ᓯᐅᕋ ᓴᕗᐃ (Sara Savoie), ᐊᕙᑎᒧᑦ ᓱᓇᑐᐃᓐᓇᓄᑦ ᐃᓱᒪᑕᕆᔭᐅᔪᖅ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᕐᒥᑦ, ᓂᕈᐊᖅᑕᐅᓚᐅᖅᑐᖅ ᐅᑭᐅᖑᔪᒧᑦ ᐱᑖᕐᓂᖓ ᐊᒡᓃᑯᒃᑯᑦ ᐃᖢᐊᖅᓴᐃᔨᖓᓄᑦ. ᓕᐋᓐ ᐲᑯ ᐃᓕᓐᓂᐊᖅᑎᐅᑉᓗᓂ ᐃᑲᔫᑎᑖᖅᑐᖅ

ᓴᕆᒪᒋᔭᕗᑦ ᑐᓴᖅᑎᑦᑎᓂᕐᒥᒃ ᓯᐅᕋ ᓴᕗᐃ (Sara Savoie), ᐊᕙᑎᒧᑦ ᓱᓇᑐᐃᓐᓇᓄᑦ ᐃᓱᒪᑕᕆᔭᐅᔪᖅ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᕐᒥᑦ, ᓂᕈᐊᖅᑕᐅᓚᐅᕐᒪᑦ ᐅᑭᐅᖑᔪᖅ ᐱᑖᕐᓂᖓᓄᑦ ᐊᒡᓃᑯᒃᑯᑦ ᐃᖢᐊᖅᓴᐃᔨᖓᓄᑦ. ᓕᐋᓐ ᐲᑯ ᐃᓕᓐᓂᐊᖅᑎᐅᑉᓗᓂ ᐃᑲᔫᑎᑖᖅᑐᖅ. ᖁᕕᐊᓲᑎᖃᐃᓐᓇᖅᑐᒍᑦ ᑎᑭᐅᑎᓯᒪᓂᖏᓐᓂᑦ ᐊᕐᓇᐃᑦ ᐃᑲᔪᖅᓯᒪᔪᑦ ᐱᐊᓂᑦᑎᐊᖅᓯᒪᓂᖓᑕ ᓄᓇᕗᒻᒥ ᐊᐅᓛᖅᑎᑦᑎᕗᑦ, ᖁᕕᐊᓱᒃᑐᒍᑦ ᑐᓂᔪᖕᓇᕋᑉᑎᒋᑦ ᐱᔾᔪᑎᖃᖅᑐᒥᒃ ᓯᐅᕋᒥᑦ ᐊᑖᓂᑦ.

