ᐃᐅᕆᐊᓐ ᐸᓛᑦ (Ariane Ballard), ᓄᓇᕗᒻᒥ ᓄᕙᒡᔪᐊᕐᓇᒥᑦ ᓯᕗᓕᐅᖅᑎ/ᐱᓕᕆᐊᕐᒧᑦ ᓯᕗᓕᐅᖅᑎ, ᓂᕈᐊᖅᑕᐅᔪᖅ ᐃᓚᒋᔭᐅᑉᓗᓂ 2023 ᐱᓕᕆᔨᖏᓐᓄᑦ ᐊᒡᓃᑯᒃᑯᑦ ᐃᖢᐊᖅᓴᐃᔨᖓᑦ. ᓕᐋᓐ ᐲᑯ ᐃᓕᓐᓂᐊᖅᑎᐅᑉᓗᓂ ᐃᑲᔫᑎᑖᖅᑐᖅ

ᖁᕕᐊᓱᒃᑐᒍᑦ ᐃᐅᕆᐊᓐ ᐸᓛᑦ (Ariane Ballard), ᓄᓇᕗᒻᒥ ᓄᕙᒡᔪᐊᕐᓇᒥᑦ ᓯᕗᓕᐅᖅᑎ/ᐱᓕᕆᐊᕐᒧᑦ ᓯᕗᓕᐅᖅᑎ, ᓂᕈᐊᖅᑕᐅᔪᖅ ᐃᓚᒋᔭᐅᑉᓗᓂ 2023 ᐱᓕᕆᔨᖏᓐᓄᑦ ᐊᒡᓃᑯᒃᑯᑦ ᐃᖢᐊᖅᓴᐃᔨᖓᑦ. ᓕᐋᓐ ᐲᑯ ᐃᓕᓐᓂᐊᖅᑎᐅᑉᓗᓂ ᐃᑲᔫᑎᑖᖅᑐᖅ. ᖁᕕᐊᓲᑎᖃᖅᑎᓪᓗᑕ ᑎᑭᐅᑎᔭᐅᔪᓂᒃ ᐊᕐᓇᓄᑦ ᐊᒻᒪᓗ ᐃᑲᔪᐃᓯᒪᔪᑦ ᐱᐊᓂᑦᑎᐊᕐᓂᖓᓄᑦ ᓄᓇᕗᒻᒥ ᐊᐅᓛᖅᑎᑦᑎᓂᕗᑦ, ᖁᕕᐊᓱᒃᑐᒍᑦ ᑐᓂᓯᔪᖕᓇᕋᑉᑕ ᐱᔾᔪᑎᖃᖅᑐᒥᒃ ᐃᐅᕆᐊᓐ (Ariane) ᐊᑖᓂ.

