Agnico Eagle quviahukpiaktut quviahuutigiblugu nakuunikkut nakuujumik iniqtigutait Ujagakhiuqtit Iligiiktut uvani 2024 Nunarjuami Ujarakhiuqtit Akitaqutautit (IMRC), havaktaujut uvani Colombia. Akiraqtuqhugit nunarjuami ajuinniqhait, havaqativut tautuktitijut nakuunikkut ajuiqhautinik, mahulingainikkut, uvalu pittiaqatigiiktut, agitiblugu atia Tamainin Akimajunit Quuliujuq hunat naunaijaqhimajut nakuunikkut havauhiit. Una akimajut naunairutiqaqtuq akhurhaidjutikharnik iliqatigiiktunik Agnico Eagle’s havakhimaaqtut ujaraqhiuqtut qajangnairutkutikhangit anaktuijaangat ihuaqtumik nunarjuaptingni tamaat.

Nunarjuaptingnik Ujagakhiurnikkut Anaktuijit Akigaktuijut (IMRC) akhut pidjutiqaqtut nunarjuaptingni hulipkaidjut ihuaqhaqtauhimajuq talvanga Nunarjuaptingnik Ujagakhiurnikkut Anaktuijit Iligiiktut Timingit (IMRB) atuqujaangat ujagakhiurnikkut anaktuijit auladjutikharnik talvani nunarjuaptingni tamaat ihuaqhaidjutikhanik ujagakhiurnikkut anaktuijit ilihimajainik atuqtakharniklu talvuuna nunarjuaptingni havaqatigiirnikkut.

Ilaupluni uvani Nunarjuami Ujarakhiurnikkut Anaktuijini Timingit (IMRB), Colombia katimapkaivaktuq 13th qanuriliurutinik akittaqutimi Apitilirvia 15 uvunga 21, 2024. Una quvianaqpiaqtuq hulipkaidjut atautimuktitijut 21 ujarakhiuqtit anaktuijit iligiiktut tamaini nunaqjuamin, pidjutiqaqtut nunaqjuanun imaatun Zambia, China, India, Australiami, Vietam, uvalu Kanatami, tautuktitilutik inmi ajuittiarnirmik ujaagakhiuqtini anaktuijit auladjutaini.

IMRC naunaiqhijut qajangnaitkutikhanik maliqajakhainnik talvuuna hivitujukkut, timikkut imaalu ihumaliqinikkut ihivriuqtaujukhanik pidjutiqaqtunik nunap ataani ujarakhiurnikkut anaktuijit. Akiraqtuqhugit havaqatigiit ihivriuqtaujut inmi havauhiit anaktuinikkut, aanniqtuqaqqan Ikajuutit ajuqhautit, uvalu hivumuuqtilugit tamajat atungniit, tamaita malikhugit anginiqhait qajangnautikkut atugakhat.

Agnico Eagle’s Ujagakhiurnikkut Anaktuijit Iligiiktut

Kivgaqtuqhugit Kanatami, ukua Agnico Eagle Ujarakhiuqtit Anaktuijit Iligiit ilaujut ajuittiaqhimajut atautit hamanga Meadowbank Complex unalu Meliadine ujarakhiuqtut uvalu Hope Bay havaakhat. Ikajuqtiriit hivuliqhuqtaujut Eric Marcotte, Aanniaqtailinikkut Aanniaqtailinikkut Ataniujuq, Meliadine ujaraktarviani. Akiraqtuutijut saivani ajurnavjaktunik hulipkaidjutikhanik, havaqatigiiktut takupkaijut nakuujumik havaqatigiigutikhamingnik, anullaqhiidjutikhanik, imaalu ajuiqhattiaqhimajut, akiliuhiaqhugit pingahuat talvani Aanniqtuqaqqat Ikajuqtiit hulipkaidjutit imaalu atia Tamainin Akimajunit Quuliujuq.