ᓯᐅᕋ ᓴᕗᐃ (Sara Savoie), ᐊᕙᑎᒧᑦ ᓱᓇᑐᐃᓐᓇᓄᑦ ᐃᓱᒪᑕᕆᔭᐅᔪᖅ

ᓯᐅᕋ ᓴᕗᐃ (Sara Savoie) ᐃᓚᐅᓕᓚᐅᖅᑐᖅ ᐊᒡᓃᑯᒃᑯᑦ ᖃᑕᙳᑎᖏᓐᓂᑦ 2019-ᒥᑦ ᒪᓕᒃᑎᑦᑎᓂᕐᒧᑦ ᐅᖃᓪᓚᐅᔾᔨᔨᐅᑉᓗᓂ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᕐᒥᑦ. ᓴᙱᔫᔪᑦ ᖃᐅᔨᔪᖕᓇᕐᓂᖏᑦ ᐊᒻᒪᓗ ᐱᔪᒪᓂᖓ ᐱᓕᕆᐊᖃᕐᓂᕐᒥᒃ ᐱᑦᑕᐅᔪᒥᒃ ᐱᓕᕆᐊᕐᒥᑦ ᐊᑕᐅᑦᑎᒃᑯᑦ ᐱᓕᕆᐊᕆᑉᓗᒋᑦ ᓄᑖᑦ ᐱᔭᒃᓴᐅᑏᑦ ᖃᐅᔨᔭᐅᖏᓚᐅᖏᑦᑐᑦ. ᓯᐅᕋ RMMS ᐊᒻᒪᓗ ᒪᓕᒃᑎᑦᑎᓂᕐᒧᑦ ᑐᑭᒧᐊᒃᑎᑦᑎᔨᙳᓚᐅᖅᑐᖅ 2021-ᒥᑦ, ᐱᓕᕆᐊᖓ ᑕᑯᓚᐅᖅᑐᖅ ᑲᒪᔨᐅᓂᖓ ᓴᖅᕿᑕᐅᔪᖅ ᒪᓕᒃᑎᑦᑎᓂᕐᒧᑦ ᐱᓕᕆᔨᓄᑦ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᑉ ᐊᕙᑎᓕᕆᔨᒃᑯᖏᓐᓂᑦ, ᐊᒻᒪᓗ 2022-ᒥᑦ, ᐊᕙᑎᒥᒃ ᓱᓇᑐᐃᓐᓇᓄᑦ ᐃᓱᒪᑕᕆᔭᐅᔪᖅ ᐃᓂᐅᔪᒧᐊᓚᐅᖅᑐᖅ. ᓯᐅᕋ ᑲᒻᐸᓂᒃᑯᑦ ᐊᒻᒪᓗ ᐱᓕᕆᖃᑎᒋᔭᖏᑦ ᐱᐊᓂᑦᑎᐊᖅᓯᒪᓂᖏᑦ ᐆᒪᑎᖓᓃᖃᑦᑕᓚᐅᖅᑐᖅ. ᐱᓕᕆᐊᒥᓂᒃ ᐊᒃᓱᕉᑎᖃᖅᑐᖅ ᐱᓕᕆᖃᑎᖃᖃᑦᑕᖅᖢᓂ, ᓯᐅᕋ ᐱᒋᐊᓚᐅᖅᑐᖅ ᐱᔭᕆᐊᖃᓕᕋᒥ ᐱᓕᕆᖃᑎᒋᔭᖏᑦ ᐱᔭᕆᐊᖃᖅᑐᓂᒃ ᐱᕝᕕᐅᔪᖃᕐᓂᐊᕐᓗᑎᒃ ᐊᒻᒪᓗ ᐃᑲᔪᖅᑕᐅᖃᑦᑕᕐᓂᕐᒥᒃ. ᐱᒻᒪᕆᐅᔪᒥᒃ ᐱᓕᕆᓚᐅᖅᑐᖅ ᐱᕈᐃᑎᑦᑎᓂᕐᒧᑦ ᓴᙱᔪᒥᒃ ᐊᕙᑎᓕᕆᓂᕐᒧᑦ ᒪᓕᒃᑎᑦᑎᓂᕐᒥᒃ ᐱᓕᕆᔨᓄᑦ ᑕᐃᒪᐅᔪᒥᒃ ᑕᓯᕐᔪᐊᕐᒥᑦ ᐅᔭᕋᒃᑕᕆᐊᕐᒥᑦ ᐅᑉᓗᒥᐅᔪᖅ. ᐱᐊᓂᒃᓯᒪᓃᑦ, ᐊᓯᖏᓪᓗ ᑕᐃᒪᐅᑉᓗᑎᒃ, ᓂᕈᐊᖅᑕᐅᔪᖕᓇᖅᓯᑎᑦᑎᓚᐅᖅᑐᑦ ᐃᓚᒋᔭᐅᓗᓂ 2023 ᐱᓕᕆᔨᓂᒃ ᐊᒡᓃᑯᒃᑯᑦ ᐃᖢᐊᖅᓴᐃᔨᖏᓐᓂᑦ. ᓕᐊᓐ ᐲᑲ ᐃᓕᓐᓂᐊᖅᑎᓄᑦ ᐃᑲᔫᑎᒥᒃ ᐱᑖᖅᑐᖅ.

“ᐱᓕᕆᖃᑎᖃᕈᖕᓇᓚᐅᖅᑐᖓ ᐊᔾᔨᒌᙱᑦᑐᓂᒃ ᓴᙱᔪᓂᒃ ᓯᕗᓕᐅᖅᑎᐅᔪᓂᒃ ᐃᓚᐅᓕᓚᐅᖅᑎᓪᓗᖓ ᐊᒡᓃᑯᒃᑯᓐᓂᑦ, ᐊᒻᒪᓗ ᑕᒪᕐᒥᒃ ᐱᑦᑕᐅᑦᑎᐊᖅᓯᒪᔪᑦ ᑐᓂᓯᑉᓗᑎᒃ ᑕᑯᓯᒪᔭᒻᓂᒃ ᐊᒻᒪᓗ ᐃᓕᑦᑎᓂᕐᒧᑦ ᐱᕕᖃᕐᓂᐅᔪᓂᒃ. ᐅᒃᐱᕈᓱᒃᑐᖓ ᐊᑐᖅᑕᐅᔪᑦ ᐊᒻᒪᓗ ᐱᕙᓪᓕᐊᓂᕐᒧᑦ ᐱᕕᖃᕐᓂᐅᔪᑦ ᑐᕌᖓᔪᒥᑦ ᐱᔭᐅᔪᑦ ᐅᕙᒻᓂᒃ ᐱᕈᐃᑎᑦᑎᒃᑲᓐᓂᕐᓂᐊᕐᒪᑕ ᐊᑐᖅᓯᒪᓂᑯᒻᓂᒃ ᐊᒻᒪᓗ ᐃᑲᔪᕐᓗᖓ ᐊᑉᖁᑎᒋᓂᐊᖅᑕᑉᒥᓂᒃ ᐃᑲᔪᐃᓂᖃᒃᑲᓐᓂᕐᓂᖅᓴᐅᓗᖓ ᑲᒻᐸᓂᒃᑯᓐᓄᑦ,” ᐅᖃᖅᑐᖅ ᓯᐅᕋ.

