ᐊᒡᓃᑯᒃᑯᑦ ᓯᕗᓪᓕᖅᐹᑦᑎᐊᕐᒥᑦ ᐱᓕᕆᐊᑦ ᒥᒃᓵᓄᑦ ᐅᑉᓗᖃᖅᑎᑦᑎᓚᐅᖅᑐᑦ ᑲᑕᒑᕆᕝᕕᒃ 9-ᒥᑦ ᐊᒻᒪᓗ 10-ᒥᑦ. ᒪᕐᕈᐃᖓᓚᐅᖅᑐᖅ: ᑲᑕᒑᕆᕝᕕᒃ (ᓄᕕᐱᕆ) 9-ᒥᑦ, ᐃᓕᓐᓂᐊᖅᑏᑦ ᖁᑦᑎᖕᓂᓖᑦ 10, 11 ᐊᒻᒪᓗ 12-ᓂᑦ ᔫᓇ ᐊᒥᑦᓈᖅ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᐃᓚᐅᖃᑕᐅᓚᐅᖅᑐᑦ ᐃᓕᓐᓂᐊᕈᑎᓄᑦ ᐊᒻᒪᓗ ᐱᓕᕆᐊᑦ ᒥᒃᓵᓄᑦ ᖃᐅᔨᑎᑕᐅᓂᕐᒧᑦ ᑕᐅᑐᒐᖃᖅᑐᓂᒃ ᐅᔭᕋᒃᑕᕆᐊᓕᕆᓂᕐᓂᒃ, ᐊᒻᒪᓗ ᐅᓐᓄᒃᑯᑦ, ᓄᓇᓕᖕᒥᐅᑕᐃᑦ ᐃᓚᐅᖃᑕᐅᖁᔭᐅᓚᐅᖅᑐᑦ ᖃᓄᐃᓕᐅᖅᑎᑦᑎᓂᖓᓐᓂᒃ ᐊᒡᓃᑯᒃᑯᑦ ᐊᒻᒪᓗ ᐅᔭᕋᒃᑕᕆᐊᖅ ᐊᑑᑎᖃᖅᑐᖅ-ᒃᑯᓐᓄᑦ. ᐃᓕᓐᓂᐊᖅᑏᑦ ᖁᑦᑎᖕᓂᓖᑦ 4 ᐊᒻᒪᓗ 5-ᓂᑦ ᕈᐃᑦᓱᓪ ᐊᕐᓇᒪᒃᑎᖅ ᐊᑦᑎᖕᓂᖅᓴᓄᑦ ᐃᓕᓐᓂᐊᕐᕕᖕᒥᑦ ᐃᓚᐅᖃᑕᐅᔪᖕᓇᓚᐅᕐᒥᔪᑦ ᖃᓄᐃᓕᐅᖅᑎᑦᑎᓂᖓᓐᓂᒃ ᐱᓕᕆᔨᑉᑕ ᐊᒻᒪᓗ ᐅᔭᕋᒃᑕᕆᐊᖅ ᐊᑑᑎᖃᖅᑐᖅ-ᑯᓐᓂᑦ.

ᓴᓇᔨᒃᓴᓄᑦ ᐱᓕᕆᔨᕗᑦ ᑕᐃᑲᓃᓚᐅᖅᑐᑦ ᑭᐅᓂᐊᕐᓗᑎᒃ ᐊᐱᖅᖁᑕᐅᔪᓂᒃ ᓄᑖᖅ ᐱᓕᕆᔨᑖᖅᑐᕐᓂᕆᔭᑉᑕ ᒥᒃᓵᓄᑦ ᐊᒻᒪᓗ ᑐᓴᒐᒃᓴᐅᑎᓪᓗᒋᑦ ᒫᓐᓇᐅᔪᖅ ᐃᓂᐅᔪᑦ ᐱᓕᕆᐊᒃᓴᐃᑦ ᐅᔭᕋᒃᑕᕆᐊᑉᑎᖕᓂᑦ. ᐃᓕᑦᑎᒃᑲᓐᓂᕈᒪᒍᕕᑦ ᓴᓇᔨᓴᓄᑦ ᒥᑦᓵᓄᑦ, ᓄᑖᖅ ᐋᖅᕿᒃᓱᖅᓯᒪᔭᕗᑦ ᐱᓕᕆᔨᑖᖅᑐᕐᓂᑉᑎᖕᓄᑦ, ᐅᖃᓕᒫᕐᓗᑎᑦ ᐃᓱᒪᒋᔭᐅᔪᑦ ᒥᒃᓵᓄᑦ ᐅᖃᓪᓚᒡᕕᐅᓚᐅᖅᑐᖅ ᐅᕙᓂ.

