ᐊᒡᓃᑯᒃᑯᓐᓂᑦ, ᐱᒻᒪᕆᐅᒋᔭᕗᑦ ᐱᓕᕆᐊᕐᒧᑦ ᐱᕈᐃᑎᑦᑎᓂᕐᒥᒃ ᐊᒻᒪᓗ ᐊᔾᔨᒌᒃᑐᒃᑯᑦ ᐱᕕᖃᖅᑎᑦᑎᓗᑕ ᐱᓕᕆᔨᑉᑎᖕᓄᑦ. ᖃᐅᔨᒪᔭᐅᓂᖃᕈᒪᔪᒍᑦ ᓄᓇᓕᖕᓂᑦ ᐊᐅᓛᖅᑎᑦᑎᕝᕕᒋᔭᑉᑎᖕᓂᑦ. ᐃᓚᒋᔭᐅᔪᖅ ᐱᑦᑕᐅᓛᒥᒃ ᐊᑐᕐᓗᓂ ᐊᑯᓂᐅᔪᒥᑦ ᐱᓕᕆᐊᒃᓴᓂᒃ ᐊᒻᒪᓗ ᐱᓕᕆᐊᕐᒧᑦ ᐱᕙᓪᓕᐊᓂᕐᒧᑦ ᐱᕕᖃᖅᑎᑦᑎᓂᕐᓄᑦ. ᑕᐃᒪᓐᓇᒧᑦ, ᐊᑐᓕᖅᑕᕗᑦ ᐱᓕᕆᐊᖅᑖᖅᑎᑦᑎᖃᑦᑕᕐᓂᓕᕆᓂᖅ ᐃᓄᐃᑦ ᐱᓕᕆᔨᓄᑦ. ᐱᓕᕆᐊᖅᑖᖅᑎᑦᑎᓂᕐᒧᑦ ᑐᕌᖓᔪᖅ, ᓄᓇᕗᒻᒥ ᐱᓕᕆᐊᒃᓴᖅᓯᐅᖅᑐᑦ, ᐊᑐᖅᑕᐅᓕᓚᐅᖅᑐᖅ ᑲᒪᔭᒋᓂᐊᕐᓗᒍ ᐱᓕᕆᐊᒃᓴᓄᐊᕈᖕᓇᕐᓗᑎᒃ ᓄᓇᕗᒻᒥ ᐅᔭᕋᒃᑕᕆᐊᕐᓂᑦ ᓄᓇᕗᒻᒥᐅᑕᐃᑦ.
ᐋᖅᕿᒃᑕᐅᖅᖃᐅᑕᐅᓚᐅᖅᑐᖅ ᑐᕌᖓᔪᖅ ᐱᔭᕆᐊᑐᓚᐅᖅᑐᖅ ᐃᓚᐅᑉᓗᑎᒃ ᖃᕆᑕᐅᔭᒃᑯᑦ ᑐᒃᓯᕋᐅᓯᐅᕐᓗᑎᒃ ᐆᒃᑐᕐᓂᐊᕐᓗᓂ ᐊᒻᒪᓗ ᐱᔭᕆᐊᖃᖅᑐᒥᑦ ᐊᔪᕈᖕᓃᖅᓴᖅᑕᐅᔪᓃᖃᑕᐅᓗᓂ. ᑕᑕᑎᖅᑕᐅᕌᓂᒃᐸᑦ, ᐆᒃᑐᖅᑐᑦ ᐃᓚᒋᔭᐅᓕᕐᓗᑎᒃ ᓄᓇᕗᒻᒥ ᐱᓕᕆᐊᒃᓴᖅᓯᐅᖅᑐᓂᑦ, ᐊᔪᙱᑦᑐᖕᓇᓕᖅᖢᑎᒃ ᐱᓕᕆᑎᑕᐅᓂᕐᒧᑦ.