ᐅᖃᖅᖢᓂᓗ ᑕᐃᒪᑐᖅ ᑐᕌᖓᔪᖅ ᐃᑲᔪᕐᓂᐊᖅᐳᖅ ᐃᖕᒥᓄᑦ ᑎᑭᐅᑎᓗᓂ ᐊᔪᙱᓐᓂᕐᒧᑦ ᐱᕙᓪᓕᐊᓂᕐᒥᒃ ᐊᒻᒪᓗ ᓯᕗᓕᐅᖅᑎᐅᓂᕐᒧᑦ ᑐᕌᒐᐅᔪᑦ ᐊᔪᙱᓐᓂᖅᓴᒃᑯᑦ, ᐋᖅᕿᐅᒪᔪᒃᑯᑦ ᓯᓚᑖᓃᑦᑐᓂᑦ ᐅᑎᖅᑕᖃᑦᑕᕐᓂᕐᒥᒃ ᑭᐴᑎᖃᑦᑕᕐᓂᖅ ᐋᖅᕿᐅᒪᔪᒃᑯᑦ ᐊᑐᕆᐊᖃᓲᖅ ᐅᑭᐅᖅᑕᖅᑐᒥᑦ ᐱᓕᕆᑉᓗᓂ.

“ᓂᕆᐅᑦᑎᐊᖅᑐᖓ ᐃᓚᒋᔭᐅᓂᐊᕐᓗᖓ ᑐᕌᖓᔪᒧᑦ ᐊᒻᒪᓗ ᑕᐃᒪᑐᖅ ᐱᔪᒪᑎᑦᑎᔪᖕᓇᕐᓂᐊᖅᐳᖓ ᐊᓯᖏᓐᓂᒃ ᐱᓕᕆᖃᑎᒻᓂᒃ ᐃᓚᐅᖃᑕᐅᓂᐊᕐᓗᑎᒃ, ᐱᓕᕆᖃᑎᒌᖑᑉᓗᑕ ᓯᕗᓪᓕᖅᐸᐅᔪᑦ ᐱᓕᕆᖃᑎᒌᖑᓚᐅᖅᑐᑦ ᐅᕙᒻᓄᑦ,” ᐅᖃᖅᖢᓂ ᓯᐅᕋ.

