ᐊᒡᓃᑯᒃᑯᑦ ᐱᓕᕆᖃᑎᒋᑉᓗᒋᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᑦ ᐊᒻᒪᓗ ᓴᕐᓕᐊᒃᑯᑦ ᑐᓂᓯᔪᑦ ᐃᒡᓗᕐᔪᐊᕋᓛᓂᒃ

ᑲᖏᖅᖠᓂᖅ, ᓄᓇᕗᑦ

ᐊᕗᓐᓂᕕᒃ (ᕕᕗᐊᕆ) 1, 2023-ᒥᑦ, ᐊᒡᓃᑯᒃᑯᑦ ᖁᕕᐊᓱᓚᐅᖅᑐᑦ ᑲᒪᔭᖃᕐᓂᕐᒥᒃ ᐃᒡᓗᕐᔪᐊᕋᓛᒥᒃ ᑐᓂᕐᕈᑎᖃᕐᒪᑕ ᖁᕕᐊᓲᑎᖃᖅᖢᑎᒃ ᐱᓕᕆᖃᑎᒋᑉᓗᒋᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᑦ ᐊᒻᒪᓗ ᓴᕐᓕᐊᒃᑯᑦ.

ᔪᐃᔅ ᕈᐃᒥ, ᓵᓚᒃᓴᓚᐅᖅᑐᖅ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᑦ ᐊᕐᕌᒍᑕᒫᖅ ᑭᑐᓗᒃᑖᓂᒃ ᑲᑎᒪᑎᑦᑎᖕᒪᑕ ᐊᒧᔭᐅᑉᓗᓂ ᐃᒡᓗᕐᔪᐊᕋᓛᒧᑦ, ᐱᑖᑦᑎᐊᖅᑐᐊᓘᓚᐅᖅᑐᖅ.

ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᑦ ᐊᕐᕌᒍᑕᒫᖅ ᑭᑐᓗᒃᑖᓂᒃ ᑲᑎᒪᑎᑦᑎᓵᓚᐅᖅᑐᑦ ᐋᒡᔪᓕᕐᕕᒃ (ᑎᓯᐱᕆ) 2022-ᒥᑦ, ᑲᑎᒪᔪᓄᙵᐅᔪᑦ ᐊᑎᖏᑦ ᐊᒧᔭᒃᓴᓄᑦ ᐃᓕᔭᐅᑉᓗᑎᒃ ᓵᓚᒃᓴᕐᓂᐊᕐᓗᑎᒃ ᐃᒡᓗᕐᔪᐊᕋᓛᒥᑦ ᐊᒡᓃᑯᒃᑯᑦ ᑐᓂᕐᕈᑎᒋᔭᖓᓂᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᓐᓄᑦ. ᔪᐃᔅ ᕈᐃᒥ ᐊᒧᔭᐅᓚᐅᖅᑐᖅ ᐃᒡᓗᕐᔪᐊᕋᓛᒧᑦ.

ᑐᓂᕐᕈᑎᖃᕐᓂᕐᒧᑦ ᖁᕕᐊᓲᑎᖃᕐᓂᕐᒥᑦ, ᔪᐃᔅ ᐅᖃᓚᐅᖅᑐᖅ ᓂᕆᐅᒃᑐᖅ ᓯᑕᒪᐃᑦ ᓄᑕᖅᖃᖏᑦ ᐃᖃᓪᓕᐊᕈᑎᓂᐊᕐᒪᒋᑦ ᓄᑖᖅ ᐃᒡᓗᕐᔪᐊᕋᓛᒥᑦ ᐊᐅᔭᐅᔪᒥᑦ. ᖃᑕᙳᑎᖏᑦ ᖁᕕᐊᓱᒃᑐᑦ ᓄᓇᒦᓐᓂᐊᕐᓗᑎᒃ ᐃᒡᓗᕐᔪᐊᕋᓛᖅ ᐃᓕᔭᐅᒃᐸᑦ.