Iligiiktnut ilaujut:

  • Christopher Pitre (Atan’ngujaq)
  • Marc-Andre Coutu
  • Charles Belanger
  • Joel Fournier
  • Kevin Lalonde
  • David Ayotte
  • Morgan Leon Hjorth
  • Philippe Beaudoin
  • Patricio Maximiliano Iglesias
  • Geoffrey Paul Neville

Nakuuqpiaqtut Ulapqidjutait uvalu Iligiiktuthavaktut

Agnico Eagle havaqatigiiktut nakuujumik iniqhijut havaktauhimaittut kihimi nakuukpiaktumik ilauranginaqtuq. Akitaqutautilugit, naunaiqtaujuq tapkua ikitut nunarjuami iligiit atuqhimaitut qivjanut anaktuinikkut tamajanik. Tautuktitibluni itquumajunik pittiaqatigiiktut, havaqatigiit ikajuqtut akiitumik uvalu ajuittiarnirmik, ilihaidjutit hapkua iligiit ihuaqtumik tamajanik atungnikkut uvalu uqautigilugit ikajuutit, ilaujut tunihijut qivjanik algaanik tahapkununga piqangitumik.

Una pidjutaujuq avataani akitaqutaut, havaqatigiikhutik ikajuqtigiiktut pittiangnikkut uvalu quviahuutigilugit. Tamna aulahimaanginaqtuq Agnico Eagle’s iliqatigiiktun qimaivakhimajut kingulirmik quvianaqtunik, allanik auladjutikharnik ikhivajaangat talvani hulipkaidjut, auladjutikharnik ukpirijainik talvuuna akigaqtuinikkut.

Agnico Eagle Ikhivautalik Katimajinut, Sean Boyd uqaqtuq “[…] quvianaqpiaqtuq Hivuliqtiupluta uumani havagviujumi, quviahukpiaqtugut imaalu ilihimaplugit inuit ahinungauvaktut ubluq tamaat hulivagiaptingnik pittiarnirmiklu inuit tamaita”.

Ilitaridjutit Haffumunga Nunarjuami Qanurinninga

Havaqatigiit ihuaqtumik havaktait uvalu havauhiit naunaijaqhimajut inmi avatitik nunarjuami hivuliqhuqtut ujagakhiurnikkut anaktuijit auladjutait. Nunarjuami Ujarakhiuqtit Timiit ilitarihimajait inmi pijaangnikkut ajuiqhautit, ajuittiaqhimajatik, uvalu akhut tamaini akitaqutautini. Colombia’s nakuujumik katimapkaijuq hulidjutimi, katimaqatigiplugit Agnico Eagle’s hivuliqtia, ilitturipkaijuq anginiqarniani havaqatigiiktut hivumuutinikkut nunarjuami ujarakhiurnikkut qajangnaidjutikhanik aturutinik

“Una attauhiq inuuhikkut pijakhaq uvalu iligiit nakuutqiatigut kivgaqtuqlugu Agnico Eagle uvalu nunarjuaqqut nakuutqiatigut pijaarnirmik. Una quviahukpiaqtunga Agnico Eagle havakti ilaungman talvanga havagviani,” uqaqpakhimajuq Geoffrey Neville.

Agnico Eagle’s Akhuurutait Nakuuqpiarnirmun

Talvani Agnico Eagle, iliuraqtavut ujarakhiurnikkut qajangnaitkutikhat anaktuijillu ajuiqhaidjutikhat uuminnga auladjutiptingni, unalu akimajuq pidjutijuq havakpiarutikhaptingnik qulvahitqijanun aturutiptingnun upalungaiqhimanikkut. Havaktivut nakuujumik pijut uumani IMRC naunaipkaqtaa Agnico Eagle’s uqariijaqtamingnik atuliqtitaugiami pitquhinga nakuuqpiaqtumik aaniqtailiniq, ajuirhainiq, nunarjuaptingnilu havaqatigiingniq.

Quviahuutigilaqqut tamaat Ujaraqhiurnikkut Anaktuijiit Havaqatigiiktut uumunga naunaipkutaq iniqtirutaanut!