ᖃᓄᖅ ᐊᒡᓃᑯᒃᑯᑦ ᐃᑲᔪᖃᑦᑕᕐᓂᖏᑦ ᐃᓕᓐᓂᐊᖅᑎᑦᑎᓂᕐᒧᑦ ᑭᖑᕚᖑᔪᓂᒃ ᐱᒻᒪᕆᐅᓂᖓᓄᑦ ᐊᔪᙱᓐᓂᖃᖅᑐᒥᒃ ᐱᕙᓪᓕᐊᓂᕐᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᑦ

ᐊᒡᓃᑯᒃᑯᑦ ᐊᖏᒡᓕᒋᐊᕐᓂᐊᖅᑕᖓᑦ ᐅᔭᕋᒃᑕᕆᐊᓕᕆᓂᕗᑦ ᓄᓇᕗᒻᒥᑦ, ᑕᓯᕐᔪᐊᖅ ᓂᐅᕕᐊᒃᓴᓕᐅᓕᖅᖢᓂ ᐊᒻᒪᓗ ᐊᒪᕈᕐᒥᑦ ᐱᓕᕆᐊᕗᑦ ᐱᒋᐊᕐᓂᐊᖅᖢᓂ Q3 2019-ᒥᑦ.  ᑖᒻᓇᑐᐊᖑᙱᑦᑐᖅ, ᑲᔪᓯᑎᓐᓂᐊᕐᒥᔭᕗᑦ ᐃᑲᔪᐃᓂᖅᐳᑦ ᓄᓇᓕᖕᒥᑦ ᐃᓕᓐᓂᐊᖅᑎᑦᑎᓂᕐᒧᑦ ᑐᕌᖓᔪᓂᒃ ᒪᒃᑯᒃᑐᓂᒃ ᐃᓕᓐᓂᐊᖅᑎᑦᑎᔪᑦ ᐱᒻᒪᕆᐅᓂᖓᑕ ᓱᓇᑐᐃᓐᓇᓕᕆᓂᖅ ᐊᒻᒪᓗ ᐊᕙᑎᓕᕆᓂᖅ.

ᐊᒡᓃᑯᒃᑯᑦ ᐊᑯᓂᐅᔪᒥᑦ ᐱᔾᔪᔾᔨᔨᐅᔪᑦ ᑭᕙᓪᓕᕐᒥᑦ ᓱᓇᑐᐃᓐᓇᓕᕆᓂᕐᒥᒃ ᑲᑎᖃᑦᑕᖅᑐᓂᒃ ᓴᖅᑭᑦᑎᑉᓗᑎᒃ ᐃᓕᓐᓂᐊᖅᓂᒃ ᓱᓇᑐᐃᓐᓇᓕᕆᓂᕐᒧᑦ ᐅᐱᓐᓇᖅᑐᖏᓐᓂᒃ ᐊᒻᒪᓗ ᐊᔪᙱᓐᓂᖃᖅᑐᒥᒃ ᐱᕙᓪᓕᐊᓂᕐᒥᒃ ᐱᕕᖃᖅᑎᑦᑎᒻᒫᖅᖢᑎᒃ ᑲᑎᖅᓱᐃᓂᕐᒥᒃ ᐊᒻᒪᓗ ᕿᒥᕐᕈᓗᒋᑦ ᑕᑯᒃᓴᐅᔪᑦ ᓄᓇᕐᔪᐊᕐᒥᑦ ᐊᕙᓗᔭᐅᓯᒪᓂᕆᔭᖓᓐᓂᒃ.  ᐊᔪᙱᓐᓂᕆᔭᐅᔪᑦ ᐊᒡᓃᑯᒃᑯᑦ ᓯᕗᓂᒃᓴᒥᑦ ᐱᓕᕆᔨᒋᓂᐊᖅᑕᖏᑦ ᐃᑲᔪᕐᓂᐊᖅᐸᑕ ᑎᑭᐅᑎᑎᓪᓗᑕ ᐊᒃᓱᕈᕐᓇᖅᑐᓂᒃ ᖃᐅᒃᐸᒥᑦ.