ᔮᓐ-ᑲᓛᑦ ᐸᓖ (Jean-Claude Blais), ᓱᓇᑐᐃᓐᓇᓄᑦ ᐊᐅᓚᑦᑎᔨ, ᑕᓱᕐᔪᐊᕐᒥᑦ ᐅᔭᕋᒃᑕᕆᐊᕐᒥᑦ, ᐅᖃᖅᑐᖅ, “ᖁᔭᓐᓇᒦᕈᒪᔭᕗᑦ ᐱᓕᕆᖃᑎᒋᔭᕗᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᑦ, ᐃᑲᔪᓚᐅᕐᒪᑕ ᐅᕙᑉᑎᖕᓂᑦ ᖃᓄᖅ ᐃᑲᔪᕈᖕᓇᕐᓂᕐᒥᒃ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᕐᓇᖅᑐᖃᙱᑎᑦᑎᓂᕐᒧᑦ ᓄᓇᕗᒻᒥᐅᓂᑦ ᐃᖏᕐᕋᔭᖃᖅᑕᖅᑐᑦ ᐊᒻᒪᓗ ᒪᖃᐃᖦᓗᑎᒃ ᓄᓇᒥᑦ, ᐊᑑᑎᖃᓛᖑᔪᒃᑰᑉᓗᓂ ᑖᑉᑯᓄᖓ.”

ᐃᓕᑕᕆᖕᒥᔭᕗᑦ ᓴᕐᓕᐊᒃᑯᑦ ᐊᔪᙱᓐᓂᖏᓐᓄᑦ ᐊᒻᒪᓗ ᐱᐅᑦᑎᐊᖅᑐᒥᒃ ᐱᓕᕆᖃᑎᒋᑉᓗᒋᑦ ᐊᔪᕐᓇᙱᑎᖦᖢᒍ ᑐᓂᕐᕈᑕᐅᔪᖅ.

ᑐᒡᓕᕆᔭᖓ ᒪᕐᕉᖕᓂᒃ ᐃᒡᓗᕐᔪᐊᕋᓛᓂᒃ ᐊᒡᓃᑯᒃᑯᑦ ᑐᓂᓯᓂᖓᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᓐᓄᑦ, ᓯᕗᓪᓕᐅᓚᐅᖅᑐᖅ 2021-ᒥᑦ ᓄᓇᒧᐊᖅᑕᐅᓚᐅᖅᑐᖅ ᐊᑐᖅᑕᐅᖃᑦᑕᕐᓂᐊᕐᓗᓂ ᒪᖃᐃᑎᓄᑦ.

ᕆᑦᓲᑦ ᑳᓂᓕ, ᐊᖓᔪᖅᖄᑉ ᑐᒡᓕᖓ ᓴᕐᓕᐊᒃᑯᓐᓄᑦ, ᐅᖃᖅᑐᖅ, “ᓴᕐᓕᐊᖅ ᐊᒻᒪᓗ ᓂᒃᓯᒃ ᖁᕕᐊᓱᒃᑐᑦ ᐃᑲᔪᖃᑕᐅᖕᒪᑕ ᐊᒡᓃᑯᒃᑯᑦ ᐱᓂᐊᕐᓂᕆᔭᖓᓄᑦ ᓄᓇᓕᖕᒧᑦ ᐊᒻᒪᓗ ᒪᖃᐃᑎᖏᓐᓄᑦ ᑐᓂᓯᑉᓗᑎᒃ ᐃᒡᓗᕐᔪᐊᕋᓛᓂᒃ ᓄᓇᒦᓐᓂᐊᖅᑐᓂᒃ. ᓯᕗᓪᓕᖅᐹᖅ ᓴᓇᔭᐅᓚᐅᖅᑐᖅ ᐅᑭᐅᕐᒥᑦ 2021-ᒥᑦ ᐱᒻᒪᕆᐅᑉᓗᓂ ᐱᖁᑎᒋᔭᐅᔪᖅ ᒪᖃᐃᑎᓄᑦ ᓯᓚᕐᓘᑎᒧᑦ ᑎᑭᐅᑎᖃᑦᑕᖅᑐᓄᑦ. ᑕᐃᒪᑐᖅ ᐊᒥᓱᒃᑲᓐᓃᑦ ᓴᓇᔭᐅᓂᐊᖅᐳᑦ ᒪᖃᐃᑎᓄᑦ ᐊᑐᖅᑕᐅᖃᑦᑕᕐᓂᐊᕐᓗᑎᒃ ᓄᓇᒧᑦ ᐊᐅᓪᓚᖅᑎᓪᓗᒋᑦ ᐊᑦᑕᕐᓇᖅᑐᒦᓐᓂᐊᖏᓪᓗᑎᒃ.”