ᐊᐳᖅᑎᓐᓈᖅᑐᒥᑦ ᐊᒡᓃᑯᒃᑯᓐᓂᙶᖅᑐᑦ, ᐅᑯᐊᖑᔪᑦ ᐆᒻᒪᖅᖁᑎᓕᕆᔨᒃᑯᑦ ᐊᒻᒪᓗ ᐱᖁᑎᓕᕆᔨᒃᑯᑦ, ᐊᕙᑎᓕᕆᔨᒃᑯᑦ, ᐋᖅᕿᒃᓱᐃᔨᒃᑯᑦ, ᓱᓇᑐᐃᓐᓇᓕᐅᕆᔨᒃᑯᑦ, ᐊᔪᕈᖕᓃᖅᓴᐃᓂᕐᒧᑦ ᐊᒻᒪᓗ ᓄᓇᓕᖕᒥᑦ ᑲᒪᔨᐅᔪᑦ, ᑕᐃᑲᓃᖃᑕᐅᓚᐅᖅᑐᑦ ᑐᑭᓯᐅᒪᔾᔪᑎᖃᖅᖢᑎᒃ ᐅᔭᕋᒃᑕᕆᐊᓕᕆᓂᐅᑉ ᒥᒃᓵᓄᑦ ᐊᒻᒪᓗ ᐱᓕᕆᐊᒃᓴᓂᑦ ᐅᔭᕋᒃᑕᕆᐊᓕᕆᓂᕐᒥᑦ.

ᐃᓚᒋᔭᐅᑉᓗᓂ, ᐱᓕᕆᔨᕗᑦ ᐅᔭᕋᒃᑕᕆᐊᖅ ᐊᑑᑎᖃᖅᑐᖅ-ᑯᓐᓂᑦ ᖃᐅᔨᔭᐅᔪᒪᓇᔭᖅᑐᓂᒃ ᑐᑭᓯᐅᒪᔾᔪᑎᖃᓚᐅᕐᒥᔪᑦ ᐅᔭᖅᖃᐃᑦ ᒥᒃᓵᓄᑦ, ᐅᔭᖅᖃᑦᑎᐊᕙᐃᑦ, ᐅᔭᕋᒃᑕᕆᐊᓕᕆᓂᕐᒥᑦ ᐊᒻᒪᓗ ᐊᔾᔨᒌᙱᑦᑑᑎᓂᒃ ᐱᓕᕆᐊᒃᓴᓄᑦ ᐱᕕᖃᕐᓂᐅᔪᓂᑦ ᐅᔭᕋᒃᑕᕆᐊᓕᕆᓂᕐᒥᑦ. ᐱᓕᕆᔩᑦ ᑲᑎᒪᑎᑦᑎᓚᐅᕐᒥᔪᑦ ᐃᓕᓐᓂᐊᖅᑎᑦᑎᑉᓗᑎᒃ ᐊᒻᒪᓗ ᖃᓄᐃᓕᐅᖅᑎᑦᑎᑉᓗᑎᒃ ᒪᒃᑯᒃᑐᓂᑦ.