ᓄᑖᖅ ᐱᕙᓪᓕᐊᓂᖅ ᐱᓕᕆᐊᖑᔪᖅ

2022-ᒥᑦ, ᐱᕙᓪᓕᐊᓂᓗᒃᑖᖅ ᕿᒥᕐᕈᔭᐅᓚᐅᖅᑐᖅ ᐊᒻᒪᓗ ᐋᖅᕿᒋᐊᖅᑕᐅᑉᓗᓂ ᑎᑭᐅᑎᔪᖕᓇᕐᓂᖅᓴᐅᓂᐊᕐᓗᒋᑦ ᐱᔭᐅᔭᕆᐊᓖᑦ ᓄᓇᓕᖕᒥᐅᓄᑦ ᐱᓕᕆᐊᒃᓴᖅᓯᐅᖅᑎᓪᓗᒋᑦ ᐊᒡᓃᑯᒃᑯᓐᓂᑦ. “ᓄᓇᓕᖕᒦᖓᔪᒥᑦ ᐊᑐᕈᒪᔪᒍᑦ ᐃᓱᒪᒋᔭᕌᖓᑉᑎᒍᑦ ᐱᓕᕆᐊᖃᕐᓂᖅ ᓄᓇᕗᒻᒥ ᐅᔭᕋᒃᑕᕆᐊᕐᓂᑦ. ᐱᒻᒪᕆᐅᔪᖅ ᐊᔪᕆᓪᓗᒋᑦ ᐊᑐᖃᑦᑕᖅᑕᕗᑦ ᐱᔭᕆᐊᖃᖅᑕᖏᓐᓄᑦ. ᑕᐃᒪᓐᓇᐃᓪᓗᓂ, ᑕᐃᒪᑐᖅ ᐃᓚᐅᑎᑦᑎᓗᒃᑖᕐᓂᖅᓴᐅᔪᒥᑦ ᐱᓕᕆᕝᕕᐅᔪᒪᔫᓂᐊᖅᐳᒍᑦ”, ᐅᖃᖅᑐᖅ ᔫᓂ ᑎᓈᒥ (Joanie Dénommé), ᐃᓄᖕᓂᑦ ᐱᓕᕆᐊᓄᑦ ᑐᑭᒧᐊᒃᑎᑦᑎᔨ ᐊᒡᓃᑯᒃᑯᓐᓂᑦ. ᑭᓯᐊᓂ ᖃᓄᖅ ᑐᑭᖃᓪᓚᑦᑖᖅᐸ ᐱᓕᕆᔨᑖᖅᑐᕐᓂᖅ ᓄᓇᓕᖕᒦᖓᔪᒥᒃ ᐊᑐᕐᓗᓂ?
ᐅᕙᑉᑎᖕᓄᑦ, ᐱᒋᐊᖃᑦᑕᖅᑐᖅ ᐃᓕᑦᑎᓗᓂ ᓄᓇᓕᖕᒥᐅᓂᑦ ᐅᕙᑉᑎᖕᓂᑦ ᐊᑐᖅᓯᒪᔭᖏᑦᑎᒍᑦ, ᓄᓇᓕᖕᒥᑦ ᐱᓕᕆᑎᑦᑎᔨᐅᑉᓗᑕ, ᐊᒻᒪᓗ ᖃᓄᖅ ᐊᔪᙱᑎᓐᓂᐊᕐᓗᒍ ᐱᓕᕆᔨᑖᖅᑐᕐᓂᕆᖃᑦᑕᖅᑕᕗᑦ – ᖃᓄᐃᑦᑐᓂᒃ ᐅᔭᕋᒃᑕᕆᐊᓂᑦ ᐱᓕᕆᐊᓄᑦ ᐱᔪᒪᖕᒪᖔᑕ ᐊᒻᒪᓗ ᐱᑦᑕᐅᓛᖑᔪᑦ ᐊᑉᖁᑎᒋᔭᐅᔪᖕᓇᖅᑐᑦ ᑕᐃᑯᙵᕐᓂᐊᕐᓗᓂ ᐱᕕᒃᑕᖃᓕᕌᖓᑦ. ᐊᓯᐊᙳᖅᑐᑦ ᓯᕗᓪᓕᐅᓚᐅᖅᑐᖅ ᐱᓕᕆᐊᒃᓴᖅᓯᐅᖅᑐᓕᕆᓂᕐᒧᑦ ᐊᖏᓂᖅᓴᒥᑦ ᐊᒃᑐᖅᓯᓂᖃᕐᓂᐊᖅᑐᖅ ᓂᕆᐅᑦᑎᐊᕋᑉᑕ ᒪᒃᑯᖕᓂᖅᓴᐅᔪᓂᒃ ᐱᓕᕆᔪᒪᔪᓂᒃ ᑕᐃᒪᓐᓇᒧᓪᓗ, ᓯᕗᓂᒃᓴᖏᑦ ᓄᓇᕗᒻᒥ ᐱᓕᕆᔪᑦ.