ᖁᔭᓐᓇᒦᖅᑕᕗᑦ ᑭᑐᓗᒃᑖᑦ ᐃᑲᔪᓚᐅᖅᑐᑦ ᑐᓂᓯᓂᕐᒥᑦ ᐱᔪᖕᓇᖅᓯᑎᑦᑎᑉᓗᑎᒃ, ᐃᓚᐅᑉᓗᑎᒃ ᐱᓕᕆᖃᑎᒋᔭᕗᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᑦ ᐊᒻᒪᓗ ᓴᕐᓕᐊᒃᑯᑦ ᓴᓇᓚᐅᖅᑐᑦ ᐃᒡᓗᕐᔪᐊᕋᓛᕐᒥᑦ.

ᑐᒡᓕᐊ ᐃᒡᓗᕐᔪᐊᕋᓛᖅ ᑐᓂᔭᐅᔪᖅ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᓐᓄᑦ

ᐊᒡᓃᑯᒃᑯᑦ ᓯᕗᓂᐊᒍᑦ ᑐᓂᓯᓚᐅᖅᑐᑦ ᐃᒡᓗᕐᔪᐊᕋᓚᒥᑦ ᑲᖏᖅᖠᓂᕐᒥᑦ ᐆᒪᔪᓕᕆᔨᐊᓛᒃᑯᓐᓄᑦ 2021-ᒥᑦ. ᑐᓂᕐᕈᑕᐅᔪᖅ ᐃᑲᔪᕐᓂᐊᕐᓗᓂ ᒪᒃᑯᒃᑐᑦ ᒪᖃᐃᑎᓄᑦ ᑐᕌᖓᔪᒥᒃ ᐊᒻᒪᓗ ᐃᒡᓗᖃᖅᑎᑦᑎᓗᓂ ᒪᖃᐃᑎᓂᒃ ᐊᑐᕆᐊᖃᖅᐸᑕ, ᐊᔪᖅᓯᐅᖃᓕᕋᔭᖅᐸᑕ ᐱᖅᑐᒥᑦ ᓄᓇᒦᑎᓪᓗᒋᑦ. ᐅᒃᑯᐃᖓᔪᖅ ᑭᑐᑐᐃᓐᓇᓄᑦ ᐊᑐᖅᑕᐅᔪᖕᓇᕐᓗᓂ ᓄᓇᓕᖕᒥᐅᑕᓄᑦ ᐊᑐᕆᐊᖃᖅᐸᑕ.

ᓯᕗᓪᓕᖅ ᐃᒡᓗᕐᔪᐊᕋᓛᖅ ᓴᓇᔭᐅᓚᐅᖅᑐᖅ ᐃᑲᔪᖅᑕᐅᑉᓗᑎᒃ ᑳᓐᑐᕌᖃᖃᑦᑕᖅᑐᒧᑦ ᓴᕐᓕᐊᒃᑯᓐᓄᑦ, ᖃᐅᔨᓴᓚᐅᖅᑐᑦ ᓴᓇᔭᐅᑎᓪᓗᒍ, ᐊᒻᒪᓗ ᐱᖓᓱᑦ ᐊᒡᓃᑯᒃᑯᑦ ᐱᓕᕆᔨᖏᑦ ᐱᓕᕆᔨᑖᖑᓚᐅᖅᑐᑦ ᐱᑦᑎᐊᖅᑎᐅᔪᓄᑦ ᐱᓕᕆᓂᐊᕐᓗᑎᒃ ᐱᓕᕆᐊᕐᒥᑦ. 2021-ᒥᑦ, ᐃᒡᓗᕐᔪᐊᕋᓛᖅ ᐃᖃᓗᖕᓃᓚᐅᖅᑐᖅ.