“ᐅᔭᕋᒃᑕᕆᐊᖅ ᐊᑑᑎᖃᖅᑐᖅ-ᑯᑦ ᖁᕕᐊᓱᓚᐅᕐᒥᔪᑦ ᐃᑲᔪᕈᖕᓇᓚᐅᕐᒪᑕ ᐅᔭᖅᖃᑦᑎᐊᕙᐃᑦ ᐊᒻᒪᓗ ᐅᔭᕋᒃᑕᕆᐊᓕᕆᓂᕐᒥᑦ ᐃᓕᓐᓂᐊᖅᑎᑦᑎᓂᕐᒧᑦ ᖃᒪᓂᑦᑐᐊᕐᒥᑦ ᐱᓕᕆᐊᑦ ᒥᒃᓵᓄᑦ ᐅᑉᓗᖃᖅᑎᓪᓗᒋᑦ. ᐱᑦᑕᐅᑦᑎᐊᓚᐅᖅᑐᖅ ᑐᓂᓯᑉᓗᓂ ᐱᔪᒥᓇᕆᔭᑉᑕ ᒥᒃᓵᓄᑦ ᐅᔭᕋᒃᑕᕆᐊᓕᕐᓂᕐᒥᑦ ᒪᒃᑯᒃᑐᓄᑦ ᓄᓇᓕᖕᒥᑦ ᐊᒻᒪᓗ ᐊᔾᔨᒌᙱᑦᑑᑎᓂᒃ ᐱᓕᕆᐊᒃᓴᐅᔪᓂᒃ,” ᐅᖃᖅᑐᖅ ᓕᐊᔅᓕ ᕼᐊᐃᒧᕐᔅ (Lesley Hymers (M.Sc.), ᐊᐅᓚᑦᑎᔨ, ᐃᓕᓐᓂᐊᖅᑎᑦᑎᓂᕐᒧᑦ ᐊᒻᒪᓗ ᖃᐅᔨᒋᐊᖃᑦᑕᕐᓂᕐᒧᑦ ᑐᕌᖓᔪᑦ ᐅᔭᕋᒃᑕᕆᐊᖅ ᐊᑑᑎᖃᖅᑐᖅ-ᑯᓐᓂᑦ.

ᑐᓴᒃᑲᓐᓂᕆᑦ ᖃᓄᐃᓕᐅᕐᓂᐅᓚᐅᖅᑑᑉ ᒥᒃᓴᓄᑦ ᐅᐃᐊᓐᑕ ᕗᐊᓯ-ᒥᑦ,  (Wenda Forsey), ᐱᓕᕆᐊᑦ ᒥᒃᓵᓄᑦ ᐅᖃᓪᓚᐅᔾᔨᔨ ᔫᓇ ᐊᒥᑦᓈᖅ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ:

ᕿᑎᐊᓂᑦ, ᑲᑕᒑᕆᕝᕕᒃ 9, 2022-ᒥᑦ, ᖁᑦᑎᖕᓂᓖᑦ 10-12-ᓂᑦ ᐃᓕᓐᓂᐊᖅᑏᑦ ᔫᓇ ᐊᒥᑦᓈᖅ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᐃᓚᐅᖃᑕᐅᓚᐅᖅᑐᑦ ᐊᒡᓃᑯᒃᑯᑦ ᐱᓕᕆᐊᑦ ᒥᒃᓵᓄᑦ ᖃᐅᔨᒪᑎᑦᑎᓂᕐᒥᒃ ᑲᒪᒋᔭᖓᓐᓄᑦ. ᔫᓇ ᐊᒥᑦᓈᖅ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᐃᓕᓐᓂᐊᖅᑏᑦ ᖁᕕᐊᓱᓚᐅᖅᑐᑦ ᐃᓚᐅᖃᑕᐅᔪᖕᓇᕐᒪᑕ [ᐊᒡᓃᑯᒃᑯᓐᓂᑦ] ᒪᕐᕉᒃ ᐅᑭᐅᓂᑦ ᑲᑎᑦᑐᖕᓇᕐᓂᕐᒧᑦ ᑭᒡᓕᖃᖃᑦᑕᓚᐅᖅᑎᓪᓗᒍ ᓄᕙᒡᔪᐊᕐᓇᖅ-19-ᒥᑦ.