ᓴᓇᔨᒃᓴᓄᑦ – ᓴᕆᒪᓱᒃᑎᑦᑎᓂᖅ ᐊᒻᒪᓗ ᓴᙱᒃᑎᑦᑎᓂᖅ ᐱᓕᕆᔨᐅᔪᓂᑦ

ᓴᓇᔨᒃᓴᓄᑦ ᑐᕌᖓᔪᖅ ᐋᖅᕿᒃᓯᔪᒪᔪᖅ ᐊᒡᓃᑯᒃᑯᓐᓂᑦ ᐱᓕᕆᑎᑦᑎᔨᐅᓂᕐᒧᑦ ᓂᕈᐊᖅᑕᐅᓗᑎᒃ ᓄᓇᕗᒻᒥᑦ. ᐋᖅᕿᒃᓱᖅᖢᒋᑦ ᑐᕌᖓᔪᑦ, ᓴᕆᒪᓇᖅᑐᒥᒃ ᐱᔪᒪᓕᖅᑎᑦᑎᔪᒪᔪᒍᑦ ᐱᓕᕆᔨᑉᑎᖕᓄᑦ ᐊᑕᐅᓯᐅᖓᔪᒃᑯᑦ ᐃᓚᒋᔭᐅᓕᕌᖓᑕ ᐊᒡᓃᑯᒃᑯᑦ ᖃᑕᙳᑎᒌᓄᑦ. ᓄᓇᓕᖕᒥᐅᓂᒃ ᐱᓕᕆᑎᑦᑎᓂᖅ ᐊᖏᒡᓕᒋᐊᕈᒪᑐᐃᓐᓇᙱᑕᕗᑦ, ᑭᓯᐊᓂ ᐃᑲᔪᕈᒪᔪᒍᑦ ᐱᕙᓪᓕᐊᑎᓐᓂᐊᕐᓗᒋᑦ ᓄᓇᓕᖕᒥᐅᑦ ᐊᔪᙱᓐᓂᖏᑦ ᐊᔾᔨᒌᙱᑦᑑᑦ ᐋᖅᕿᒃᑕᐅᓯᒪᔪᑦ ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᑉᑎᒍᑦ ᐊᒻᒪᓗ ᓴᙱᒃᑎᑎᓪᓗᒋᑦ ᐃᓄᐃᑦ ᐱᓕᕆᔨᓄᑦ ᓇᖕᒥᓂᖅ ᐊᑐᖅᓯᒪᔭᖏᓐᓂᒃ ᐱᕈᐃᑎᑦᑎᓂᐊᕐᓗᑕ ᓄᓇᓕᖏᓐᓂᑦ. ᑐᕌᒐᕆᔭᕗᑦ ᑐᕌᖓᔪᒧᑦ ᐱᔪᒪᓕᖅᑎᑦᑎᓂᖃᕐᓗᑕ ᐊᒻᒪᓗ ᐱᕕᖃᖅᑎᑦᑎᓗᑕ ᒪᒃᑯᒃᑐᓂᒃ – ᓯᕗᓂᒃᓴᕆᔭᖏᑦ ᐃᓄᐃᑦ ᐱᓕᕆᔨᑉᑕ – ᐃᓱᒪᒋᔭᖃᑐᐃᓐᓇᕆᐊᖃᖅᑐᑦ ᐱᓕᕆᐊᖃᕐᓂᕐᒥᑦ ᐅᔭᕋᒃᑕᕆᐊᕐᒥᑦ ᐅᕝᕙᓘᓐᓃᑦ ᓯᕗᓕᐅᖅᑎᐅᓂᕐᒧᑦ ᐊᔪᙱᓐᓂᖏᑦ ᐱᕈᖅᑎᑦᑐᒪᔭᖏᑦ.