ᐃᐅᕆᐊᓐ ᐸᓛᑦ (Ariane Ballard), ᓄᓇᕗᒻᒥ ᓄᕙᒡᔪᐊᕐᓇᒥᑦ ᓯᕗᓕᐅᖅᑎ/ᐱᓕᕆᐊᕐᒧᑦ ᓯᕗᓕᐅᖅᑎ

ᐃᐅᕆᐊᓐ ᐸᓛᑦ (Ariane Ballard) ᐃᓚᐅᓕᓚᐅᖅᑐᖅ ᐊᒡᓃᑯᒃᑯᑦ ᖃᑕᙳᑎᒌᓄᑦ 2019-ᒥᑦ ᓇᔭᙳᐊᖑᑉᓗᓂ ᑕᓯᕐᔪᐊᕐᒥᑦ. ᓄᕙᒡᔪᐊᕐᓇ-19-ᖃᓕᓵᕐᒪᑦ, ᐃᐅᕆᐊᓐ (Ariane) ᐱᒋᐊᓚᐅᖅᑐᖅ ᐃᑲᔪᕐᓗᓂ ᐊᐅᓚᑦᑎᓂᕐᒥᒃ ᓄᕙᒡᔪᐊᕐᓇᓕᕆᓂᕐᒧᑦ ᐊᔪᙱᓐᓂᓂ ᐊᑐᖅᖢᒍ, ᐆᒻᒪᖅᖁᑎᖃᕐᓂᖓ ᐊᒻᒪᓗ ᖃᐅᔨᒪᓂᖃᕐᓂᖓ. ᐃᐅᕆᐊᓐ (Ariane) ᓄᕙᒡᔪᐊᕐᓇᒥᑦ ᑐᑭᒧᐊᒃᑎᑦᑎᔨᙳᓚᐅᖅᑐᖅ ᑲᑕᒑᕆᕝᕕᒃ 2020-ᒥᑦ, ᐊᔪᙱᓕᖅᐸᓪᓕᐊᖏᓐᓇᖅᖢᓂ, ᐊᒻᒪᓗ ᑎᒃᑯᐊᖅᑕᐅᑉᓗᓂ ᐊᑕᐅᓯᖅ ᐅᑭᐅᖅ ᐱᐊᓂᖕᒪᑦ, ᑲᑕᒑᕆᕝᕕᒃ 2021-ᒥᑦ, ᓄᓇᕗᒻᒥ ᓄᕙᒡᔪᐊᕐᓇᒥᑦ ᓯᕗᓕᐅᖅᑎ ᓯᕗᓕᐅᖅᑎᒧᑦ, ᑲᒪᔭᖃᖅᖢᓂ ᐅᐸᓗᐊᓂᕐᒧᑦ ᐸᕐᓇᐅᑎᓄᑦ ᐊᒻᒪᓗ ᐱᓕᕆᐊᖑᔪᓄᑦ ᑕᓯᕐᔪᐊᕐᒥᑦ ᐊᒻᒪᓗ ᐊᐳᖅᑎᓐᓈᖅᑐᒥᑦ ᐅᔭᕋᒃᑕᕆᐊᑉᑎᖕᓂᑦ ᐊᒻᒪᓗ ᕼᐆᑉ ᐸᐃ ᐱᓕᕆᐊᕐᒥᑦ. ᓱᖁᑎᒃᓴᖃᑦᑕᓚᐅᖏᑦᑐᖅ ᐃᑲᕐᕋᓕᐅᒃᑲᓐᓂᕐᓂᐊᕐᓗᓂ, ᐃᐅᕆᐊᓐ (Ariane) ᐊᔪᙱᑦᑎᐊᖅᑐᖅ ᐊᒃᓱᕈᕐᓇᖅᑐᒥᒃ ᐊᐅᓚᑦᑎᓂᕐᒧᐊᕌᖓᑦ.  ᐱᓕᕆᓪᓗᕆᒃᓴᕐᓂᖓ ᐊᒻᒪᓗ ᐊᒃᓱᕈᖅᖢᓂ ᓄᕙᒡᔪᐊᕐᓇᓕᕆᓂᖅ ᑲᒪᒋᓚᐅᖅᑕᖓ ᐱᒻᒪᕆᐅᔪᖅ ᐃᑲᔪᖅᖢᓂ ᐊᐅᓛᖅᑎᑦᑎᓃᑦ ᐊᐅᓛᕈᖕᓇᖅᖢᑎᒃ ᓄᕙᒡᔪᐊᕐᓇᖃᖅᑎᓪᓗᒍ. ᐊᒥᓱᓂᒃ ᐱᐊᓂᑦᑎᐊᖅᓯᒪᓂᖓᓄᑦ ᓂᕈᐊᖅᑕᐅᔾᔪᑎᒋᓚᐅᖅᑕᖓ 2023 ᐱᓕᕆᔨᓄᑦ ᐊᒡᓃᑯᒃᑯᑦ ᐃᖢᐊᖅᓴᐃᔨᒧᑦ. ᓕᐋᓐ ᐲᑯ ᐃᓕᓐᓂᐊᖅᑎᐅᑉᓗᓂ ᐃᑲᔫᑎᑖᖅᑐᖅ.