[ᐊᒡᓃᑯᒃᑯᑦ] ᐱᓕᕆᔨᖏᑦ ᑐᙵᓇᓚᐅᕐᒥᔪᑦ, ᐃᓂᖃᖅᑎᑦᑎᑉᓗᑎᒃ, ᐊᒻᒪᓗ ᐃᑲᔪᖅᑐᐃᑉᓗᑎᒃ. ᑐᑭᓯᑎᑦᑎᓂᕐᒧᑦ ᑕᕐᕆᔭᐅᑎᒥᑦ ᑕᑯᒃᓴᐅᓚᐅᖅᑐᑦ ᖃᑉᓯᐊᕐᔪᐃᑦ ᐅᔭᕋᒃᑕᕆᐊᕐᒥᑦ ᐱᓕᕆᔨᐅᔪᑦ ᐊᒻᒪᓗ ᐃᓕᓐᓂᐊᕌᓂᒃᓯᒪᔪᑦ ᖃᒪᓂᑦᑐᐊᕐᒥᑦ ᐃᓚᐅᖃᑕᐅᓚᐅᖅᑐᑦ ᐱᓕᕆᐊᒃᓴᐃᑦ ᒥᒃᓵᓄᑦ ᐱᕕᖃᖅᑎᑦᑎᓂᐅᔪᓂᒃ ᐅᔭᕋᒃᑕᕆᐊᕐᒥᑦ. ᐱᔪᒪᔪᒪᓐᓇᓚᐅᖅᑐᖅ ᑕᑯᑉᓗᒋᑦ ᖃᑕᙳᑎᒋᔭᐅᔪᑦ ᐊᒻᒪᓗ ᐃᓕᓐᓂᐊᕌᓂᒃᓯᒪᔪᑦ ᐱᓕᕆᕝᕕᖏᓐᓂᑦ. ᑐᓴᖅᑎᑦᑎᓂᖅ “ᐊᑐᓂ ᐱᓕᕆᐊᓗᒃᑖᑦ ᐅᔭᕋᒃᑕᕆᐊᕐᒥᑦ ᐱᒻᒪᕆᐅᔪᑦ”, ᑐᓴᖅᓴᐅᑦᑎᐊᓚᐅᖅᑐᖅ ᐊᒻᒪᓗ ᑐᑭᓯᓐᓇᖅᖢᓂ. ᑕᑯᒃᓴᐅᓂᖓ “ᐱᕕᖃᕐᓂᐅᔪᑦ ᐱᓕᕆᐊᒃᓴᖃᕐᓂᕐᒧᑦ ᐱᕙᓪᓕᐊᓂᖅ” ᐊᒻᒪᓗ “ᓯᕗᒻᒧᖕᓂᖅ ᐃᓕᖕᓂᑦ ᐱᐅᓯᒋᐊᕐᓂᐊᕐᓗᑎᑦ” ᐱᒋᐊᖅᑎᑦᑎᓂᖃᓚᐅᖅᑐᖅ ᐊᒻᒪᓗ ᐱᒋᐊᓕᓵᖅᑐᑎᑐᑦ.

ᖃᓄᐃᓕᐅᕐᓂᖃᖅᑎᓪᓗᒋᑦ, ᐃᓕᓐᓂᐊᖅᑏᑦ ᐃᓚᐅᖃᑕᐅᓚᐅᖅᑐᑦ ᑕᓪᓕᒪᓂᒃ ᖃᓄᐃᓕᐅᕈᖕᓇᖅᖢᑎᒃ ᐃᓂᐅᔪᒥᑦ ᑕᐅᑐᒐᖃᖅᑐᖅ ᐅᔭᕋᒃᑕᕆᐊᓕᕆᓂᖅ ᐊᑑᑎᖃᖅᑐᖅ-ᒥᑦ, ᐊᕙᑎᒥᒃ ᐅᔾᔨᕈᓱᖕᓂᕐᒥᒃ, ᐊᒻᒪᓗ ᐱᓕᕆᐊᖅᑖᖑᔪᒪᔪᑦ ᓂᕈᐊᖅᑕᐅᔪᖕᓇᕐᓂᖏᑦ. ᐃᑲᔫᑕᐅᓚᐅᖅᑐᖅ ᐊᒻᒪᓗ ᓈᒻᒪᒃᑑᑉᓗᓂ ᑲᑎᓐᓂᖃᕐᓂᐊᕐᓗᓂ “ᐃᓕᓐᓂᐊᕐᕕᖕᒥᑦ ᐃᓕᑦᑎᓂᖅ”-ᒧᑦ ᐱᓕᕆᐊᒃᓴᓄᑦ ᐊᒻᒪᓗ ᐱᓕᕆᐊᕆᔪᒪᔭᖏᓐᓄᑦ ᓂᕈᐊᕐᓂᕐᒥᑦ.