ᓴᓇᔨᒃᓴᓄᑦ ᓯᕗᒻᒧᐊᖅᑕ – ᓯᕗᒻᒧᒃᑕ ᐱᓕᕆᑎᑦᑎᓂᕐᒧᑦ

ᓴᓇᔨᒃᓴᓄᑦ ᓯᕗᒻᒧᐊᖅᑕ ᐅᕝᕙᓘᓐᓃᑦ ᓯᕗᒻᒧᒃᑕ ᐱᓕᕆᑎᑦᑎᓂᕐᒧᑦ, ᑐᑭᖃᕐᓂᖅᓴᐅᔪᖅ ᐱᓕᕆᔨᑖᖅᑐᕐᓂᕐᒥᐅᖓᓂᑦ ᐱᐊᓂᖕᓂᐊᕐᓗᑎᒃ ᐱᓕᕆᐊᒃᓴᐅᔪᓂᑦ ᐱᓕᕆᐊᖏᓐᓂᑦ. ᓱᓕᔪᒃᑯᑦ ᑐᑭᒋᔭᖓ ᐱᓕᕆᔨᙳᕈᖕᓇᖅᑐᑦ ᖃᐅᔨᒪᓗᑎᒃ ᐊᓯᐊᙳᖅᐸᓪᓕᐊᒐᑉᑎᒍᑦ ᑕᐅᑐᒐᕆᔭᕗᑦ ᐊᒻᒪᓗ ᓂᕆᐅᒃᑐᒍᑦ ᐊᒥᓲᓂᖅᓴᓂᒃ ᐊᔪᙱᑦᑐᓂᒃ ᓄᓇᓕᖕᒥᑦ ᐱᓕᕆᑎᑦᑎᓂᐊᕐᓗᑕ ᐊᔾᔨᒌᙱᑦᑑᑎᓂᒃ ᐱᓕᕆᐊᒃᓴᓄᑦ ᐃᓂᐅᔪᓄᑦ ᐅᔭᕋᒃᑕᕆᐊᑉᑎᖕᓂᑦ. ᐱᒋᐊᒃᑲᓐᓂᕈᒪᔪᒍᑦ ᐊᒻᒪᓗ ᖁᕕᐊᓱᒃᑐᒍᑦ ᓄᑖᖅ ᐱᓕᕆᔨᑖᖅᑐᕐᓂᕐᒧᑦ ᐱᕙᓪᓕᐊᓂᕆᔭᑉᑎᖕᓂᑦ ᐊᒻᒪᓗ ᑕᐅᑐᒐᕆᓂᐊᖅᑕᕗᑦ ᐱᓕᕆᐊᖃᖅᑎᓪᓗᑕ ᓄᑖᒥᒃ ᑕᐅᑐᒐᐅᔪᒥᑦ ᐊᒻᒪᓗ ᖃᓄᖅᑑᕆᓂᕐᒧᑦ ᑲᒪᒋᓂᐊᕐᓗᒋᑦ ᐱᓕᕆᐊᒃᓴᓄᑦ ᐊᒻᒪᓗ ᐱᕕᖃᖅᑎᑦᑎᓂᖅᓴᐅᓗᑕ ᐊᒻᒪᓗ ᐱᕈᖅᑎᓪᓗᒋᑦ ᐃᓄᐃᑦ ᐱᓕᕆᔨᐅᔪᑦ. ᐱᕈᖅᐸᓪᓕᐊᖏᓐᓇᖅᑎᓪᓗᑕ ᑲᒻᐸᓂᐅᑉᓗᑕ, ᐱᒻᒪᕆᐅᒋᔭᕗᑦ ᓄᓇᓕᖕᒥᐅᑕᐃᑦ ᐃᑲᔪᖅᑕᐅᓂᖃᕐᓂᐊᕐᓗᑎᒃ ᖃᓄᐃᓕᐅᕐᓂᕆᔭᑉᑎᖕᓂᑦ ᐊᒻᒪᓗ ᐊᑐᓗᒃᑖᕈᖕᓇᕐᓗᑎᒃ ᐱᓕᕆᐊᕐᒧᑦ ᐱᕕᖃᖅᑎᑦᑎᓂᐅᔪᓂᒃ ᐅᔭᕋᒃᑕᕆᐊᑉᑎᖕᓂᑦ. ᐅᒃᐱᕈᓱᒃᑐᒍᑦ ᑐᕌᖓᔪᖅ ᓯᕗᒻᒧᒋᐊᖅᑎᑦᑎᓂᐅᖕᒪᑦ.

ᐃᓕᑦᑎᒃᑲᓐᓂᕈᒪᒍᕕᑦ ᐱᓕᕆᐊᒃᓴᓄᑦ ᐱᕕᖃᖅᑎᑦᑎᓂᕐᓂᑦ ᐅᔭᕋᒃᑕᕆᐊᑉᑎᖕᓂᑦ, ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖕᒧᐊᕐᓗᑎᑦ ᐅᕗᖓ: aemnunavut.ca/careers ᐅᕝᕙᓘᓐᓃᑦ ᓄᓇᓕᖕᒥᑦ ᑲᒪᔨᐅᔪᖅ ᖃᐅᔨᒋᐊᕐᕕᒋᓗᒍ.