“ᐆᒃᑐᓚᐅᖅᑐᖓ ᑐᕌᖓᔪᒧᑦ ᐅᒃᐱᕈᓱᒃᑲᒪ ᑐᓂᓯᖕᒪᑦ ᐱᑦᑕᐅᑦᑎᐊᖅᑐᒥᒃ ᐱᕕᖃᖅᑎᑦᑎᓂᕐᒥᒃ ᐅᕙᒻᓄᑦ ᐱᕙᓪᓕᐊᓂᐊᕐᓗᒋᑦ ᐱᔭᕆᐊᖃᖅᑕᒃᑲᑦ ᐊᔪᙱᓃᑦ ᑎᑭᐅᑎᓂᕐᒧᑦ ᐊᖓᔪᒃᖠᖅ ᓯᕗᓕᐅᖅᑎᒧᑦ ᐃᓂᐅᔪᒧᑦ. ᑕᐃᒪᑐᖅ ᑐᕌᖓᔪᖅ ᐃᑲᔪᕐᓂᐊᖅᐳᖅ ᐅᕙᒻᓂᒃ ᐱᓕᕆᐊᕐᒥᒃ ᖃᐅᔨᒪᓕᕐᓂᕐᒧᑦ ᐊᒻᒪᓗ ᐱᓗᒍ ᐱᔭᕆᐊᖃᖅᑕᕋ ᐅᕙᒻᓂᒃ-ᓇᓗᙱᓐᓂᕐᒥᒃ ᐊᑐᕈᖕᓇᕐᓂᐊᕐᓗᒋᑦ ᐱᕕᖃᕐᓂᐅᔪᑦ ᐱᑕᖃᕋᔭᓚᐅᖏᑦᑎᐊᖅᑐᑦ,” ᐅᖃᖅᑐᖅ ᐃᐅᕆᐊᓐ ᐸᓛᑦ (Ariane Ballard).

ᐅᖃᖅᖢᓂᓗ ᐃᓕᑦᑎᓂᖅ ᐊᓯᖏᓐᓂᑦ ᐅᖃᐅᔾᔨᖃᑦᑕᖅᑐᓂᒃ ᑖᑉᑯᐊ ᐱᐅᒋᑦᑎᐊᖅᑕᖏᑦ ᐊᒻᒪᓗ ᐱᔪᒪᑎᑦᑎᓂᖃᖅᖢᑎᒃ ᓯᕗᓕᐅᖅᑎᐅᔪᑦ, ᑐᓴᕐᕕᒋᖃᑦᑕᖅᖢᒋᑦ, ᐊᒻᒪᓗ ᐃᓕᑦᑎᕙᓪᓕᐊᑉᓗᓂ ᖁᑦᑎᓛᖑᔪᒥᑦ ᐃᓕᓐᓂᐊᖅᑐᓂᒃ ᐅᖃᐅᔾᔨᔩᑦ ᐱᕕᖃᖅᑎᑦᑎᑦᑎᐊᕐᓂᐊᖅᑐᑦ. ᐃᐅᕆᐊᓐ (Ariane) ᑎᑭᐅᑎᔪᒪᔪᖅ ᓄᑖᓂᒃ ᖁᑦᑎᖕᓂᐅᔪᓂᒃ ᐱᓇᐃᖅᓯᒪᔪᖕᓃᕐᓗᒋᑦ ᐃᓗᐃᑦᑐᒃᑯᑦ ᐊᔪᙱᓐᓂᓕᒫᕆᔭᖏᑦ.

“ᐊᓯᐊᙳᖅᑎᑦᑎᔨᐅᓂᐊᖅᑐᖓ ᓇᓗᓇᙱᑦᑐᖅ ᐱᓕᕆᐊᕐᒧᑦ ᐊᒡᓃᑯᒃᑯᓐᓂᑦ,” ᐅᖃᖅᑐᖅ ᐃᐅᕆᐊᓐ (Ariane).

“ᐊᓯᐊᙳᖅᑎᑦᑎᔨᐅᓂᐊᖅᑐᖓ ᓇᓗᓇᙱᑦᑐᖅ ᐱᓕᕆᐊᕐᒧᑦ ᐊᒡᓃᑯᒃᑯᓐᓂᑦ,” ᐅᖃᖅᑐᖅ ᐃᐅᕆᐊᓐ (Ariane).