ᑕᒪᐃᓐᓅᖓᔪᒃᑯᑦ, ᖃᓄᐃᓕᐅᖅᑎᑦᑎᓂᖅ ᐱᑦᑕᐅᑦᑎᐊᓚᐅᖅᑐᖅ ᐃᓕᓐᓂᐊᖅᑏᑦ ᐃᓚᐅᖃᑕᐅᑉᓗᑎᒃ 100%-ᒥᑦ!  ᒪᑦᓇᑦᑎᐊᒥᐊᖅ ᐱᓕᕆᐊᒃᓴᐃᑦ ᒥᒃᓵᓄᑦ ᐅᔾᔨᕈᓱᒃᑎᑦᑎᓂᕐᒧᑦ ᐊᒻᒪᓗ ᓂᕆᐅᑦᑎᐊᖅᑐᒍᑦ ᖃᑯᒍᑦᑎᐊᖅ ᑲᑎᒃᑲᓐᓂᕐᓂᐊᕐᓗᑕ.

ᐱᓕᕆᔨᑕᖃᓗᐊᖏᑦᑐᒥᑦ ᑐᑭᓯᓂᕐᓗᒃᑕᐅᒐᔪᒃᖢᓂ, ᖃᓄᐃᓕᐅᖅᑎᑦᑎᓃᑦ ᑖᑉᓱᓇᑎᑐᑦ ᐃᑲᔪᕈᖕᓇᖅᑐᖅ ᐅᔭᕋᒃᑕᕆᐊᒥᑦ ᐱᓕᕆᐊᖅᑖᕐᓂᖅ ᐊᔪᕐᓇᙱᓐᓂᖅᓴᐅᓕᖅᑎᓪᓗᒍ ᐊᒻᒪᓗ ᓱᓕᔫᓕᖅᑎᓪᓗᒍ ᒪᒃᑯᒃᑐᓄᑦ ᐃᓱᒪᒋᔭᖃᙱᓐᓇᔭᓚᐅᖅᑑᒐᓗᐊᑦ ᐱᓕᕆᐊᖃᕐᓂᕐᒥᒃ ᐅᔭᕋᒃᑕᕆᐊᓂᑦ. ᖁᕕᐊᓱᓚᐅᖅᑐᒍᑦ ᓇᖕᒥᓂᖅ ᑕᑯᑉᓗᒋᑦ ᖃᐅᔨᔪᒪᓂᕆᔭᖏᑦ ᐃᓕᓐᓂᐊᖅᑏᑦ ᐱᓕᕆᐊᒃᓴᐃᑦ ᒥᒃᓵᓄᑦ ᐅᔭᕋᒃᑕᕆᐊᓕᕆᓂᕐᒥᑦ.

ᒪᑦᓇ ᐃᓕᓐᓂᐊᖅᑎᓗᒃᑖᑦ, ᓄᓇᓕᖕᒥᐅᑕᐃᑦ, ᐃᓕᓐᓂᐊᕐᕕᖕᒥᑦ ᐱᓕᕆᔩᑦ ᐊᒻᒪᓗ ᐱᓕᕆᖃᑎᒋᔭᕗᑦ ᐅᔭᕋᒃᑕᕆᐊᓕᕆᓂᖅ ᐊᑑᑎᖃᖅᑐᖅ-ᑯᓐᓂᑦ ᐱᓕᕆᐊᕗᑦ ᐱᐊᓂᑦᑎᐊᕐᓂᖃᕈᖕᓇᖅᑎᓚᐅᕋᑉᓯᐅᒃ!