ᐋᖅᑭᒃᓱᖅᑕᐅᔪᖅ ᑭᕙᓪᓕᕐᒥᑦ ᓱᓇᑐᐃᓐᓇᓕᕆᓂᕐᒧᑦ ᐃᓕᓐᓂᐊᖅᑎᑦᑎᔨᖏᑦᑕ ᓄᓇᓕᖏᓐᓄᑦ (KSEC), ᐅᑭᐅᖑᔪᖅ ᑲᑎᑎᑦᑎᓂᖅ ᑕᐅᑐᒐᖃᖅᑐᖅ ᐆᒻᒪᖅᑯᑎᓕᕆᓂᕐᒥᒃ ᐱᔾᔪᑎᓕᖕᓂᑦ.  ᐊᒡᓃᑯᒃᑯᑦ ᐃᑲᔪᓚᐅᖅᑐᑦ ᐊᐅᓚᖦᖢᒍ ᑲᑎᑎᑦᑎᓂᐅᑉ ᐱᓕᕆᐊᖏᑦ ᐊᑐᖅᑕᐅᖔᕈᖕᓇᖅᑐᑦ ᐆᒻᒪᖅᑯᑎᒧᑦ – ᐃᓚᐅᑉᓗᑎᒃ ᐊᓄᕆᒥᑦ, ᓯᕿᓂᕐᒥᑦ, ᐆᒪᓂᖃᖅᑐᖅ-ᐅᖅᓱᕐᒥᑦ ᐊᒻᒪᓗ ᐃᒪᕐᒥᒃ ᐃᑯᒻᒪᖅᑯᑎᒥᒃ ᐆᒻᒪᖅᑯᑏᑦ – ᐊᒻᒪᓗ ᐃᓕᓐᓂᐊᖅᑏᑦ ᓴᓇᔪᖕᓇᓚᐅᖅᑐᑦ ᓯᕿᓂᕐᒥᒃ ᐊᑐᖅᑐᓂᒃ ᓄᓇᒃᑰᕈᑎᓂᒃ ᐊᖏᕐᕋᐅᑎᓂᐊᖅᖢᓂᔾᔪᒃ.  ᑕᐃᑯᙵᖅᑎᓚᐅᕐᒥᔭᕗᑦ ᓇᖕᒥᓂᕆᔭᕗᑦ ᐃᓐᓇᕐᓄᑦ ᐃᓕᓐᓂᐊᖅᑎᑦᑎᔨ ᐊᒻᒪᓗ ᐃᓅᔪᓂᒃ ᓴᕕᒐᐅᔭᓕᕆᓂᕐᒧᑦ (ᐃᑯᒻᒪᖅᑯᑏᑦ) ᐃᓕᓐᓂᐊᖅᑎᑦᑎᔨ, ᐃᓕᓐᓂᐊᖅᑎᓪᓗᒋᑦ ᐃᓕᓐᓂᐊᖅᑏᑦ ᐆᒪᖅᑯᑎᓕᕆᓂᕐᒥᒃ ᐊᒻᒪᓗ ᐊᔪᙱᓕᓴᕐᓗᑎᒃ ᐃᓕᐅᖅᑲᐃᓂᕐᒥᒃ ᑲᑉᐳᔾᔭᓄᑦ ᐊᑐᖅᑕᐅᔪᓂᒃ, ᖃᒥᑦᑎᔾᔪᑎᓂᒃ ᐃᑭᑦᑎᔾᔪᑎᓂᒃ, ᐃᑭᑦᑕᖅᑐᓂᒃ ᐊᒻᒪᓗ ᐅᐃᒍᕆᔭᐅᔪᓂᒃ ᑲᑉᐳᔾᔭᓄᑦ ᓴᕕᒐᐅᔭᓂᒃ.