ᐱᔾᔪᑎᖃᖅᑐᖅ ᐃᖢᐊᖅᓴᐃᔨᒥᒃ. ᓕᐋᓐ ᐲᑯ ᐃᓕᓐᓂᐊᖅᑎᐅᑉᓗᓂ ᐃᑲᔫᑎᑖᖅᑐᖅ

ᐃᓕᓐᓂᐊᖅᑎᓄᑦ ᐃᑲᔫᑎ, ᐃᓚᐅᑉᓗᑎᒃ ᒪᕐᕉᒃ ᐅᑭᐅᓄᑦ ᐃᑲᔪᖅᑕᐅᖃᑦᑕᕐᓗᓂ, ᐊᔪᕈᖕᓃᖅᓴᕐᓗᓂ, ᐊᒻᒪᓗ ᐱᕙᓪᓕᐊᓂᕐᒧᑦ ᑐᕌᖓᔪᖅ, ᓴᖅᕿᑕᐅᓚᐅᖅᑐᖅ ᐅᐱᒋᓗᒍ ᐃᖢᐊᖅᓴᐃᔨᐅᓚᐅᖅᑐᖅ. ᓕᐋᓐ ᐲᑯ, ᐱᒻᒪᕆᐅᓚᐅᖅᑐᖅ ᐃᓚᒋᔭᐅᑉᓗᓂ ᐊᒡᓃᑯᒃᑯᑦ ᑲᑎᒪᔨᖏᓐᓄᑦ ᐊᒻᒪᓗ ᐃᒃᓯᕙᐅᑕᖅ ᑲᑎᒪᔨᓄᑦ ᖃᐅᔨᓴᐃᓂᕐᒧᑦ ᑲᑎᒪᔨᐊᓛᖏᓐᓄᑦ. ᐱᔭᒃᓴᐅᑎᖓ ᐃᓕᓐᓂᐊᖅᑎᓄᑦ ᐃᑲᔫᑦ ᐊᒻᒪᓗ ᐱᕙᓪᓕᐊᓂᕐᒧᑦ ᑐᕌᖓᔪᑦ ᐃᑲᔪᕐᓂᐊᕐᓗᒋᑦ ᐱᓕᕆᔪᑦ ᐊᕐᓇᐃᑦ ᐊᒡᓃᑯᒃᑯᓐᓄᑦ, ᖃᐅᔨᓯᒪᔪᑦ ᐱᓂᐊᕐᓂᖃᕐᓂᖏᓐᓂᒃ ᐅᕝᕙᓘᓐᓃᑦ ᐱᔪᒪᓂᖃᕐᓂᖏᓐᓂᒃ ᓯᕗᒻᒧᖕᓂᐊᕐᓗᑎᒃ ᓯᕗᓕᐅᖅᑎᐅᓂᕐᒧᑦ ᐃᓂᐅᔪᓂᒃ.

ᓯᐅᕋ ᐱᑦᑕᐅᑦᑎᐊᖅᑐᒥᒃ ᐱᖁᔭᕗᑦ ᐱᒋᐊᕐᓂᐊᕐᓗᓂᐅᒃ ᒪᕐᕉᒃ ᐅᑭᐅᓄᑦ ᐃᖏᕐᕋᓂᕆᔭᖓᓂᑦ. ᖃᐅᔨᒪᒐᑉᑕ, ᑕᐅᑐᒐᖃᕐᓂᒃᑯᑦ ᐃᓱᒪᖃᑦᑕᕐᓂᖓᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᖓ ᐊᖏᔪᒥᒃ ᐃᑲᔪᐃᓂᖃᖅᓯᒪᖕᒪᑦ ᐃᖕᒥᓄᑦ ᐊᒻᒪᓗ ᑕᓯᕐᔪᐊᖅ ᐱᐊᓂᑦᑎᐊᖅᓯᒪᓂᖓᓄᑦ – ᑕᓯᕐᔪᐊᖅ ᐊᔾᔨᖓᓂᒃ ᐊᑐᖅᓯᒪᓇᔭᓚᐅᖏᑦᑐᑦ ᒪᓕᒃᑎᑦᑎᓂᕐᒧᑦ ᐊᐅᓚᑦᑎᓂᐅᔪᖅ ᐅᑉᓗᒥ ᐃᑲᔪᐃᓂᖓ ᐱᑕᖃᓚᐅᖏᑉᐸᑦ.

ᐱᔾᔪᑎᑉᓗᒋᑦ ᓄᓇᕗᒻᒥ ᐱᓕᕆᔩᑦ (ᐊᔾᔨᐅᖏᑦᑐᒃᑯᑦ ᐅᖃᐅᓯᕆᑉᓗᒍ ᑕᓯᕐᔪᐊᕐᒥᑦ ᖃᑕᙳᑎᑎᑦ! 😊), ᓯᐅᕋ, ᓴᕆᒪᒋᑦᑎᐊᖅᑕᑉᑎᒋᑦ ᐊᒻᒪᓗ ᖁᔭᓕᔪᒍᑦ ᐱᔪᒪᓂᕆᔭᖕᓄᑦ ᐊᒻᒪᓗ ᐱᓕᕆᔪᒪᖃᑦᑕᕐᓂᕆᔭᖕᓄᑦ – ᐱᓕᕆᖃᑎᖕᓄᑦ ᐊᒻᒪᓗ ᐊᒡᓃᑯᒃᑯᓐᓄᑦ. ᑕᐃᒪᑐᖅ ᐅᓂᑉᑳᕆᔭᐃᑦ ᐱᔪᒪᓕᖅᑎᑦᑎᓂᖃᕐᓂᐊᖅᐳᑦ ᐊᓯᖏᓐᓂᑦ ᐊᕐᓇᓂᑦ ᐅᔭᕋᒃᑕᕆᐊᓕᕆᓂᕐᒦᑦᑐᑦ. ᖃᐅᔨᒪᔪᒍᑦ ᐊᔪᙱᑦᑎᐊᕐᓂᐊᕋᕕᑦ ᑐᕌᖓᔪᒥᑦ!