ᐃᓕᓐᓂᐊᖅᑎᑦ ᐃᑲᔫᑎᑖᕐᓂᖅ ᐊᒻᒪᓗ ᐱᕙᓪᓕᐊᓂᕐᒧᑦ ᑐᕌᖓᔪᖅ ᓴᖅᕿᑕᐅᓚᐅᖅᑐᖅ ᐅᐱᒋᑉᓗᒍ ᐃᖢᐊᖅᓴᐃᔨᐅᓚᐅᖅᑐᖅ. ᓕᐋᓐ ᐲᑯ, ᐱᒻᒪᕆᐅᓚᐅᖅᑐᖅ ᐃᓚᒋᔭᐅᑉᓗᓂ ᐊᒡᓃᑯᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐃᒃᓯᕙᐅᑕᖅ ᑲᑎᒪᔨᓄᑦ ᖃᐅᔨᓴᐃᓂᕐᒧᑦ ᑲᑎᒪᔨᐊᓛᖏᓐᓄᑦ. ᐱᔭᒃᓴᐅᑎᐅᔪᖅ ᐃᓕᓐᓂᐊᖅᑎᒥᒃ ᐃᑲᔫᑎ ᐊᒻᒪᓗ ᐱᕙᓪᓕᐊᓂᕐᒧᑦ ᑐᕌᖓᔪᖅ ᐃᑲᔪᕐᓂᐊᕐᓗᒋᑦ ᐱᓕᕆᔨᐅᔪᑦ ᐊᕐᓇᐃᑦ ᐊᒡᓃᑯᒃᑯᓐᓄᑦ ᐃᓕᑕᕆᔭᐅᓗᑎᒃ ᐱᓂᐊᕐᓂᕋᖅᑕᐅᓯᒪᑉᓗᑎᒃ ᐅᕝᕙᓘᓐᓃᑦ ᐱᔪᒪᓂᖃᖅᓯᒪᔪᑦ ᓯᕗᒻᒧᒋᐊᕐᓂᕐᒧᑦ ᓯᕗᓕᐅᖅᑎᒧᑦ ᐃᓂᐅᔪᓄᑦ ᒪᕐᕉᖕᓄᑦ ᐅᑭᐅᓄᑦ ᐃᑲᔪᖅᑕᐅᖃᑦᑕᖅᖢᑎᒃ ᐊᒻᒪᓗ ᐊᔪᕈᖕᓃᖅᓴᐃᓂᕐᒧᑦ ᑐᕌᖓᔪᒥᑦ.

ᐃᐅᕆᐊᓐ (Ariane) ᐱᑦᑕᐅᓛᓂᒃ ᐱᖁᕙᕗᑦ ᒪᕐᕉᖕᓄᑦ ᐅᑭᐅᓄᑦ ᐱᓂᐊᖅᑕᖓᓂᑦ, ᐊᒻᒪᓗ ᓂᕆᐅᒃᑐᒍᑦ ᑕᑯᓂᐊᕐᓗᒋᑦ ᐱᕕᖃᖅᑎᑦᑎᓂᐅᔪᑦ ᑐᕌᖓᔪᒥᑦ ᐅᒃᑯᐃᖅᓯᓂᐅᔪᑦ ᐃᖕᒥᓄᑦ. ᓇᓗᙱᑦᑐᒍᑦ ᐱᔪᒪᓂᕆᔭᖓ, ᐊᔪᙱᓐᓂᕆᔭᖏᑦ, ᐊᒻᒪᓗ ᐱᓕᕆᑦᑎᐊᕈᖕᓇᕐᓂᖓ ᐱᑦᑕᐅᔪᒥᒃ ᓯᕗᓂᒃᓴᖃᖅᑎᓐᓂᐊᕐᒪᒍ.

ᐱᔾᔪᑎᑉᓗᒋᑦ ᑕᒪᓗᒃᑖᖅ ᓄᓇᕗᒻᒥ ᐱᓕᕆᔪᑦ, ᓴᕆᒪᒋᕙᕘᕈᒪᔪᒍᑦ, ᐃᐅᕆᐊᓐ (Ariane), ᐊᒻᒪᓗ ᖁᕕᐊᒋᔭᕗᑦ ᐱᔪᒪᓂᕆᔭᐃᑦ ᐊᒡᓃᑯᒃᑯᓐᓄᑦ! ᑕᐃᒪᑐᖅ ᐅᓂᑉᑳᕆᔭᐃᑦ ᐱᔪᒪᓕᖅᑎᑦᑎᓂᖃᕐᓂᐊᖅᐳᑦ ᐊᓯᖏᓐᓂᑦ ᐊᕐᓇᓂᑦ ᐅᔭᕋᒃᑕᕆᐊᓕᕆᓂᕐᒦᑦᑐᑦ.