ᐅᑭᐅᖑᔪᖅ ᑲᑎᑎᑦᑎᓂᖅ ᐊᕐᕕᐊᓃᓚᐅᖅᑐᖅ (ᒫᑦᓯ 14-17), 16-ᓂᒃ ᐃᓕᓐᓂᐊᖅᑎᓂᒃ ᑕᐃᑲᓃᑦᑐᖃᓚᐅᖅᑐᖅ ᐊᕐᕕᐊᓂᑦ, ᑲᖏᖅᖠᓂᕐᒥᑦ, ᐃᒡᓗᓕᒑᕐᔪᖕᒥᑦ ᐊᒻᒪᓗ ᖃᒪᓂᑦᑐᐊᕐᒥᑦ. ᐊᒡᓃᑯᒃᑯᑦ ᑐᓂᓯᓚᐅᖅᑐᑦ $25,000-ᒥᒃ ᑮᓇᐅᔭᖃᖅᑎᖦᖢᒋᑦ ᐃᑲᔪᖅᑐᒥᒃ ᐊᑭᐅᔪᓄᑦ ᐊᒻᒪᓗ ᑭᕙᓪᓕᕐᒥᑦ ᓄᓇᓖᑦ ᐊᕐᕕᐊᓄᙵᐅᑎᑦᑎᔪᖕᓇᕐᓂᐊᕐᓗᑎᒃ ᓯᑕᒪᓂᒃ ᐃᓕᓐᓂᐊᖅᑎᖏᓐᓂᒃ ᐱᒡᒎᖃᑕᐅᓂᐊᕐᓗᑎᒃ.  ᑲᒪᓚᐅᕐᒥᔪᒍᑦ ᐅᕐᓂᒃᑕᐅᓯᒪᑦᑎᐊᖅᑐᒥᑦ ᓄᓇᓕᖕᒥᑦ ᓯᕿᓂᕐᒥᒃ ᐆᒻᒪᖅᑯᑎᖃᕐᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᐊᕐᕕᐊᓂᑦ ᐱᓕᕆᖃᑎᒋᑉᓗᒋᑦ ᕼᐋᒻᓚᒃᑯᑦ.

ᐅᑭᐅᖑᔪᖅ ᓵᓚᒃᓴᓚᐅᖅᑐᖅ ᐊᒡᓃᑯᒃᑯᑦ ᐃᓕᑕᖅᓯᔾᔪᑎᖓᓐᓂᒃ ᐱᐅᓛᖅ ᐊᖓᔪᒃᖠᖅ ᐱᓕᕆᐊᖃᖅᑐᖅ ᐋᒻᐳ ᐊᒡᒐᒃ.  ᐋᒻᐳ ᐃᒡᓗᓕᒑᕐᔪᖕᒥᐅᑕᐅᔪᖅ ᐊᒻᒪᓗ ᐱᓕᕆᐊᖃᓚᐅᖅᑐᖅ “ᓂᕿ ᐆᓇᖅᑐᖅ” ᑕᐅᑐᓚᐅᖅᑐᖅ ᓱᓇᑐᐃᓐᓇᓕᕆᓂᖅ ᐅᖓᑖᓂᑦ ᐊᖏᒡᓕᓯᒪᔪᖅ ᐃᓅᑉ ᐃᓗᖏᑦᑕ ᐆᓇᕐᓂᖓᓂᒃ ᓂᕆᐊᓂᒃᑳᖓᑕ ᓇᑦᑎᕐᒥᑦ, ᑐᒃᑐᒥᑦ, ᐊᒻᒪᓗ ᐃᖃᓗᒃᐱᖕᒥᑦ.

ᐊᒡᓃᑯᒃᑯᑦ ᖁᕕᐊᓱᒃᑐᑦ ᑲᔪᓯᖕᒪᑕ ᓴᙱᒃᑎᑎᓪᓗᒋᑦ ᐃᓅᔪᑦ ᒪᒃᑯᒃᑐᑦ, ᖃᐅᔨᑎᑕᐅᑉᓗᑎᒃ ᓱᓇᑐᐃᓐᓇᓕᕆᓂᐅᑉ ᐅᐱᓐᓇᕐᓂᖏᓐᓂᒃ ᐊᒻᒪᓗ ᐊᕙᑎᓕᕆᓂᕐᒥᒃ ᐃᓕᓐᓂᐊᕐᓂᕐᒥᒃ ᐊᒻᒪᓗ ᐱᒻᒪᕆᐅᓂᖓᓂᒃ ᐊᔪᙱᓐᓂᐊᖅᑐᒥᒃ ᐱᕙᓪᓕᐊᓂᖓᓂᒃ ᑲᓇᑕᐅᑉ ᐅᑭᐅᖅᑕᖅᑐᖓ.