑎᒃ ᐊᖁᖅᑎᐅᖃᑦᑕᖅᓯᒪᔪᓂᑦ. ᐊᑕᐅᓯᑐᐃᓐᓇᕐᒥᑦ ᐱᓇᓱᐊᕈᓯᐅᑉ ᐃᓱᐊᓂᑦ, ᓅᑦᑎᐊᓂᓚᐅᖅᑐᑦ 2,500 ᑕᓐᓂ ᐅᖓᑖᓄᑦ ᓄᓇᐅᑉ ᐃᓗᐊᓂᙶᖅᑐᓂᒃ ᐋᓐᓂᖅᑐᖃᙱᖦᖢᑎᒃ – ᐱᑦᑕᐅᑦᑎᐊᖅᑐᖅ ᑎᑭᐅᑎᓂᐅᔪᖅ ᐊᔾᔨᒋᔭᖓᐅᑉᓗᓂ ᐅᑉᓗᓗᒃᑖᒥᑦ ᐱᓕᐅᕆᓂᕐᒧᑦ.

ᐱᓕᕆᐊᒃᓴᖅ, ᐃᓚᒋᔭᐅᔪᖅ ᓄᓇᐅᑉ ᐃᓗᐊᓂᑦ ᖃᓄᐃᓕᐅᕆᓂᕐᒧᑦ ᐸᕐᓇᐅᑎᒧᑦ, ᐊᑐᓕᖅᑕᐅᓚᐅᖅᑐᖅ ᐊᖁᒃᑎᓂᒃ ᒪᓂᒪᔪᖃᕐᓂᐊᕐᓗᓂ, ᐱᐅᓯᒋᐊᕐᓗᒍ ᐱᓕᐅᕆᕙᓪᓕᐊᓂᖅ, ᐊᒻᒪᓗ ᐱᐅᓯᒋᐊᖏᓐᓇᐅᔭᕐᓗᒍ ᐅᔭᕋᒃᑕᕆᐊᑉ ᐊᐅᓛᖅᑎᑦᑎᓂᖏᓐᓄᑦ. ᑎᑯᓕᐊᖅᓯᒪᔪᐊᓘᖕᒥᔪᖅ ᐊᔪᕈᖕᓃᖅᓴᐃᓂᕆᔭᑉᑎᖕᓄᑦ, ᐱᓕᕆᐊᒃᓴᓄᑦ, ᐊᒻᒪᓗ ᓯᕗᓪᓕᖅᐸᐅᑎᓂᐊᕐᓗᒋᑦ ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᐊᑦᑕᕐᓇᖅᑐᖃᙱᓐᓂᖅ.

“ᐱᒋᐊᖅᑎᓐᓇᑉᑎᒍᑦ ᑐᕌᖓᔪᖅ, 100 ᐅᖓᑖᓄᑦ ᐆᒃᑐᕈᒪᔪᓂᒃ ᐱᓚᐅᖅᑐᒍᑦ ᖁᓕᐅᔪᓄᑦ ᐃᓂᐅᔪᑦ ᒪᓂᒪᔪᓄᑦ. ᖁᕕᐊᓱᒃᑐᒍᑦ ᑐᓴᖅᑎᑦᑎᔪᖕᓇᕋᑉᑕ ᐊᖁᒃᑏᑦ ᓂᕈᐊᖅᑕᐅᔪᓂᑦ, 7-ᖑᔪᑦ ᐃᓅᔪᑦ ᐊᒻᒪᓗ ᐱᐊᓂᑦᑎᐊᓚᐅᖅᑐᑦ ᐊᔪᕈᖕᓃᖅᓴᓂᕐᒥᒃ ᐊᒻᒪᓗ ᐱᓕᕆᓕᖅᑐᑦ ᓄᓇᒥᑦ ᐅᒃᑯᐃᖓᔪᒥᑦ Flex ᐊᖁᒃᑎᐅᑉᓗᑎᒃ. ᑖᑉᑯᐊ ᐃᓄᐃᑦ ᐊᔪᙱᓐᓂᖄᓂᓚᐅᖅᑐᑦ ᓄᓇᐅᑉ ᖄᖓᓂᑦ ᐱᓕᕆᐊᓂᑦ, ᑭᓯᐊᓂ ᐊᔪᕈᖕᓃᖅᓴᖅᓯᒪᓕᖅᑐᑦ ᓄᓇᐅᑉ ᐃᓗᐊᓂᑦ ᐱᓕᕆᓂᕐᒧᑦ. ᐱᔪᒪᓂᕆᔭᖏᑦ ᐊᒻᒪᓗ ᐱᔪᒪᑦᑎᐊᕐᓂᖏᑦ ᐱᕙᓪᓕᐊᓗᑎᒃ ᓄᑖᓂᒃ ᐊᔪᙱᓐᓂᖃᓕᕐᓂᕐᒥᒃ ᐱᔪᒪᓂᖃᖅᑎᑦᑎᑦᑎᐊᖅᓯᒪᔪᑦ.”

ᒌᐳᕆᐊᓪ ᓚᕖᕝ, ᐅᔭᕋᒃᑕᕆᐊᕐᒥᑦ ᓄᓇᒥᑦ ᐅᒃᑯᐃᖓᔪᒥᑦ ᐊᖓᔪᖅᖄᖅ ᐊᐳᖅᑎᓐᓈᖅᑐᒥᑦ

ᐊᖏᔪᒥᒃ ᒪᑦᓈᖅᑕᕗᑦ ᓄᓇᐅᑉ ᐃᓗᐊᓂᑦ, ᓄᓇᒥᑦ ᐅᒃᑯᐃᖓᔪᒥᑦ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᐱᓕᕆᔩᑦ ᐊᒻᒪᓗ ᓄᑖᖑᔪᑦ ᓄᓇᒥᑦ ᐅᒃᑯᐃᖓᔪᒥᑦ Flex ᐊᖁᒃᑏᑦ ᐱᔪᒪᓂᕆᔭᖏᓐᓄᑦ ᐊᑦᑕᕐᓇᖅᑐᖃᙱᑎᑦᑎᓂᕐᒧᑦ ᐊᒻᒪᓗ ᐱᓕᕆᖃᑎᒌᓂᕐᒧᑦ. ᓂᕆᐅᒃᑐᒍᑦ ᑲᔪᓯᑎᓐᓂᐊᕐᓗᒍ ᑐᕌᖓᔪᖅ ᓯᕗᓂᒃᓴᒥᑦ.